鄭嘉穎撲返港做司機 陳凱琳買Tea慰勞男友
【头条日报】47歲鄭嘉穎同26歲陳凱琳Grace外界一直唔睇好，但二人愈拍愈甜，仲有機爆冷結婚O添！日前下午，忙北上搵人仔嘅嘉穎唔使開工，即返港陪女，揸車去銅鑼灣接小女友收工。Grace見honey咁識做，即買晒咖啡、三文治等慰勞男友，返對方愛巢開餐。
近日嘉穎終於做完《風雲》內地巡演，佢就把握時間撲返港見吓小女友。日前下午5時許，女神Grace同疑似女助手和女友人一行三人現身銅鑼灣百德新街。見Grace頭戴cap帽化咗妝，助手又幫佢拎住幾袋嘢，似係啱啱收工，準備走人。忙咗成個下晝，未食飯嘅Grace即去買咖啡、三文治等醫肚，仲買夠二人份量，預埋honey嗰份。戴晒情侶帽嘅嘉穎亦收call即到，揸住架萬事得紅色MX-5開篷辣跑接女收工。小女友笑笑口上車，一見男友就冧笑，癡戀到暈！然後驅車幾分鐘，火速返男方大坑寓所二人世界。

鄭嘉穎撲返港做司機 陳凱琳買Tea慰勞男友
2017-08-11

47歲鄭嘉穎同26歲陳凱琳Grace嘅父女戀，外界一直唔睇好，但二人愈拍愈甜，仲有機爆冷結婚O添！日前下午，忙北上搵人仔嘅嘉穎唔使開工，即返港陪女，揸車去銅鑼灣接小女友收工。Grace見honey咁識做，即買晒咖啡、三文治等慰勞男友，返對方愛巢開餐。

相戀兩年半嘅鄭嘉穎和陳凱琳愈愛愈高調，試過selfie上網晒恩愛、做埋孖公仔行情侶檔有錢齊齊搵。女神Grace早前行婚紗騷，仲開晒口恨嫁，自爆想兩年內出嫁，又話生兩個B，鬼咁冧daddy級男友。

　　近日嘉穎終於做完《風雲》內地巡演，佢就把握時間撲返港見吓小女友。日前下午5時許，女神Grace同疑似女助手和女友人一行三人現身銅鑼灣百德新街。見Grace頭戴cap帽化咗妝，助手又幫佢拎住幾袋嘢，似係啱啱收工，準備走人。忙咗成個下晝，未食飯嘅Grace即去買咖啡、三文治等醫肚，仲買夠二人份量，預埋honey嗰份。戴晒情侶帽嘅嘉穎亦收call即到，揸住架萬事得紅色MX-5開篷辣跑接女收工。小女友笑笑口上車，一見男友就冧笑，癡戀到暈！然後驅車幾分鐘，火速返男方大坑寓所二人世界。

採訪︰梁志明

搭枱我聽得多，搭玩真係第一次
冇乜幾可同譚仔去玩入銀機動遊戲，佢揀咗揸呢架車。司機臨坐低時有個小朋友媽咪問可唔可以俾佢個小朋友坐埋，我望望，原來呢架車可以坐二大人二小童，坐啦！咁抵！

#tambaby##譚仔玩
#我都有徵詢司機意見
#司機話ok
#估唔到入銀機都有泥鯭的
#CarPooling
#我本來係想selfie話有司機載我
#點知司機咁鏡頭敏感即刻擰過嚟