༧ཐམས་ཅད་མཁྱེན་གཟིགས་ལྔ་པ་ཆེན་པོས། ཚེ་འདིར་སྦྱངས་ཤིང་ཤེས་ལ་ཐ་མལ་ཟེར། ། ཐོས་བྲལ་མ་བསླབས་སྐྱེས་བུ་དམ་པར་ལྟ། ། གསེར་དང་སྣག་ཚ་བསྲེས་པའི་རྒྱལ་ཁམས་འདི། ། ཡུལ་དབུས་ཟེར་ཡང་ཀླ་ཀློའི་གྲོང་ཁྱེར་འདྲ། ། ཞེས་བཀའ་གསུང་ཕེབས།
ལྷ་བུ་དམ་པ་ཏོག་དཀར་གྱི་ལོ་རྒྱུས།
སེང་སྤྲུལ་རིག་འཛིན་ཉི་མས་བསྒྲིགས།
དམ་པ་ཏོག་དཀར་ནི་སྟོན་པ་གཤེན་རབ་མི་བོའི་སློབ་མའམ་ཤཱཀྱ་ཐུབ་པའི་སྐྱེ་བ་སྔོན་མ་ལྷ་ཡི་བུ་ཞིག། དེ་ལ་ལྷ་བུ་དམ་པ་ཏོག་དཀར། ལྷ་གཤེན་དམ་པ་ཏོག་དཀར། ལྷ་ཏོག་དཀར་སོགས་ཅི་རིགས་འབྲི་བའང་ཡོད། ཡང་ན། རྩ་གསུམ་ལྷ་ཡུལ་དུ་བཞུགས་དུས་དམ་པ་ཏོག་དཀར་ཞེས་བྱ་བ། བདུད་ང་མིན་ཆོས་པོ་བཏུལ་དུས་སུ་ཤཱཀྱ་ཐུབ་པ་ཞེས་ཀྱང་བྱ། རྒྱ་གར་བས་མ་ཧྭ་བྷ་ག་ཝ་ཏེ་ཞེས་ཀྱང་བྱ། བོད་ཀྱིས་ལྷ་གསང་བ་འདུས་པ་ཞེས་ཀྱང་བྱ། ཞང་ཞུང་བས་གྲྭ་བྱིན་སྤུངས་པ་ཞེས་ཀྱང་བྱ། སྟག་གཟིག་པས་ཤཱཀྱ་སེང་གེ་ཞེས་རོང་སྟོན་ཤེས་བྱ་ཀུན་མཁྱེན་གྱིས་མཛད་པའི་བོན་ཆོས་རྣམ་འབྱེད་སྣང་གསལ་རིག་པའི་མེ་ལོང་ལས་གསུངས་སོ། །ཁོང་ནི་སྟོན་པ་གཤེན་རབ་མི་བོའི་གསུང་གི་སྲས་བཅུ་བཞི་དང་། བདུད་རྒྱལ་སྡེ་བཞི་འདུལ་བའི་གཤེན་པོ་བཞི་དང་། སྟོན་པ་གཤེན་རབན་མི་བོའི་རྒྱལ་ཚབ་རྣམ་ལྔའི་ནང་ཚན་ཞིག་གོ། ཀུན་མཁྱེན་ཉི་མ་བསྟན་འཛིན་གྱི་ཕར་ཕྱིན་སྐབས་དང་པོའི་མཐའ་དཔྱོད་ལས། སངས་རྒྱས་སྟོན་པ་གཤེན་རབ། གཙུག་ལག་སྲིད་པའི་བུ་བཞི་སྤྲུལ་བའི་ནང་ཚན། ཁོང་གིས་ལྷ་བུ་དམ་པ་ཏོག་དཀར་ལ་སྤྲུལ་ནས། རྒྱ་གར་ཤཱཀྱའི་སྲས་སུ་སྐུ་འཁྲུངས་ཏེ། དམ་པ་ཆོས་ཀྱི་སྒོ་ནས་བཀའ་འཁོར་ཐོག་མཐའ་བར་གསུམ་བསྐོར་ནས་གདུལ་བྱ་འདུལ་ཚུལ་གསུངས་སོ། །ཁོང་ནི་ལྷ་ཡུལ་དགའ་ལྡན་གྱི་གནས་སུ་སྐུ་འཁྲུངས། ཡབ་ཡུམ་དང་སྐུ་འཁྲུངས་འདས་སོགས་ཀྱི་ལོ་རྒྱུས་མི་གསལ་ཡང་། སྟོན་པས་ལྷ་ལ་བོན་བསྟན་པའི་མདོ་ལྟར་ན། གཤེན་རབ་གཡུང་དྲུང་སེམས་དཔའ་སེམས་དཔའ་ཆེན་པོ་ཀུན་ལས་རྣམ་པར་ཡོངས་སུ་འཕགས་པའི་མཆོག་ཆེན་པོ། ལྷའི་བུ་དམ་པ་ཏོག་དཀར་ཞེས་བྱ་བ། རང་གི་གདན་ལས་ལངས་ཏེ། ལྷའི་མེ་ཏོག་པདྨ་དམར་པོ་ལག་ཏུ་ཐོག་ནས། སྟོན་པ་གཤེན་རབ་མཆོག་དེ་དག་གི་དྲུང་དུ་ཁོད་དེ་མདུན་དུ་པུས་བཙུགས་ཐལ་མོ་སྦྱར་བར་བཏུད་དེ་གསོལ་པ། ཞེས་སྟོན་པ་གཤེན་རབ་མི་བོ་གཤེན་ལོ་བཅོ་བརྒྱད་དུས་སུ་རྩ་གསུམ་ལྷ་ཡུལ་དུ་བཞུགས་དུས་སུ་སྟོན་པའི་མདུན་དུ་བྱོན་ཡོད་པར་བསྟན། བོན་གྱི་ལོ་རྒྱུས་སྲོལ་རྒྱུན་གྱི་དབང་དུ་བྱས་ན། སྤྱི་ལོའི་སྔོན་འདས་ལོ༼༡༤༢༡༧༽ཡས་མས་དང་། དེང་དུས་ཞིབ་འཇུག་པས་འདོད་པ་ལྟར་ན་སྤྱི་ལོའི་སྔོན་འདས་ལོ༼༡༨༩༩༽ལོ་ཡས་མས་སུ་ལྷ་ཡུལ་དུ་བྱོན་པ་མ་ཟད། སྟོན་པ་གཤེན་རབ་མི་བོ་ལ་ལྷ་ལ་བསྟན་པའི་མདོ་ཞུ་བ་པོ་ཡང་ཡིན། སྟོན་པ་གཤེན་རབ་མི་བོས་མདོ་སྡེ་དམ་པ་ཏོག་ཆེན་བྱ་བ་གཏན་ལ་ཕབ་སྟེ་འཁོར་རྣམས་ལ་བཤད་ནས། ལྷའི་བུ་དམ་པ་ཏོག་དཀར་པོ་ལ་གཉེར་དུ་གཏད་པར་མཛད་ཚུལ་ནི་སྟོན་པས་ལྷ་ལ་བོན་བསྟན་པའི་མདོ་ལས་གསལ་ལོ། ། སྟོན་པས་བདུད་ཁམས་ཐར་པར་བཀོད་པའི་མདོ་སོགས་གསུང་བའི་སྐབས་སུ་འཁོར་གྱི་ཚུལ་དུ་སྟོན་པ་དང་ཐབས་གཅིག་ཏུ་བཞུགས། ལྷ་བུ་དམ་པ་ཏོག་དཀར་རྩ་གསུམ་ལྷ་གནས་སུ་ཡོད་པ་ལ། རྣམ་མཁྱེན་སྟོན་པས་ལུང་ཕོག་ནས་བདུད་དེ་འདུལ་དུ་བཏང་པ་ཡིན། བསྟན་པ་གཉེར་གཏད་ཀྱི་མདོ་ལས། དེ་ཡང་མི་ལོ་བརྒྱད་ཅུའི་དུས། །ལྷ་བུ་དམ་པ་ཏོག་དཀར་ཁྱོད། །འདི་ནས་འཛམ་གླིང་ལྷོ་ཕྱོགས་ཀྱི། །རྒྱ་གར་ཝ་ར་ན་སེ་རུ། །རྒྱལ་པོ་ཤག་གི་སྲས་སུ་འཁྲུང་། །ང་མིན་ཆོས་པོས་བསྒྱུར་བ་ཡི། །བོན་ལ་འཆོས་པས་ལོག་བསླུ་ལ། །ཡང་དག་ཆོས་ཞེས་བྱ་བར་བསྒྱུར། །མི་ལོ་བརྒྱད་བརྒྱ་ཉི་ཤུ་ལ། །རབ་འབྱམས་བཀའ་ཡི་འཁོར་ལོ་བསྐོར། །ཞེས་པའི་ལུང་བསྟན་ཚུལ་ནི། སུམ་ཅུ་རྩ་གསུམ་ན་ལྷའི་བུ་དམ་པ་ཏོག་དཀར་པོ་བདོག་པ་ཐུགས་ལ་ཤར་ཏེ་སྟོན་པ་སུམ་ཅུ་རྩ་གསུམ་དུ་བྱོན་ནས། སྟོན་པ་ཉིད་ཀྱིས་ལྷའི་བུ་དམ་པ་ཏོག་དཀར་ལ་འགྲོ་བ་འདུལ་བའི་ལུང་ཕོག་སྟེ། ཀྱེ་ལྷ་ཡི་བུ་ཚེ་དང་ལྡན་པ་ཁྱོད་ལ་གསང་བ་ཁྱད་པར་ཅན་གྱི་ལུང་བསྟན་གྱིས་འགྲོ་བ་མིའི་ཡུལ་དུ་བདུད་ང་མིན་ཆོས་པོ་ཞེས་བྱ་བ། ཉིན་མོར་རི་ལ་སྡོད་ཅིང་ཧུར་པ་བྱེད། མཚན་མོར་ལུང་ལ་སྡོད་ཅིང་འཇབ་བུ་བྱེད། རེས་འགའ་ཆོས་བྱེད་ཟེར་ཞིང་མི་རྣམས་ཟོས་ནས་སངས་རྒྱས་ཟེར། དེ་ཡི་གཉེན་པོར་ཁྱོད་བཏང་བས། ཐབས་ལ་མཁས་པར་གྱིས་ལ་བདུད་ཐུལ་ཅིག