ལྷ་བབས་དུས་ཆེན།
    ནང་བའི་ལུགས་ལྟར་ན་བདག་ཅག་གི་སྟོན་པ་དགུང་ལོ་ཞེ་གཅིག་གི་སྟེང་དུ་ཁོང་གི་ཡུམ་སྒྱུ་འཕྲུལ་མ་སུམ་ཅུ་རྩ་གསུམ་གྱི་ཡུལ་དུ་ལྷའི་སྐྱེ་བ་བཞེས་ཡོད་པ་མཁྱེན་ཞིང་ཁོང་གིས་ཡུམ་གྱི་དྲིན་ལན་གཞལ་བ་དང་།ལྷའི་ཡུལ་དུ་ཆོས་ཀྱི་འཁོར་ལོ་བསྐོར་ཕྱིར་ཟླ་དྲུག་པའི་ཚེས་བཅོ་ལྔར་ལྷའི་ཡུལ་དུ་ཕེབས་ཞིང་ཤཱ་རའི་བུ་ལ་སོགས་འཁོར་དང་བཅས་སུམ་ཅུ་རྩ་གསུམ་གྱི་ཡུལ་དུ་ཟླ་དགུ་བའི་ཚེས་བཅོ་ལྔའི་བར་དབྱར་གནས་ལ་བཞུགས། དེ་ནས་ཡུལ་རྒྱ་གར་གྱི་རྒྱལ་བོ་གསལ་རྒྱལ་དང་རྒྱལ་བོ་གཟུགས་ཅན་སྙིང་བོ་སོགས་ཀྱིས་བདག་ཅག་གི་སྟོན་པ་ཁོང་པ་ཕྱིར་མི་ཡུལ་དུ་ཕེབས་པར་ཞུས་པས་རྫུ་འཕྲུལ་ལ་འཐོགས་པ་མེེད་པའི་མོ་འགལ་གྱི་བུ་ཟླ་དགུ་བའི་ཚེས་བཅོ་ལྔ་ཉིན་ལྷ་ཡུལ་དུ་ཕེབས་ནས་སྟོན་པ་ཁོང་མི་ཡུལ་དུ་ཕེབས་པར་ཞུས། དེ་ནས་ཁོང་ཞག་བདུན་གྱི་རྗེས་ཏེ་དགུ་བའི་ཉེར་གཉིས་ཀྱི་ཉིན་ཕྱིར་མི་ཡུལ་དུ་ཕེབས།དེ་བས་ཁོང་གི་རྗེས་འཇུག་པ་རྣམས་ཀྱིས་དགུ་བའི་ཉེར་གཉིས་ནི་དྲིན་ཆེན་ཨ་མའི་དྲིན་ལན་འཇལ་བའི་ཉིན་མོར་འང་བརྩི། https://t.cn/R2WxDGB

༸ ཀུན་མཁྱེན་བླ་མ་རྒྱལ་དབང་མི་བསྐྱོད་རྡོ་རྗེ་དགོངས་པ་ཆོས་དབྱིངས་སུ་ཐིམ་ནས་ལོ་༤༦༨ སོང་བར་རྗེས་དྲན་ཞུ།

ཤེས་བྱའི་ཚུལ་འདིར་རྣམ་དཔྱོད་ཐོགས་མེད་ཀྱིས། །
གསུང་རབ་དགོངས་དོན་འཆད་ལ་བསྙེངས་པ་བྲལ། །
དེ་ཚུལ་སྤྱོད་ལ་རྣམ་གཡེང་གོ་སྐབས་མེད། །
མི་བསྐྱོད་རྡོ་རྗེའི་ཞབས་ལ་གསོལ་བ་འདེབས། །

——— ཞེས་པ་རྗེ་ཉིད་ཀྱིས་མཛད་པའོ།

ཀུན་གསལ་དབྱིངས་ནི་ཅི་ཡང་མེད་པའི་བར་སྟོང་སྟེ།།
ཆུ་འཛིན་དཀར་པོ་རང་དབང་ངང་ནས་གང་དགར་བསྐྱོད།།
ཡིན་ཡང་སྐབས་འགར་རྡུལ་གྱི་ཁ་ལོའི་འཁོར་ཕྱོགས་ཀྱིས།།
རང་དབང་དེ་ཡང་གཞན་དབང་ཚུལ་དུ་འགྱུར་ནས་སོང་།།