ཐའེ་ཅིའི་བང་སོ་ནི་རྒྱ་གར་ཏི་ལི་གསར་པའི་ཤར་ལྷོ་ན་ཡོད་ཅིང་།
སྤྱི་ལོ༡༦༣༡ལོར་བཞེངས་འགོ་བརྩམས། དེ་ནི་རྒྱ་གར་ལོ་རྒྱུས་ཐོག་གི་རྒྱལ་པོ་ར་ཛ་ཧན་གྱིས་བརྩེ་འདང་ཟབ་པའི་ལྕམ་ཐའེ་ཅི་ལ་རྗེས་དྲན་དུ་བཞེངས་ཤིང་།
འཛམ་གླིང་ན་གྲགས་སྙན་ཆེ་བའི་བང་སོ་ཆེས་ཆེ་བ་ཞིག་ཀྱང་ཡིན་འདུག[咖啡][咖啡][咖啡]

སྟོན་མཇུག་གི་དྲན་གདུང་།
༡
བྱམས་པའི་ཞལ་རས་འཛུམ་ཆུང་། །
ཆུ་སྐྱེས་བཞད་པ་འདྲ་བྱུང་། །
བཅུ་དྲུག་གཞོན་པའི་ལང་ཚོ། །
ལྷ་ཁང་ལྡེབས་ཀྱི་རི་མོ། །
སེམས་ཀྱི་བྱ་འདབ་ངོགས་ནས། །
འདང་བརྩེ་བྱ་ཁྱུ་འཕུར་དུས། །
སྣང་བའི་མཆོད་མེ་བཀར་དོན། །
ཞལ་མཇལ་ཨེ་ཡོང་བསམས་ཡོད། །

༢
ཐུ་སྣེར་མེ་ཏོག་འབྱར་ནས། །
གོམ་གསུམ་ཚུར་ལ་ཕེབས་ཡོང་། །
ཁ་བཏགས་ལག་ཏུ་འབུལ་དུས། །
ཁམས་འདྲི་ཚིག་གསུམ་ཞུས་ཡོང་། །
ལན་བུའི་ནགས་ལོ་གསེབ་ནས། །
ཟུར་མིག་ཁུ་བྱུག་གྲགས་བྱུང་། །
དགོད་འཛུམ་མེ་ཏོག་བཞད་པས། །
སེམས་ལ་དབྱར་ཁ་ཚེས་བྱུང་། །

༣
ལོ་ཆུང་གཞོན་པའི་ལུས་པོར། །
སེམས་གཅོང་ཐེབས་པ་ཨེ་ཡིན། །
དྲན་པ་གདོན་གྱིས་བཟུང་སྟེ། །
མཚན་མོར་གཉིད་ཐེབས་ཆག་སོང་། །
སྙིང་གཏམ་བདུད་རྩི་རིལ་བུ། །
བདག་པོ་བྱམས་པ་ཡིན་སོང་། །
ཨ་ཇོ་དྲག་དང་མི་དྲག །
བྱམས་པ་ཁྱོད་ལ་ཐུག་ཡོད། །

——རྒྱལ་སྲས་ཀྱིས།

࿆
བཻ་ཌཱུརྱ་ཡི་མདངས་ལྟར་གསལ་བའི་མཁའ།།
སྤྲིན་དཀར་ལ་ཐོད་ཅན་གྱི་ཀཻ་ལ་ཤ།།
གསེར་མདོག་ཉི་མའི་འོད་ཀྱིས་བྱུག་པ་ན།།
ཨ་ཧོ་སྲིད་གསུམ་མཛེས་སྡུག་ཅིག་ཅར་རྫོགས།།

༢༠༢༢/༡༠/༢༠ ཁྲ།