ཅེས་གསུངས་པས། དེ་ལ་དམ་པ་ཏོག་དཀར་གྱིས་ཞུས་པ། སྟོན་པའི་བཀའ་འདི་བདག་གིས་གཉན་པར་བགྱི། ཚུལ་དང་ཐབས་ཀྱི་ཁྱད་པར་བདག་ལ་སྩོལ་ཞེས་ཞུས་པས། དེ་ལ་གཤེན་རབ་ཀྱིས་བཀའ་སྩལ་པ། གཡུང་དྲུང་བོན་གྱི་དོན་གསང་བ་ཁྱད་པར་ཅན་གྱི་ཐབས་བསྟན་པ་བྱ་བ་མི་བསྙེལ་བར་གྱིས་ཤིག ཚུལ་ནི་བདག་འགྲོ་བའི་དོན་ལ་སྤྲུལ་པ་ཇི་བཞིན་ནོ། །ཐབས་ནི་བདག་གིས་ཀྱང་གཡུང་དྲུང་བོན་གསང་བ་ཡང་གསང་གི་དོན་རྣམས་གཏན་ལ་ཕབ་ནས་གནས་དེ་རུ་སྤྲུལ་ཏེ། ཁྱོད་ཀྱིས་དེ་ལས་ཀྱང་རབ་ཏུ་ཆོས་ཞེས་བྱ་བར་སྟོན་ཅིག ཅེས་གསུང་ནས། སྤྲུལ་པའི་སྲས་དེ་ལ་མངལ་གྱི་དྲི་མས་མ་གོས་ཤིང་། མི་བརྗེད་པའི་གཟུངས་ཀྱི་དབང་བསྐུར་ནས་བྱོན་ནོ། །དེ་ནས་སྤྲུལ་པའི་སྐུ་དེ་སྟོན་པ་ཉིད་ལྟ་བུར་བྱོན་ནས། རྒྱལ་པོ་ཤག་གི་རིགས་གཙང་མ་ཟས་ཞེས་བྱ་བ་དང་ཡུམ་དངོས་གྲུབ་ལྷ་སྦྱིན་མཛེས་ཞེས་བྱ་བའི་སྲས་སུ་འཁྲུངས་ནས། ལས་དགེ་སྡིག་གི་དོན་གཏན་ལ་ཕབ། ཏོག་གཟུངས་ཆེན་པོའི་མདོ་གསུངས། ཞེས་རྒྱུང་ཡར་བླ་ཆེན་ཁོད་སྤུངས་ཀྱིས་མཛད་པའི་གཡུང་དྲུང་བོན་གྱི་སྒྲ་བསྒྲགས་པ་རིན་པོ་ཆེའི་གླིང་གྲགས་ལས་གསུངསསོ།།ཁོང་ནི་སྟོན་པ་གཤེན་རབ་མི་བོའི་གསུང་སྲས་དང་བསྟན་པ་བོན་གྱི་གཏད་གཉེར་མཛད་ཡུལ་གྱི་གཤེན་རབ་གཡུང་དྲུང་སེམས་དཔའ་སེམས་དཔའ་ཆེན་པོ་ཞིག་གོ། https://t.cn/z8A5LA3
སེང་སྤྲུལ་རིག་འཛིན་ཉི་མས་བསྒྲིགས།
དམ་པ་ཏོག་དཀར་ནི་སྟོན་པ་གཤེན་རབ་མི་བོའི་སློབ་མའམ་ཤཱཀྱ་ཐུབ་པའི་སྐྱེ་བ་སྔོན་མ་ལྷ་ཡི་བུ་ཞིག། དེ་ལ་ལྷ་བུ་དམ་པ་ཏོག་དཀར། ལྷ་གཤེན་དམ་པ་ཏོག་དཀར། ལྷ་ཏོག་དཀར་སོགས་ཅི་རིགས་འབྲི་བའང་ཡོད། ཡང་ན། རྩ་གསུམ་ལྷ་ཡུལ་དུ་བཞུགས་དུས་དམ་པ་ཏོག་དཀར་ཞེས་བྱ་བ། བདུད་ང་མིན་ཆོས་པོ་བཏུལ་དུས་སུ་ཤཱཀྱ་ཐུབ་པ་ཞེས་ཀྱང་བྱ། རྒྱ་གར་བས་མ་ཧྭ་བྷ་ག་ཝ་ཏེ་ཞེས་ཀྱང་བྱ། བོད་ཀྱིས་ལྷ་གསང་བ་འདུས་པ་ཞེས་ཀྱང་བྱ། ཞང་ཞུང་བས་གྲྭ་བྱིན་སྤུངས་པ་ཞེས་ཀྱང་བྱ། སྟག་གཟིག་པས་ཤཱཀྱ་སེང་གེ་ཞེས་རོང་སྟོན་ཤེས་བྱ་ཀུན་མཁྱེན་གྱིས་མཛད་པའི་བོན་ཆོས་རྣམ་འབྱེད་སྣང་གསལ་རིག་པའི་མེ་ལོང་ལས་གསུངས་སོ། །ཁོང་ནི་སྟོན་པ་གཤེན་རབ་མི་བོའི་གསུང་གི་སྲས་བཅུ་བཞི་དང་། བདུད་རྒྱལ་སྡེ་བཞི་འདུལ་བའི་གཤེན་པོ་བཞི་དང་། སྟོན་པ་གཤེན་རབན་མི་བོའི་རྒྱལ་ཚབ་རྣམ་ལྔའི་ནང་ཚན་ཞིག་གོ། ཀུན་མཁྱེན་ཉི་མ་བསྟན་འཛིན་གྱི་ཕར་ཕྱིན་སྐབས་དང་པོའི་མཐའ་དཔྱོད་ལས། སངས་རྒྱས་སྟོན་པ་གཤེན་རབ། གཙུག་ལག་སྲིད་པའི་བུ་བཞི་སྤྲུལ་བའི་ནང་ཚན། ཁོང་གིས་ལྷ་བུ་དམ་པ་ཏོག་དཀར་ལ་སྤྲུལ་ནས། རྒྱ་གར་ཤཱཀྱའི་སྲས་སུ་སྐུ་འཁྲུངས་ཏེ། དམ་པ་ཆོས་ཀྱི་སྒོ་ནས་བཀའ་འཁོར་ཐོག་མཐའ་བར་གསུམ་བསྐོར་ནས་གདུལ་བྱ་འདུལ་ཚུལ་གསུངས་སོ། །ཁོང་ནི་ལྷ་ཡུལ་དགའ་ལྡན་གྱི་གནས་སུ་སྐུ་འཁྲུངས། ཡབ་ཡུམ་དང་སྐུ་འཁྲུངས་འདས་སོགས་ཀྱི་ལོ་རྒྱུས་མི་གསལ་ཡང་། སྟོན་པས་ལྷ་ལ་བོན་བསྟན་པའི་མདོ་ལྟར་ན། གཤེན་རབ་གཡུང་དྲུང་སེམས་དཔའ་སེམས་དཔའ་ཆེན་པོ་ཀུན་ལས་རྣམ་པར་ཡོངས་སུ་འཕགས་པའི་མཆོག་ཆེན་པོ། ལྷའི་བུ་དམ་པ་ཏོག་དཀར་ཞེས་བྱ་བ། རང་གི་གདན་ལས་ལངས་ཏེ། ལྷའི་མེ་ཏོག་པདྨ་དམར་པོ་ལག་ཏུ་ཐོག་ནས། སྟོན་པ་གཤེན་རབ་མཆོག་དེ་དག་གི་དྲུང་དུ་ཁོད་དེ་མདུན་དུ་པུས་བཙུགས་ཐལ་མོ་སྦྱར་བར་བཏུད་དེ་གསོལ་པ། ཞེས་སྟོན་པ་གཤེན་རབ་མི་བོ་གཤེན་ལོ་བཅོ་བརྒྱད་དུས་སུ་རྩ་གསུམ་ལྷ་ཡུལ་དུ་བཞུགས་དུས་སུ་སྟོན་པའི་མདུན་དུ་བྱོན་ཡོད་པར་བསྟན། བོན་གྱི་ལོ་རྒྱུས་སྲོལ་རྒྱུན་གྱི་དབང་དུ་བྱས་ན། སྤྱི་ལོའི་སྔོན་འདས་ལོ༼༡༤༢༡༧༽ཡས་མས་དང་། དེང་དུས་ཞིབ་འཇུག་པས་འདོད་པ་ལྟར་ན་སྤྱི་ལོའི་སྔོན་འདས་ལོ༼༡༨༩༩༽ལོ་ཡས་མས་སུ་ལྷ་ཡུལ་དུ་བྱོན་པ་མ་ཟད། སྟོན་པ་གཤེན་རབ་མི་བོ་ལ་ལྷ་ལ་བསྟན་པའི་མདོ་ཞུ་བ་པོ་ཡང་ཡིན། སྟོན་པ་གཤེན་རབ་མི་བོས་མདོ་སྡེ་དམ་པ་ཏོག་ཆེན་བྱ་བ་གཏན་ལ་ཕབ་སྟེ་འཁོར་རྣམས་ལ་བཤད་ནས། ལྷའི་བུ་དམ་པ་ཏོག་དཀར་པོ་ལ་གཉེར་དུ་གཏད་པར་མཛད་ཚུལ་ནི་སྟོན་པས་ལྷ་ལ་བོན་བསྟན་པའི་མདོ་ལས་གསལ་ལོ། ། སྟོན་པས་བདུད་ཁམས་ཐར་པར་བཀོད་པའི་མདོ་སོགས་གསུང་བའི་སྐབས་སུ་འཁོར་གྱི་ཚུལ་དུ་སྟོན་པ་དང་ཐབས་གཅིག་ཏུ་བཞུགས། ལྷ་བུ་དམ་པ་ཏོག་དཀར་རྩ་གསུམ་ལྷ་གནས་སུ་ཡོད་པ་ལ། རྣམ་མཁྱེན་སྟོན་པས་ལུང་ཕོག་ནས་བདུད་དེ་འདུལ་དུ་བཏང་པ་ཡིན། བསྟན་པ་གཉེར་གཏད་ཀྱི་མདོ་ལས། དེ་ཡང་མི་ལོ་བརྒྱད་ཅུའི་དུས། །ལྷ་བུ་དམ་པ་ཏོག་དཀར་ཁྱོད། །འདི་ནས་འཛམ་གླིང་ལྷོ་ཕྱོགས་ཀྱི། །རྒྱ་གར་ཝ་ར་ན་སེ་རུ། །རྒྱལ་པོ་ཤག་གི་སྲས་སུ་འཁྲུང་། །ང་མིན་ཆོས་པོས་བསྒྱུར་བ་ཡི། །བོན་ལ་འཆོས་པས་ལོག་བསླུ་ལ། །ཡང་དག་ཆོས་ཞེས་བྱ་བར་བསྒྱུར། །མི་ལོ་བརྒྱད་བརྒྱ་ཉི་ཤུ་ལ། །རབ་འབྱམས་བཀའ་ཡི་འཁོར་ལོ་བསྐོར། །ཞེས་པའི་ལུང་བསྟན་ཚུལ་ནི། སུམ་ཅུ་རྩ་གསུམ་ན་ལྷའི་བུ་དམ་པ་ཏོག་དཀར་པོ་བདོག་པ་ཐུགས་ལ་ཤར་ཏེ་སྟོན་པ་སུམ་ཅུ་རྩ་གསུམ་དུ་བྱོན་ནས། སྟོན་པ་ཉིད་ཀྱིས་ལྷའི་བུ་དམ་པ་ཏོག་དཀར་ལ་འགྲོ་བ་འདུལ་བའི་ལུང་ཕོག་སྟེ། ཀྱེ་ལྷ་ཡི་བུ་ཚེ་དང་ལྡན་པ་ཁྱོད་ལ་གསང་བ་ཁྱད་པར་ཅན་གྱི་ལུང་བསྟན་གྱིས་འགྲོ་བ་མིའི་ཡུལ་དུ་བདུད་ང་མིན་ཆོས་པོ་ཞེས་བྱ་བ། ཉིན་མོར་རི་ལ་སྡོད་ཅིང་ཧུར་པ་བྱེད། མཚན་མོར་ལུང་ལ་སྡོད་ཅིང་འཇབ་བུ་བྱེད། རེས་འགའ་ཆོས་བྱེད་ཟེར་ཞིང་མི་རྣམས་ཟོས་ནས་སངས་རྒྱས་ཟེར། དེ་ཡི་གཉེན་པོར་ཁྱོད་བཏང་བས། ཐབས་ལ་མཁས་པར་གྱིས་ལ་བདུད་ཐུལ་ཅིག ཅེས་གསུངས་པས། དེ་ལ་དམ་པ་ཏོག་དཀར་གྱིས་ཞུས་པ། སྟོན་པའི་བཀའ་འདི་བདག་གིས་གཉན་པར་བགྱི། ཚུལ་དང་ཐབས་ཀྱི་ཁྱད་པར་བདག་ལ་སྩོལ་ཞེས་ཞུས་པས། དེ་ལ་གཤེན་རབ་ཀྱིས་བཀའ་སྩལ་པ། གཡུང་དྲུང་བོན་གྱི་དོན་གསང་བ་ཁྱད་པར་ཅན་གྱི་ཐབས་བསྟན་པ་བྱ་བ་མི་བསྙེལ་བར་གྱིས་ཤིག ཚུལ་ནི་བདག་འགྲོ་བའི་དོན་ལ་སྤྲུལ་པ་ཇི་བཞིན་ནོ། །ཐབས་ནི་བདག་གིས་ཀྱང་གཡུང་དྲུང་བོན་གསང་བ་ཡང་གསང་གི་དོན་རྣམས་གཏན་ལ་ཕབ་ནས་གནས་དེ་རུ་སྤྲུལ་ཏེ། ཁྱོད་ཀྱིས་དེ་ལས་ཀྱང་རབ་ཏུ་ཆོས་ཞེས་བྱ་བར་སྟོན་ཅིག