【On.cc】揭馬國明藏「丸仔」　黃智雯做「搜查官」反被搜

藝人黃智雯近日於無綫熱播劇集《把關者們》中表現出色，更被袁偉豪力撐攞視后！鏡頭前認真嘅佢，喺鏡頭後原來勁Cutie，昨日（14日）佢就喺個人Channel上載新片，見佢喺電視台入面四出搵人搜手袋，化身「把關姐們」，當中就畀佢野生捕獲馬國明同趙希洛。

黃智雯做「搜查官」？

第一個捉實馬國明。

仲笑人用筆記簿。

咩嚟！

原來係Supplements。

個樣驚到。

當中馬國明大袋入面有各樣記事簿、文具、防疫用品等，最令人意外係佢藏有大量「丸仔」，開始養生嘅佢原來成日都去睇營養師配Supplements，搞到黃智雯都話對佢改觀。而趙希洛就孭住個迷你手袋仔，入面咩都冇，反而佢反客為主搜查黃智雯個包包，手袋入面就有大大支香水、漱口水同大量香口糖，黃智雯即被笑時刻為拍咀嘴戲做足準備。

再捉趙希洛。

佢個袋咩都冇。

反而黃智雯個袋就…

明晒！

#kennethma马国明[超话]##黄智雯[超话]#

當你見到咁多人喺度排隊
你會點諗
諗吓佢哋喺度做乜嘢
當我腳踏入去QE日間醫療中心
我真係咁諗㗎
人群實在太壯觀
成百人喺度排隊
仲以為佢喺度做乜嘢
之後保安叔叔講
排隊搭lift就呢度
行樓梯上去就個度
諗住着住對高踭鞋唔方便行樓梯
所以企喺度等lift
等咗2分鐘人群完全冇郁過
只有多冇減少
最後決定行樓梯
原來行樓梯嘅過程中
個孤獨感都幾勁㗎
行左兩層得我一個
反而落樓梯就會有一兩個
最後終於見到個婆婆
好專心好艱難咁行緊
剎那間我覺得我一啲都唔孤獨
同埋被婆婆感動到
所以突然間覺得腳步輕快咗好多✌️✌️
見到老媽問佢用咩方去六樓
原來老媽佢自己行樓梯㗎
佢仲被勸等lift因為年紀太老啦
真心覺得老媽好堅
其實行樓梯做運動有好多好處
大家都可以試吓
幫媽媽約期嘅時候
聽到文員姐姐同前面伯伯講70個星期後先返嚟複診
伯伯當堂呆咗
真係好希望所有人都能夠老有所依
搞掂所有嘢
同老媽手拖手去食咗個涼瓜魚腩煲
氹到老媽好滿足
大家幾耐未拖個媽媽嘅手

#手拖手
#老有所依
#運動有益
#行樓梯
#jolau核准退休顧問
#joalu高級理財策劃經理

#谢霆锋# 揸筷子「左右開弓」　網民驚嘆唔易學！ 型男謝霆鋒最近去咗重慶開工，有「Chef Lemon」之稱嘅佢，喺當地走訪唔少餐廳，帶大家食好嘢！呢次佢就去咗一間食地道成都火鍋嘅餐廳，佢仲搵埋同佢喺電影《怒火》合作過嘅演員麥亨利嚟一齊食，佢哋食食吓仲戲癮大發，即場鬥戲添！

不過霆鋒最犀利嘅唔係食勁辣麻辣火鍋都面不改容，而係佢揸筷子嘅技術，正常人揸筷子都係用自己嘅慣用手，要夾硬用自己唔慣嘅手嚟夾餸，一定係會有難度，但係應該係用慣右手嘅佢，就算用左手夾餸都完全冇問題，仲直頭「左右開弓」拎住兩對筷子一齊打邊爐都得，令到網民都感到相當驚嘆，大讚佢揸筷子技術高超，一啲都唔容易學呀！而有唔少網民就讚霆鋒好肯去地道平民餐廳食飯，真係夠晒貼地！