࿐ཉམ་ཆུང་དུད་འགྲོའི་འཁུན་སྒྲ།

རས་གཟན་ནར་མོ་ཕྲག་པར་ཁུར་ཏེ་ཐེག་ཆེན་ཆོས་ཀྱིས་བཤད་གཡམ་འཐེན།།
ཉམ་ཆུང་དུད་འགྲོའི་སྲོག་ལ་ཆེར་རྔམ་ཤ་དང་ཁྲག་གི་ཞལ་ཟས་མཁན།།
ཁྲི་ཐོག་བླ་མ་གདུགས་ཞབས་མཁན་དགེ་བྱམས་ལྡན་བོད་མིར་ཁས་འཆེ་ཚོས།།
ཁ་དང་ལྟོ་བ་མ་ལུས་ཡོངས་རྫོགས་འཇིགས་རུང་དུར་སར་འགྱུར་ལ་དངངས།།

ནོར་ཤ་ཟ་བཞིན་ལུག་ཤར་རྔམ་པའི་བརྩེ་མེད་འགྲོ་བ་མི་ཡི་ལུས།།
རྙེད་དཀའི་དལ་འབྱོར་ལུས་མཆོག་ཡིན་ན་མཆེ་ཅན་སྡེར་ཆག་གཅན་གཟན་རིགས།།
ཅིའི་ཕྱིར་རྙེད་དཀའི་དལ་འབྱོར་མ་ཡིན་གཉིས་ཀ་གཞན་གྱི་སྲོག་བདག་ལགས།།
ཀྱེ་མ་ཀྱེ་ཧུད་བྱམས་བརྩེའི་མངའ་བདག་སྟོན་མཆོག་དམ་པས་དབྱིངས་ནས་གཟིགས།།

ཉམ་ཆུང་སྲོག་གི་དབུགས་རྒྱུན་བརྟན་ཕྱིར་ཞི་བའི་འབོད་པར་རེ་ཆེ་ཡང་།།
སྙིང་རྗེ་ཡོད་མདོག་ཤ་གཟན་མི་ཡིས་བདག་ལ་སྡང་མིག་བགྲད་ཀྱང་སྲིད།།
རྒྱབ་དཔུང་མེད་པའི་དུད་འགྲོའི་ཚོགས་དང་ཉམ་ཆུང་མགོ་རིལ་ངེད་ཅག་ལ།།
རྒྱུ་འབྲས་ཟབ་མོ་བསླུ་མེད་བདེན་པས་ཅིས་ཀྱང་བདེན་པའི་དཔང་པོ་མཛོད།།

གུ་རུ་ཉི་མར་འབོད་པས་སེམས་པ་སྐྱོ་བཞིན་སྦྱར་བའོ།། 2017

7

2

࿐རྗེ་བཙུན་འཕགས་མ་སྒྲོལ་མ་ཁྱེད་མཁྱེན་ནོ། འཇིགས་དང་སྡུག་བསྔལ་ཀུན་ལས་བསྐྱབ་ཏུ་གསོལ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ།
至尊度母您垂念、
祈求救脱诸苦难、
嗡达热朵达热度热 索哈 ​​​

࿐བདག་གཞན་ཐོག་མེད་དུས་ནས་ད་ལྟའི་བར།།
འཁྲུལ་བའི་དབང་གིས་སྡིག་ལྟུང་གང་བགྱིས་པ།།
ལྷ་མཆོག་ཁྱེད་ཀྱི་སྤྱན་སྔར་མཐོལ་ལོ་བཤགས།།
སྒྲིབ་མེད་དག་ཅིང་ཚངས་པའི་མཚོག་སྩོལ་ཅིག།