༈ ས་ག་ཟླའི་ཚེས་བཅོ་ལྔའི་ཉིན་གྱི་དོན་དངོས་ཀྱི་པར་རིས་ཁག་གཉིས་དང་། སྨན་རྩིས་ཁང་། སྡེ་གཞུང་། རྩིས་གསར་བཅས་གྲུབ་རྩིས་གཞིར་བཞག་གི་རྩིས་གཞུང་ཁག་གསུམ་ལ་དཔྱད་པ་གཏོང་རུང་ངམ།

རུང་ན་ཁྱད་འདི་ལྟར་འདུག

༈ བཤེས་གཉེན་བསྟེན་ཚུལ་ལོག་པའི་ཉེས་དམིགས་འཆད་པ་ལ།

ལག་ན་རྡོ་རྗེ་དབང་བསྐུར་བའི་རྒྱུད་ལས། བཅོམ་ལྡན་འདས། གང་དག་སློབ་དཔོན་ལ་བརྙས་པར་བགྱིད་པ་དེ་དག་གི་རྣམ་པར་སྨིན་པ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ། ལྷ་དང་བཅས་པའི་འཇིག་རྟེན་སྐྲག་པར་འགྱུར་གྱིས་དེ་སྐད་མ་སྨྲ་ཞིག །གསང་བའི་བདག་པོ། འོན་ཀྱང་ཅུང་ཞིག་བརྗོད་པར་བྱ་ཡི། དཔའ་བོ་བསྒྲིམས་ཏེ་དེ་ཉོན་ཅིག །མཚམས་མེད་ལ་སོགས་མི་བཟད་པ། །དམྱལ་བ་གང་དག་ངས་བཤད་པ། །དེ་རྣམས་ཀྱི་ནི་གནས་སུ་བརྗོད། །དེར་ནི་བསྐལ་པ་མཐའ་ཡས་སོ། །དེ་ལྟ་བས་ན་རྣམ་ཀུན་ཏུ། །དེ་ལ་ནམ་ཡང་བརྙས་མི་བྱ། །ཞེས་གསུངས།

༈ གཞོན་ནུའི་ལང་ཚོ།

ཁྲ་ཚོམ་མེ་ཏོག་བཞད་འདྲའི་ལང་ཚོའི་མདངས། །
ཀུན་གྱི་མིག་གི་ལོངས་སྤྱོད་དྭངས་མ་ཡིན། །
དེ་ཡང་འཁྱུག་པའི་རྩལ་དང་འགྲོས་ཉམས་ཀྱིས། །
གར་མཁན་ལ་ཡང་ངོ་ཚ་སྟེར་བར་བྱེད། །

འོན་ཏེ་དེ་ནི་གཞོན་པའི་གནས་སྐབས་ཤིག །
གསལ་བའི་འཛུམ་མདངས་སྟོན་པའི་ཡུན་ཙམ་མོ། །
དེ་ཕྱིར་དེ་ཡི་མཛེས་སྡུག་སྐྱོང་བ་ལ། །
མགོ་མི་འཁོར་ཏེེ་དབང་པོ་གསལ་བ་འདི། །

བེད་ནི་སྤྱད་དེ་བློ་གྲོས་རྒྱས་ཐབས་སུ། །
ཤེས་ཡོན་གླིང་དུ་བྲོད་པའི་ངར་ལྡུད་ནས། །
བརྩོན་པ་བྱེད་ན་དེ་ལས་ཡན་མེད་པ། །
གསེར་འགྱུར་རྩི་བཞིན་སྦྱར་ཐབས་ཤེས་པའོ། །

དེ་ལྟར་ཕྱི་ཡི་ཉམས་འགྱུར་སྣ་ཚོགས་པས། །
ནང་གི་སེམས་ལ་སློབ་གསོ་སྤྲད་པ་ནི། །
འཚོ་གནས་སློབ་གླིང་བསྒྱུར་བའི་ཐབས་རྩལ་ལོ། །
ཡར་སྐྱེད་འདོད་པ་དག་གིས་དེ་ལྟར་བྱོས། །

ངང་གྲོལ།