日籍索模#松岡李那#向來異性緣旺盛，身在香港的她早前傳出與美籍台灣富商撐枱腳爆緋聞，她斬釘截鐵話冇可能，又直言前度男友都非有錢人：「點解覺得我鍾意錢？」感到百般無奈。不過，她近日又傳出與同門師弟相戀。
年多沒有來港的松岡李那早前從日本來港，揚言有開心有辛苦，開心是可以再嘗香港美食，但辛苦的是要捱3星期的酒店隔離，第一個星期感覺好輕鬆，之後兩個星期感覺就快死掉，她笑言：「一個人喺酒店，我好掛住人，喺房內冇運動又食得好，肥咗5kg。」她是次來港為完成因疫情而延遲的美容及健身廣告，稍後又會到內地試鏡等。
對於早前被爆與富商在中環共進晚餐，她澄清與對方只是第2次見面，稱不上熟落，故不明白何解會傳出緋聞。她透露現時單身，對於外界認為她愛與有錢人交往，她說：「啲人覺得我鍾意錢，話我鍾意有錢人，你睇我以前男友都唔係有錢，點解覺得我鍾意錢？」她覺得可能自己一個日本女仔，廣東話和英文不太好才令人誤會，又認為金錢是生活需要，但非必要：「如果追求者人品好，值得信任，佢本身又有工作同錢，係條件好會選擇，我唔會專登鍾意露宿者，係咪？如果有個露宿者叫我嫁畀佢，我唔會嫁，哈哈！」
另外，近日又傳出她與同門師弟、曾參加《創造營2021》的人氣藝人羽生田挙武相戀，有眼利網民發現他們曾在多處相同地點打卡，疑似相同足迹遍及日本和香港，包括日本有名的夫妻岩和來港睇藝術展，其中一個「景點」，松岡更大玩男友視角，剛巧男方亦有張同地點的單人照，不過熟悉松岡的朋友都知道她與男方只是好朋友，相信是流料一則。

藝人吳若希（Jinny）孖住老公何兆鴻（Alex）擔任無綫節目《鋪鋪Poker》嘉賓，玩遊戲之餘更與主持郭偉亮（Eric）及方力申（小方）等大談家事。小方問Jinny肯嫁，是否因為覺得Alex很了解自己，她竟答：「拍拖時其實我唔鍾意佢㗎……」嚇到Alex瞪大雙眼，Jinny續說：「因為師傅同我講，佢條命好啱你呀，你兩個有機會結到婚㗎喇。我信師傅係因為嗰時對拍拖好灰，全世界男人都信唔過，不如就信命啦！」
她透露當年同時被兩、三位男士追求，最後拿了眾人的生辰八字給師傅批命，最終才選了Alex。賭局時兩公婆在Poker枱上鬥過你死我活，Jinny發揮大癲大肺兼口若懸河本色，憑「煩音」及運氣先「大」走小方，後來Alex揸同花，撞正老婆冤家牌Full house，Alex被一鋪清袋：「贏咗老婆都冇意義啦。」他隨後變身老婆軍師，小方再問︰「你老婆飲唔飲酒？」Alex搞笑答︰「佢好似長期飲咗酒咁，如果佢飲醉仲會變超級英雄，綠色嗰隻Hulk。」當談到教育子女時，他形容老婆「躁底」，所以適合做醜人，自己則扮好人，家庭非常注重教養及禮儀。

最後小方成大嬴家，大懲罰環節時，恐怖箱內放滿道具曱甴，原來Eric對「小強」極度驚慌，「未埋牙」他已嚇到跑掉，更眼泛淚光，後來知道是道具才鬆一口氣。

1995年7月24日下午，“壹周刊”撞车事件第三天，张国荣接受《东周刊》采访。

当天，张国荣为唐生向金庸先生索取了签名。

————————————————————

《张国荣亲述撞车真相》

星期一下午，一身米黄装扮的张国荣，从信封拿出自己在车房拍的 Baby 照片，他一向叫心爱座驾做 Baby ，可知其疼锡程度。

事发之后，张国荣的朋友纷纷致电慰问，而且大赞他叻仔。

“我知佢哋连我朋友都影埋，佢哋喺我新屋门口好多日，十八号嗰日，我朋友都知道俾人跟，连返工啲相都好似影咗。我係公众人物，无所谓，但佢唔係圈中人，啲相出咗街，影响佢做嘢就唔好啦！

