གྲོང་དང་གྲོང་གི་ལོངས་སྤྱོད་དག་ལ་འཛད་པའི་མཐ

首页发布

གྲོང་དང་གྲོང་གི་ལོངས་སྤྱོད་དག་ལ་འཛད་པའི་མཐའ་ནི་མེད་སྲིད་ཀྱང་། །
ལྷོད་བག་ངལ་གསོ་བསྟེན་པའི་གནས་ནི་ཕ་ཡུལ་འདྲ་ཞིག་མཐོང་མ་སོང་། །
མི་སེམས་ཡོངས་ལ་བདེ་བ་དཔག་མེད་རབ་ཏུ་བསྟབས་པའི་ཕ་ཡུལ་ཉིད། །
ཡིད་འོང་མཚན་མོར་འོད་དཀར་བཀྲ་བའི་ཟླ་གཞོན་སྣང་བའི་ཁུད་དུ་མཛེས། །

དེ་རིང་གློག་བརྙན་རྙིང་བ་The Truman Show ལ་ཡང་བསྐྱར་ཐེངས་གཅིག་བལྟས་པ་ཡིན།
ཕྱི་དྲོར་གློག་བརྙན་དེའི་ནང་གི་ཁོར་ཡུག་དག་གི་རྣམ་པ་ཡིད་འཆར་ཞོར་གནས་འདི་བརྒྱུད་སྐབས་རྟོག་བཟོའི་འཇིག་རྟེན་ཞིག་གི་ཁོར་ཡུག་སྙིང་རྗེ་བོ་ཞིག་ལྟར་ཡིད་ལ་ཤར་བའི་སྣང་ཞིག་གིས་ཕྱི་བལྟས་ཞིག་མི་བྱེད་ཀ་མེད་བྱུང་སོང་། དེ་བས་ཕྱི་མིག་ཞིག་བལྟས་པ་ན་རྣམ་པ་འདི་མིག་ལ་མངོན་བྱུང་། པར་རིས་ཀྱི་བཀོད་པ་མཛེས་པའི་རྣམ་པ་འདིར་བལྟས་ནས་ཡུན་ཙམ་འགོར།
དེ་ནས་ཕྱིར་དྲན་ཙམ་གྱི་ཆེད་པར་འདི་བརྒྱབ་པ་ཡིན།
ཕྱིར་ཁྱིམ་ལ་ལོག་ནས་ཕྱིར་འདང་ཞིག་བརྒྱབ་པ་ན། པར་གྱི་རྣམ་པ་འདི་ནི་གློག་བརྙན་ཞིགི་བརྙན་ལྷེ་ཞིག་དང་ཡང་འདྲ་བའི་སྣང་བ་ཞིག་གནང་བྱུང་།

སཱི་ཏཱ།
མི་ཚོགས་ཧ་ཅང་རྒྱ་ཆེ་ཡང་
ཡིད་ཆེས་ཀྱི་མེ་ཏོག་མཚོ་ལ་ལྷུང
ཞེ་འདང་གི་དམ་ཚིག་ནི་སྒྲུང་རྩོམ་དུ་གྱུར

སཱི་ཏཱ།
ཀུ་རེ་ལྟ་བའི་འཁོར་བ་རུ
ཀུ་རུ་མིན་པའི་བརྩེ་བ་ཞིག་ཡོད་ན་ཅི་ལ་མི་ཆོག་གམ

སཱི་ཏཱ།
ངས་ཁྱོད་ལ་ངའི་མི་ཚེའི་ལོ་རྒྱུས་འཆད
སྐྱོ་གར་དང་། སྤྲོ་སྣང་། ཕམ་ཁ་བཅས་ཀྱི་སྡེ་ཚན་དུ་གྱུར།