ཅེས་གསུང་ནས། སྤྲུལ་པའི་སྲས་དེ་ལ་མངལ་གྱི་དྲི་མས་མ་གོས་ཤིང་། མི་བརྗེད་པའི་གཟུངས་ཀྱི་དབང་བསྐུར་ནས་བྱོན་ནོ། །དེ་ནས་སྤྲུལ་པའི་སྐུ་དེ་སྟོན་པ་ཉིད་ལྟ་བུར་བྱོན་ནས། རྒྱལ་པོ་ཤག་གི་རིགས་གཙང་མ་ཟས་ཞེས་བྱ་བ་དང་ཡུམ་དངོས་གྲུབ་ལྷ་སྦྱིན་མཛེས་ཞེས་བྱ་བའི་སྲས་སུ་འཁྲུངས་ནས། ལས་དགེ་སྡིག་གི་དོན་གཏན་ལ་ཕབ། ཏོག་གཟུངས་ཆེན་པོའི་མདོ་གསུངས། ཞེས་རྒྱུང་ཡར་བླ་ཆེན་ཁོད་སྤུངས་ཀྱིས་མཛད་པའི་གཡུང་དྲུང་བོན་གྱི་སྒྲ་བསྒྲགས་པ་རིན་པོ་ཆེའི་གླིང་གྲགས་ལས་གསུངསསོ།།ཁོང་ནི་སྟོན་པ་གཤེན་རབ་མི་བོའི་གསུང་སྲས་དང་བསྟན་པ་བོན་གྱི་གཏད་གཉེར་མཛད་ཡུལ་གྱི་གཤེན་རབ་གཡུང་དྲུང་སེམས་དཔའ་སེམས་དཔའ་ཆེན་པོ་ཞིག་གོ། https://t.cn/z8A5LA3
༧ཁྱབ་བདག་རྫོགས་ཆེན་པར་རིག་བྱེད་དགུ་ཚན་གྱི་མཎྜལ་འདེགས་འབུལ་
དྲི་ཟའི་རྒྱུད་མངས་ཞེས་བྱ་བ།
གཉན་ཆེན་སྲས་བུ།
འདི་ནས་ལྷོ་ཕྱོགས་པདྨ་དགྱེས་པའི་ཡུལ།།
དྲང་སྲོང་ལྷུང་བ་རི་དྭགས་ནགས་འདབ་ན།།
རང་བྱུང་ཀུ་ཤའི་རྒྱ་ཕུབས་ཀྱིས་མཛེས་པའི།།
འདབ་དྲུག་པདྨའི་སྤྱིལ་ཆུང་ཉམས་རེ་དགའ།།
དེ་ཡི་སྙིང་བཅུད་གདམས་པའི་རླབས་འཕྲེང་གིས།།
ཤིན་ཏུ་མཛེས་པའི་གནས་བརྟན་འདུལ་བ་འཛིན།།
ཐེག་དགུའི་ཆོས་ཚུལ་གདོང་ལྔའི་འབར་བའི་ཁྲིར།།
ཚུལ་དགུའི་དབང་བྱས་ཆོས་ཀྱི་རྒྱལ་པོ་བཞུགས།།
དད་པའི་ལོ་འདབ་འཇམ་པའི་ཡུ་བའི་སྣེར།།
གསོལ་འདེབས་ཆུ་སྐྱེས་འདབ་སྟོང་འཛུམས་པའི་མུར།།
ཕྱག་འཚལ་སྦྲང་རྩིའི་བཅུད་ཀྱིས་མ་སྟོང་བའི།།
བདག་གི་མོས་གུས་འབྲས་ལྡན་དུད་པའི་དྲུང་།།
འདི་ན་ལེགས་བྱས་འོ་མའི་ཆུ་གཏེར་ལས།།
ཀུན་ནས་ཕྱུང་བའི་འབྲི་མར་བཞུས་དང་ལྷན།།
ཐུགས་རྗེའིི་གཞུང་རྟ་ཕྲ་བའི་གྲོ་མའང་།།
འཕྲོད་པ་ལང་ཚོ་སྦྱོར་བའི་དགའ་བ་ནི།།
རྩུབ་འགྱུར་ཚལ་གྱིས་ན་བུན་གྱིས་བསྐུལ་བརྒྱ་བྱིན་ཁྲོས་པས་སྙིང་སྟོབས་དམར་པོས་ལྷ་མིན་བསྲེགས།།
ལེགས་བྲིས་དབུས་པས་རྒྱལ་བའི་རྔ་སྒྲས་གཡུ་འབྲུག་སྐད་དག་ས་འོག་མུན་པར་རྒྱས་བཏབ་པས།།
དེ་ཚེ་མཆོད་སྦྱིན་བརྒྱ་བའི་ཐུགས་ཀྱི་སྡིངས་ཆར་ཉི་ཟླའི་ཐོས་འཛིན་ཟུང་གིས་རྒྱན་འབར་ཡང་།།