张国荣最不明白《壹周刊》为何要偷影佢朋友的照片？

“如果呢个朋友唔见得光，我会将佢收喺夹万入面，佢绝对冇值得佢哋匿喺车度偷影嘅价值，太鬼祟嘞。”

我哋係三十年的世交
“我哋又冇做啲セ嘢，我哋识咗三十年，唔止係深交，直情係世交。我契妈係张玉麟夫人，佢都係，我哋两个都係契妈嘅契仔，契妈都话唔知啲人究竟想点。”

“佢呢几日喺新屋度瞓，因为我去咗台湾五日做宣传，间屋唔可以几日都冇人喺度睇住，佢係我死党，帮我手都好应该啫，点知就俾人由门口跟到返公司。”

“我同佢 Say 咗 Sorry ，累到佢有任何唔方便
就唔好啦！老实讲，我做人光明磊落，以后同我去街啲朋友，我都叫佢哋扮靓啲，因为啲人咁钟意偷影我，佢哋随时都会上镜㗎！”

被人偷影，张国荣当然觉得私隐权被侵犯，但作为公众人物，只要自己行得正，企得正，大可“放马过来”，他从不担心有什么见不得光的事情见报。

反而这几天，看着自己的 Baby 被撞，心痛得很才是呢！

事情经过是这样的……

张国荣上星期六（十九号）（荣史君注：日期错，应为22号）与朋友去大潭看新屋装修，之前已经见到一部黑色私家车停在对面马路，还有一部的士，离开时那部车仍泊在那里。

张停下来望了一望，继续向前行，身边的朋友突然说：“佢哋喺度影我哋相。”

张国荣不以为意，心想：“自己光明正大，影咪影。”车子向东区走廊方向驶去，他握着駄盘，心里越想越不忿气，于是掉头驶回大潭去。对方见张国荣折回，竟然落荒而逃，结果上演一场反跟踪。

张的车子跟在他们后面，在红山半岛拐了一个大圈。

最后黑色私家车去到一个双线收单线的路口，在一个不可掉头的地方掉头，一个急转，将尾随的银灰色保时捷左边车头灯撞烂。

或者亦只有一个张国荣，够勇够胆“追番转
头”。

“我只係做自己应该做嘅嘢，当时第一个反应係惶恐㗎，无端端泊架车喺私家路，点知佢哋想做乜先？打劫、标参都唔奇㗎。我一直都好平静，但心係好嬲，我係表面愈无嘢，个心就真係有火。不过我冇发过火，净係问佢哋攞相机，想话拆菲林，但理智话我知，唔得，如果拆人菲林，即係话自己做咗啲唔见得人嘅嘢？我光明磊落，无必要咁做，就将个相机还番俾佢哋。”

张国荣返回现场的原因，只是要问个明白。
“老实讲，佢哋要采访，要做啲乜嘢都得，我唔阻人发达，但点解要鬼鬼崇祟匿埋喺架的士后面？点解唔大大方方落嚟同我讲：‘张生，我想影你间新屋同埋装修喎。'”

“啲人问我点解要番转头，我只不过要佢哋知：我知我好红，有好多值得影嘅地方，但我唔钟意咁鬼祟，不如你哋叫我企出来，我摆晒甫士你哋影又点话吖。”

“我份人一向好光明正大，有乜嘢唔俾人知得嘅先？做人做到我依家咁，都好无憾啦。何必要搞到咁啫？”

撞车之后，黑色私家车上众人向张国荣递上卡片，原来是《壹周刊》两名摄记，一名记者，驾车者是一位女士。

张国荣说，对方看到自己“追番转头”，反而被吓着。

“或者佢哋以为我会闹人，但冇呀，我好平静，仲拉开佢哋只车门。谂番都好笑，佢哋几个惊到乜嘢咁，我仲叫佢哋其中一个：‘喂，坐过啲，我入嚟食支烟。”佢哋好奇怪，有个仲想爬去车头留个位俾我，我话：‘唔使啦，就咁得嘞！’我就好轻松咁食烟。点解唔喺自己架车度食？费事，佢哋架车开冷气好过我架车开吖嘛。”

张国荣觉得今次这件事，可谓“天网恢恢”,好让他早一点知道别人在偷影自己，有充足的心理准备，面对即将发生的种种。