འཇིག་རྟེན་སོ་སྐྱེའི་མི་ཕལ་ཆེ་བ་ནི། འདི་ལྟ་སྟེ། ཇི་སྲིད་ཆོས་ཉིད་ཀྱི་གནས་ལུགས་དང་། བདེན་པ་དོན་གྱི་གཏམ་སྨྲ་བ་དེ་སྲིད་དུ། དེ་ལ་རྒོལ་བའི་ཚིག་མཚོན་དང་། རྨོད་མོ། དོགས་མི་བདེ་བ། མི་མོས་པའི་རྣམ་འགྱུར་མང་དུ་བྱེད་ལ། ཇི་སྲིད་ལུགས་དང་འགལ་བའི་རྫུན་གཏམ་པ་དང་། ཁྲམ་བཤད་པ། ངོ་བསྟོད་ཀྱིས་ཟུར་རྒྱན་པ་དེ་སྲིད་དུ། དེ་ལ་དགའ་བའི་གཏམ་དང་། སྙན་པའི་ཚིག་གིས་མགོ་འབུལ་ལུས་འབུལ་བྱེད་སྲོལ་འདུག དེ་ཡང་ཅིག་བྱས་ན། ཁག་མེད་དེ། ཤེས་རབ་དམན་པས་ལོས་ཡིན། མ་གཞི། ཡུལ་གྲུ་ཅི་ལྟར་མཐའ་འཁོབ་ཅིང་རིག་གནས་ལ་དུང་ཞེན་མེད་པའི་ས་དེ་རུ། མཁས་པ་ལས་ཀྱང་བླུན་པོ་མང་ལ། དོན་གྱི་འབེལ་གཏམ་གླེང་བ་ལས་རྫུན་གཏམ་པར་དགའ། གཞན་ཡང་། བསམ་གཞིག་བྱེད་པ་ལས་རྨོངས་ཚོད་བཤད་པར་མོས་པ་ཆེ་ལ། བླང་དོར་འབྱེད་པ་ལས་ཀྱང་སྲོལ་རྒྱུན་བཤད་པར་སྤྲོ་བ་ཆེ། དེ་བཞིན་དུ། གང་ལ་ཤེས་རིག་དང་བསམ་བློའི་བརྡ་འཕྲིན་ཉུང་བའི་ས་ཆ་ན། ལྐོག་ཟ་རུལ་སུངས་དེ་བས་མང་ལ། མང་ཚོགས་ལ་གཉའ་གནོན་དང་། མགོ་སྐོར་ཐེབས་པ་དེ་བས་ཀྱང་མང་བར་འདུག འདི་འདྲའི་ནར་མ་སོན་པའི་བསམ་མནོ་ལ་ནང་པས“རྟག་ཆད་གང་རུང་གི་མཐའ་རུ་ལྷུང་བ”་ཞེས་བྱ་ལ། ནུབ་ཕྱོགས་མཚན་ཉིད་རིག་པས“རྩོད་སྒྲུབ་ཀྱི་འབྲེལ་བ་ཁས་མི་ལེན་པའི་གཟུགས་འདས་སྨྲ་བ”ཞེས་ཀྱང་དམད་པར་བྱ་བ་ཡིན་ནོ། །
རྒྱལ་ཡུམ་དགོངས་དོན་མཐའ་བྲལ་དེ་ཉིད་དོན། །
རྟེན་འབྱུང་རིགས་ཚུལ་ཟབ་མོས་གསལ་མཁས་པའི། །
རྒྱལ་བའི་ལུང་བཞིན་ཐེག་མཆོག་དབུ་མའི་སྲོལ། །
འབྱེད་མཛད་ཀླུ་སྒྲུབ་ཞབས་ལ་གསོལ་བ་འདེབས། །
རྟེན་འབྱུང་རིགས་ཚུལ་ཟབ་མོས་གསལ་མཁས་པའི། །
རྒྱལ་བའི་ལུང་བཞིན་ཐེག་མཆོག་དབུ་མའི་སྲོལ། །
འབྱེད་མཛད་ཀླུ་སྒྲུབ་ཞབས་ལ་གསོལ་བ་འདེབས། །
ད་ལྟ་མཚན་དཀྱིལ་གྱི་དུས་ཚོད་བཅུ་གཉིས་དང་ཕྱེད་ཀར་སླེབས་འདུག ད་ཚོད་གཞི་ནས་ཉིན་ཐོ་འབྲི་བའི་འགོ་རྩོམ་རྒྱུ་བྱུང་། ད་བར་དུ་གྲོགས་པོ་ཞིག་གི་ཁང་བའི་ཕྱི་ཁྱིམ་ལ་གད་བདར་རྒྱགས་རོགས་བྱས་ནས་འགོར་སོང་། ཉིན་གང་བོར་ལས་ཀར་འཐམ་པ་ཡིན། རྒྱུན་དུ་སོས་དལ་བག་ཕེབས་ཀྱིས་འདུག་རྒྱུར་ལོབས་དྲགས་པའི་རྐྱེན་གྱིས་འགུལ་བསྐྱོད་ཤུགས་ཆེན་པོ་བྱེད་པའམ་ཅུང་ལས་ཀ་ལྕི་མོ་ཞིག་ལ་འཐམ་པ་ན། ཡུན་ཙམ་རེ་འགོར་རྗེས། ཐང་ཆད་དེ་ལུས་པོས་མི་ལྕོགས་པའི་སྣང་བ་ཡང་ཡང་བྱིན་ཡོང་། དེར་བརྟེན་ཏེ། ཚེགས་དཀའི་སྣང་བ་ཡང་རང་བཞིན་གྱིས་སླེབས་ཡོང་བས། ལས་ཀར་འཇུག་པ་ལས་ངལ་གསོ་ཐབས་ཤིག་ལ་རང་བཞིན་གྱིས་ཞུགས་འགྲོ། དེ་ནི། གཞན་གྱི་ངོས་ནས་བལྟས་ན། ཆེས་ཡིད་དུ་མི་འོང་བའི་བྱ་སྤྱོད་དམ་ཡི་ཆད་སྐྱེ་བའི་གནས་ཤིག་ཡིན་པར་སྨོས་ཅི་འཚལ་མོད། ཁོ་བོའི་སྒྱིད་ལུག་དང་ཚེགས་དཀས་གང་བའི་རང་གཤིས་གྱོང་བོ་དེས། ལན་རེར་གྲོགས་པོ་ཚོར་ཡང་། སུན་སྣང་དང་ཡིད་སྐྱོ་བའི་ཚོར་བ་མང་བོ་འདྲེན་བཞིན་ཡོད་པའང་མངོན་གསལ་ལོ།། རང་ལ་ཚེགས་དཀའ་ཆེ་ཞིང་བྱ་བ་ཙག་ཙིག་སྒྲུབ་པར་ཤིན་ཏུ་མི་འཇོན་པའི་ཚུལ་དེ་བསམ་ན། གྲོགས་པོ་ཞིག་ལ་རོགས་བྱེད་དུ་འགྲོ་བར་ངོ་གནོང་དགོས་པའི་ཚོད་དུ་འདུག དེ་ནི་ཇི་འདྲའི་ཐབས་སྐྱོ་བའི་སྣང་ཚུལ་ཞིག་གོ།།
✋热门推荐