བདག་གི་སྤྲོ་སྣང་དེ་ལྟར་མ་ཡིན་པདྨ་ཉི་མ་ཟླ་བ་བརྩེགས་མ་གདན་དུ་བཏང་།།
ཐུབ་བསྟན་གླིང་བཞིའི་འཁོར་ལོ་མུ་མཁྱུད་ཅན།།
མཁའ་ཁྱབ་འགྲོ་བའི་རི་ཕྲན་འབུམ་གྱི་རྩེར།།
འདི་ན་ཐང་མ་བརྡལ་བའི་བྱིན་རླབས་ཀྱིས།།
ཆོས་ཀྱི་མིག་ཟུང་ཕྱེ་བའི་མཛད་འཕྲིན་དཀར།།
མཁྱེན་རབ་ཆུ་འཛིན་འཁྲིགས་པའི་ཀློང་ཡངས་སུ།།
སྙན་ཚིག་གློག་གི་གར་སྟབས་བསྒྱུར་དང་ལྷན།།
ཟབ་དོན་དབྱར་རྔའི་སྒྲ་དབྱངས་དཀྲོལ་པ་ཡིས།།
གདུལ་བྱ་རྨ་བྱར་དགྱེས་བསྐྱེད་བདག་གི་མགོན།།
བྱམས་བརྩེ་སྟོན་མཚན་དཀར་པོའི་གཟེགས་མ་ཡིས།།
བྱིན་རླབས་ག་པུར་བསིལ་རྒྱུན་རྟག་འཕྱོ་བས།།
མུན་པ་དེད་ཅིང་ཚ་གདུང་འཇོམས་པའི་འཕྲོར།།
བདག་བློའི་ཀུ་མུད་གསོ་བའི་སྐུ་དྲིན་མཐོ།།
མདོ་སྔགས་ཆོས་ཚུལ་རྒྱ་མཚོའི་རལ་བའི་ཁུར།།
ཀུན་བཟང་རྒྱལ་བའི་དགོངས་བཅུད་རྗོགས་པ་ཆེ།།
དེང་འདིེར་བླ་མ་ཡང་ཏིག་བརྡ་རིས་ཀྱིས།།
གསལ་བར་བྱས་སོ་འགྲན་མེད་ཆོས་ཀྱི་རྗེ།།
ཞེས་པ་ནི་དཔལ་ལྡན་ཆོས་ཀྱི་རྒྱལ་པོ་༧ཁྱབ་བདག་རྫོགས་ཆེན་པ་སྐྱབས་རྗེ་པདྨ་སྐལ་བཟང་རིན་པོ་ཆེ་མཆོག་གིས་ཕྱི་ལོ་༢༠༢༢ལོར་བརྒྱུད་གསུམ་བླ་མ་རྒྱ་མཚོའི་ཞལ་སྐྱིན་ཡང་ཟབ་བླ་མ་ཡང་ཏིག་ཡིད་བཞིན་ནོར་བུའི་ཟབ་ཁྲིད་བསྩལ་ཟིན་ནས་དགའ་སྟོན་ཚོགས་འཁོར་ལ་རོལ་བའི་སྐབས་ཏེ་བོད་ཟླ་༧པའི་ཚེ་༢༥ཉིན་གུས་དད་དམ་པ་སློབ་བུ་རྒྱལ་འཕགས་བསྟན་པ་དར་རྒྱས་སུ་འབོད་པས་དགའ་བ་ཆེན་པོས་བྲིས་པ་དགེ་གྱུར་ཅིག།
དྲི་ཟའི་རྒྱུད་མངས་ཞེས་བྱ་བ།
གཉན་ཆེན་སྲས་བུ།
འདི་ནས་ལྷོ་ཕྱོགས་པདྨ་དགྱེས་པའི་ཡུལ།།
དྲང་སྲོང་ལྷུང་བ་རི་དྭགས་ནགས་འདབ་ན།།
རང་བྱུང་ཀུ་ཤའི་རྒྱ་ཕུབས་ཀྱིས་མཛེས་པའི།།
འདབ་དྲུག་པདྨའི་སྤྱིལ་ཆུང་ཉམས་རེ་དགའ།།
དེ་ཡི་སྙིང་བཅུད་གདམས་པའི་རླབས་འཕྲེང་གིས།།
ཤིན་ཏུ་མཛེས་པའི་གནས་བརྟན་འདུལ་བ་འཛིན།།
ཐེག་དགུའི་ཆོས་ཚུལ་གདོང་ལྔའི་འབར་བའི་ཁྲིར།།
ཚུལ་དགུའི་དབང་བྱས་ཆོས་ཀྱི་རྒྱལ་པོ་བཞུགས།།
དད་པའི་ལོ་འདབ་འཇམ་པའི་ཡུ་བའི་སྣེར།།
གསོལ་འདེབས་ཆུ་སྐྱེས་འདབ་སྟོང་འཛུམས་པའི་མུར།།
ཕྱག་འཚལ་སྦྲང་རྩིའི་བཅུད་ཀྱིས་མ་སྟོང་བའི།།
