ཕུང་གསུམ་པ་ཞེས་འུར་རྒྱག་གི་མ་འདུག

མདོར་དེད་ནས་བཤད་ན། ཕུང་གསུམ་པ་ཅེས་པ་དེ་རལ་བ་ཡོད་མེད་ཅིག་གིས་མིན་པར། སོར་སྡོམ་ཉམས་ནས་ད་དུང་ཡང་དགེ་འདུན་པའི་གྲལ་དུ་འཚང་ནས་དགེ་འདུན་པའི་དཀོར་ལ་བག་མེད་དུ་རོལ་མཁན་ཚོར་ཡང་ཟེར་དགོས་འདུག་པས།
དེ་ལྟར་ན་དང་པོ་སོར་སྡོམ་ཞེས་པ་དེ་གང་ཟག་སུ་ལ་ཡོད་མེད་གཙོ་བོར་ཤེས་དགོས། དེས་ན་དེའི་གཙོ་བོའི་ཚད་གཞི་འཛིན་ས་དེ་ངེས་འབྱུང་གི་བློས་མ་ཟིན་པ་ལ་མི་ཟེར་ཞིང་། དེའི་བསྲུང་བྱ་དེའང་སླ་མོའམ་མ་མཐའི་གྲངས་ཀ་ཉུང་ངུར་བཤད་ནའང་རྩ་བཞི་ཆང་ལྔ་ཡོད་དགོས་ངེས་ཅན་ཞིག་ཡིན་དགོས་འདུག
དེ་ལྟར་ན་དྲི་བ་འདི་འདྲ་ཞིག་ངེས་པར་ཡོང་དགོས་འདུག་སྟེ།
དང་པོ། ད་ལྟ་དགོན་སྡེ་ཁག་ན་མགོ་བླ་མ་ནས་མཇུག་གྲལ་རྔའི་བན་ཆུང་ཡན་ཆོད་ལ། ངེས་འབྱུང་སྐྱེས་ཡོད་པ་དུ་ཡོད་འདུག ངེས་འབྱུང་སྐྱེས་མེད་པ་ཡོད་ན་དེ་ཚོར་ངེས་འབྱུང་སྐྱེ་རག་བར་དུ་ཕུང་གསུམ་པ་ཨེ་རེད། ཡིན་པར་ཐལ་དེའི་རྒྱུད་ན་སོར་སྡོམ་མེད་པའི་ཕྱིར། དེར་ཐལ་དེ་ལ་ངེས་འབྱུང་མ་སྐྱེས་པའི་ཕྱིར་ཟེར་ན་ལན་ཅི་ཞུ།
གཉིས་པ། རྒྱལ་བསྟན་དག་ཐེར་བྱེད་ཡུལ་རྙིང་མ་གཅིག་པུ་ཡིན་ནམ། བོད་བརྒྱུད་ནང་བསྟན་ཆ་ཚང་ཡིན། དང་པོ་ལྟར་ན་དགེ་ལུགས་པའི་དགེ་བཤེས་དག་ལ་རྙིང་བསྟན་དག་ཐེར་བྱེད་པའི་འོས་བབས་མེད་པས་རྙིང་མའི་གཏེར་ཆོས་དགོས་མིན་དེ་ལ་ཁུར་ཅི་ཡང་མེད། གཉིས་པ་ལྟར་ན། བསྲུང་བྱ་མང་པོ་མི་བཤད་པར་མི་ཚངས་སྤྱོད་གཅིག་པུའི་སྟེང་ནས་བཤད་ན་ཡང་། སྤྱོད་ལམ་ཡག་པའི་ཚད་དུ་བྱེད་པའི་དགེ་ལུགས་པས་ཡབ་ཀྱིས་ཡབ་ལ་སྦྱོར་བ་དེ་ལ་དག་ཐེར་བྱེད་དགོས་སམ་མི་དགོས། བན་ཆུང་ཚོའི་བཤང་ལམ་ལ་སྤྱོད་ན་དེ་དག་གི་མི་ཚངས་སྤྱོད་ཀྱི་སྡོམ་པ་མ་ཉམས་པར་ཡོད་ཟེར་དགོས་ན་འདུལ་ལུང་གང་གི་རྒྱབ་སྐྱོར་ཡོད། གལ་ཏེ་དགེ་ལུགས་པའི་དགོན་སྡེ་ཕལ་ཆེར་ཕུང་གསུམ་པ་ཆགས་ན་དགེ་ལུགས་པ་སྤྱིས་ངོས་ལེན་བྱེད་ཐུབ་པའི་གདེང་ཚོད་མཁན་པོ་རིག་དར་ལགས་ལ་ཨེ་ཡོད།

—མདོ་སྨད་རྨ་ཆུའི་རྒྱུད་ཀྱི་རྙིང་རྒན་ཅོ་བྲེག་སྔགས་སྨྱོན་ཞིག་གིས་ཕུལ།

བརྩེ་བ་དང་སྙིང་རྗེ་ཡི་མཇུག་འབྲས་ནི་ཞི་བདེ་ཡིན་ལ།
ཧམ་སེམས་དང་ཞེ་སྡང་གི་མཇུག་འབྲས་ནི་སྡུག་བསྔལ་ཡིན།

爱和怜悯的结果是和平，
贪婪和憎恨的结果是痛苦。
————————————————

#叶西达瓦[超话]#
རྒྱལ་སྲོང་བཙན་སྒམ་པོའི་སྐུ་ཚེའི་མཛད་རིམ་གྱི་སྡོམ་ནི་འདི་ལྟར་ཏེ།

ཚེ་གཅིག་ཡུལ་ལ་ཕན་པའི་མི་ཆོས་དང་།།
དོན་གཉིས་འབྲས་བུ་སྩོལ་བའི་ལྷ་ཆོས་ཏེ།།
དུས་གསུམ་ཀུན་ཏུ་བདེ་དགའི་དཔལ་སྦྱིན་པའི།།
སྡེ་བཞིའི་ནོར་གྱིས་བོད་ཁམས་ཕྱུག་པར་མཛད།།

དེབ་དཀར་ལས།