བདག་གི་མོས་གུས་འབྲས་ལྡན་དུད་པའི་དྲུང་།།
འདི་ན་ལེགས་བྱས་འོ་མའི་ཆུ་གཏེར་ལས།།
ཀུན་ནས་ཕྱུང་བའི་འབྲི་མར་བཞུས་དང་ལྷན།།
ཐུགས་རྗེའིི་གཞུང་རྟ་ཕྲ་བའི་གྲོ་མའང་།།
འཕྲོད་པ་ལང་ཚོ་སྦྱོར་བའི་དགའ་བ་ནི།།
རྩུབ་འགྱུར་ཚལ་གྱིས་ན་བུན་གྱིས་བསྐུལ་བརྒྱ་བྱིན་ཁྲོས་པས་སྙིང་སྟོབས་དམར་པོས་ལྷ་མིན་བསྲེགས།།
ལེགས་བྲིས་དབུས་པས་རྒྱལ་བའི་རྔ་སྒྲས་གཡུ་འབྲུག་སྐད་དག་ས་འོག་མུན་པར་རྒྱས་བཏབ་པས།།
དེ་ཚེ་མཆོད་སྦྱིན་བརྒྱ་བའི་ཐུགས་ཀྱི་སྡིངས་ཆར་ཉི་ཟླའི་ཐོས་འཛིན་ཟུང་གིས་རྒྱན་འབར་ཡང་།།
བདག་གི་སྤྲོ་སྣང་དེ་ལྟར་མ་ཡིན་པདྨ་ཉི་མ་ཟླ་བ་བརྩེགས་མ་གདན་དུ་བཏང་།།
ཐུབ་བསྟན་གླིང་བཞིའི་འཁོར་ལོ་མུ་མཁྱུད་ཅན།།
མཁའ་ཁྱབ་འགྲོ་བའི་རི་ཕྲན་འབུམ་གྱི་རྩེར།།
འདི་ན་ཐང་མ་བརྡལ་བའི་བྱིན་རླབས་ཀྱིས།།
ཆོས་ཀྱི་མིག་ཟུང་ཕྱེ་བའི་མཛད་འཕྲིན་དཀར།།
མཁྱེན་རབ་ཆུ་འཛིན་འཁྲིགས་པའི་ཀློང་ཡངས་སུ།།
སྙན་ཚིག་གློག་གི་གར་སྟབས་བསྒྱུར་དང་ལྷན།།
ཟབ་དོན་དབྱར་རྔའི་སྒྲ་དབྱངས་དཀྲོལ་པ་ཡིས།།
གདུལ་བྱ་རྨ་བྱར་དགྱེས་བསྐྱེད་བདག་གི་མགོན།།
བྱམས་བརྩེ་སྟོན་མཚན་དཀར་པོའི་གཟེགས་མ་ཡིས།།
བྱིན་རླབས་ག་པུར་བསིལ་རྒྱུན་རྟག་འཕྱོ་བས།།
མུན་པ་དེད་ཅིང་ཚ་གདུང་འཇོམས་པའི་འཕྲོར།།
བདག་བློའི་ཀུ་མུད་གསོ་བའི་སྐུ་དྲིན་མཐོ།།
མདོ་སྔགས་ཆོས་ཚུལ་རྒྱ་མཚོའི་རལ་བའི་ཁུར།།
ཀུན་བཟང་རྒྱལ་བའི་དགོངས་བཅུད་རྗོགས་པ་ཆེ།།
དེང་འདིེར་བླ་མ་ཡང་ཏིག་བརྡ་རིས་ཀྱིས།།
གསལ་བར་བྱས་སོ་འགྲན་མེད་ཆོས་ཀྱི་རྗེ།།
ཞེས་པ་ནི་དཔལ་ལྡན་ཆོས་ཀྱི་རྒྱལ་པོ་༧ཁྱབ་བདག་རྫོགས་ཆེན་པ་སྐྱབས་རྗེ་པདྨ་སྐལ་བཟང་རིན་པོ་ཆེ་མཆོག་གིས་ཕྱི་ལོ་༢༠༢༢ལོར་བརྒྱུད་གསུམ་བླ་མ་རྒྱ་མཚོའི་ཞལ་སྐྱིན་ཡང་ཟབ་བླ་མ་ཡང་ཏིག་ཡིད་བཞིན་ནོར་བུའི་ཟབ་ཁྲིད་བསྩལ་ཟིན་ནས་དགའ་སྟོན་ཚོགས་འཁོར་ལ་རོལ་བའི་སྐབས་ཏེ་བོད་ཟླ་༧པའི་ཚེ་༢༥ཉིན་གུས་དད་དམ་པ་སློབ་བུ་རྒྱལ་འཕགས་བསྟན་པ་དར་རྒྱས་སུ་འབོད་པས་དགའ་བ་ཆེན་པོས་བྲིས་པ་དགེ་གྱུར་ཅིག།
✋热门推荐