གྲགས་ཅན་གྱི་བརྩམས་ཆོས་དེ་མཇུག་ལེགས་པར་བསྐྱངས་ཐུབ་སོང་།
༼མཚན་མོ།༽ནི་རྩོམ་པ་པོ་ཨེ་ལི་ཝེ་བཟེལ་གྱིས་འཛམ་གླིང་དམག་ཆེན་གཉིས་པའི་སྐབས་སུ་གདུག་རྩུབ་ཀྱི་མཐའ་ལ་སོན་པའི་འཇར་མན་གྱི་ན་ཚི་ཡི་བཙོན་སྒར་དུ་སྡུག་སྦྱོང་ཅི་མྱངས་སྒྲུང་རྩོམ་གྱི་ལམ་ནས་བྲིས་པའི་དྲན་ཐོ་ལྟ་བུ་ཞིག་ཡིན། རྩོམ་པ་པོ་ཨེ་ལི་ཝེ་བཟེལ་ནི་ནོ་སྦེལ་ཞི་བདེ་གཟེངས་བཞེས་མཁན་ཞིག་ཡིན། ཁོང་ལ་བརྩམས་ཆོས་ལྔ་བཅུ་ལྷག་ཡོད། མཚན་མོ་ནི་ཁོང་གི་འཐུས་ཚབ་ཀྱི་བརྩམས་ཆོས་ཡིན།འཛམ་གླིང་གི་སྐད་རིགས་བཞི་བཅུ་ཙམ་བསྒྱུར་ཡོད། ཨ་རི་གཅིག་པོར་དེབ་འདི་དེབ་གྲངས་བྱེ་བ་གཅིག་ལྷག་བཙོང་ཡོད། https://t.cn/Rp7W8xr

༼ སྐུ་འབུམ་འདུ་ཁང་སྟེང་དུ་བཞུགས་པའི་གསེར་ཏོག་བློ་བཟང་ཚུལ་ཁྲིམས་རྒྱ་མཚོའི་བླ་སྐུ་ཁྱད་མཚར་ཅན༽

མདོ་རྒྱུད་རིག་གནས་ཀྱི་མངའ་བདག་གསེར་ཏོག་བློ་བཟང་ཚུལ་ཁྲིམས་རྒྱ་མཚོ་ནི་ཙོང་ཆུ་དལ་འགྲོ་མ་དང་ཉེ་བའི་ནུབ་བྱང་གི་ཆར་ཨར་ཚ་ཞེས་པའི་ཡུལ་དུ་ཕྱི་ལོ༡༨༤༥ལོར་སྐུ་འཁྲུངས། དགུང་ལོ་བཅུ་གསུམ་པ་ནས་སྐུ་འབུམ་ཆོས་གྲྭ་དང་ཉེར་གཅིག་ནས་རྒྱུད་གྲྭར་ཕེབས། ཉ་ཀྱཱ་ལྷ་རམས་པ་ངག་དབང་ཆོས་གྲགས་དང་དཀའ་ཆེན་བྱང་ཆུབ་རིན་ཆེན་རྣམ་གཉིས་ཡོངས་འཛིན་དུ་བསྟེན་ནས་གཞུང་བཀའ་པོད་ལྔ་དང་རྒྱུད་སྡེའི་གཞུང་། སྒྲ་རྩིས་སྙན་ངག གསོ་རིག་དང་བྲིས་སྣ་ཚོགས་སོགས་མདོ་རྒྱུད་རིག་གནས་ཀུན་ལ་གསན་བསམ་རྒྱ་ཆེར་མཛད། གཞན་ཤིང་བཟའ་བློ་བཟང་ཚུལ་ཁྲིམས་ཕུན་ཚོགས་དང་སྒོ་མང་བློ་བཟང་ཚུལ་ཁྲིམས་རྒྱ་མཚོ། རྗེ་ཞྭ་དམར་བ་དགེ་འདུན་བསྟན་འཛིན་་རྒྱ་མཚོ་དང་ཟི་ན་སྐལ་བཟང་དར་རྒྱས་རྒྱ་མཚོ་སོགས་བཤེས་གཉེན་བཅུ་དྲུག་ཙམ་ལས་དབང་ལུང་ཁྲིད་གསུམ་གྱི་གདམས་རྒྱུད་ཡོངས་སུ་རྫོགས་པ་གསན་ཏེ་ངེས་དོན་བཤེས་གཉེན་ཆེན་པོའི་གོ་འཕང་བཞེས། སྐུ་འབུམ་རྒྱུད་པའི་མཁན་ཁྲི་ང་དྲུག་པ་དང་གདན་སའི་ཁྲི་ཆེན་རེ་གསུམ་པ། བྱ་ཁྱུང་གི་ཁྲི་ཆེན་ལ་སྔ་ཕྱིར་བཞུགས་ཏེ་ཆོས་སྡེ་ཆེན་པོ་གཉིས་ལ་བསྙེན་བཀུར་དང་འཛིན་སྐྱོང་གང་ལེགས་གནང་། ལྷག་པར་རྒྱ་སོག་གི་དུས་འཁྲུཊ་ཀྱིས་སྐུ་འབུམ་གདན་སའི་ཕྱག་སྲོལ་དང་འཆད་ཉན་ལ་གནོད་སྐྱོན་ཐེབས་པ་སླར་གསོ་དང་འགྲིག་ལམ་གང་ཞིབ་མཛད། དེབ་ཡིག་༼བླང་དོར་གསལ་བའི་མེ་ལོང་༽གི་ཕྱི་མོའི་ས་སྟན་ཡང་འབྲི་བར་མཛད་ལ། ཕྱི་ལོ༡༩༠༣ལོར་གདན་ས་ཆེན་མོར་དཔལ་དུས་ཀྱི་འཁོར་ལོ་དང་མི་ཏྲ་རྡོར་ཕྲེང་གི་དབང་གནང་། པར་ཤིང་གི་བདག་རྐྱེན་མཛད་དེ་སྨན་པའི་པར་ཁང་གི་གཞི་ཡང་མཛད། ༸གོང་་ས་བཅུ་གསུམ་པ་སྐུ་འབུམ་དུ་བཞུགས་དུས་ཅི་གསུང་སྒྲུབ་མཛད་དང་སྐུ་འབུམ་ཁྲི་ཆེན་ལ་བསྐྱར་བཞུགས་ཀྱི་བཀའ་གནང་བ་བཞིན་ཕེབས། ཕྱི་ལོ༡༩༡༢ལོར་སྐུ་འབུམ་འདུ་ཁང་ཆེན་མོ་ལ་མེ་དགྲ་བཞེས་དུས་བསྐྱར་གསོའི་དབུ་མཛད། སྔ་ཕྱིར་སྐུ་འབུམ་དང་བྱང་རྒྱུད་ཀྱི་ཆོས་སྡེ་ཁག སོག་ཡུལ་ཁལ་ཁ་བཅས་སུ་དབང་ལུང་ཁྲིད་གསུམ་སོགས་སྡེ་སྣོད་གསུམ་གྱི་བཤད་པ་མཐའ་ཡས་པ་བསྩལ་ཏེ་བསྟན་པའི་སྒྲོན་མེ་ཆེན་པོར་གྱུར། མཐར་ཕྱི་ལོ༡༩༡༥ལོའི་ཟླ་བཅུ་གཉིས་པའི་ཚེས་ཉེར་ལྔའི་ཉིན་དགོངས་པ་གཞན་དུ་གཏད། གསུང་རྩོམ་ལ་མདོ་སྔགས་རིག་གནས་དང་བཅས་པའི་པོད་བཅུ་གསུམ་བཞུགས། རྣམ་ཐར་ཞིབ་ཏུ་རང་རྣམ་༼དེ་ཉིད་རང་གསལ་༽དང་ཆེ་ཤོས་བྱང་ཆུབ་བསྟན་པའི་སྒྲོན་མེས་མཛད་པའི་༼དད་ལྡན་པད་མོ་བཞད་པའི་ཉིན་བྱེད་༽ལས་ཤེས་བར་བྱའོ།།

ཕྱི་ལོ༢༠༢༢ལོའི་ཧོར་ཟླ༨པའི་ཚེས༡༢ཉིན། ཁྲི་སྐལ་བཟང་བརྩོན་འགྲུས་ཀྱིས་མཚམས་སྦྱར་བའོ།། https://t.cn/zRAdreP

རྗེ་ཀིར་ཤུ་ན་མུར་ཏི་ནི༼Thnk On Thses Things ང་ཚོ་ཅི་ལྟ་བུར་སློབ་གསོ་ཞིག་དགོས་སམ་༽ཞེས་པའི་དཔེ་དེབ་རྩོམ་པ་པོ་དེ་རེད།

སྤྱི་ལོ་ ༡༨༩༥ལོའི་ཟླ་བ་༥་པའི་ཚེས་༡༡ཉིན་རྒྱ་གར་དུ་སྐུ་འཁྲུངས་ཤིང་། སྤྱིར་ན་ཁོང་ལ་བརྩམས་ཆོས་བརྒྱ་ཕྲག་ལ་ཉེ་བ་ཞིག་ཡོད་ཀྱང་བོད་སྐད་དུ་བསྟན་བཅོས་འདི་མ་གཏོགས་འགྱུར་མི་འདུག།

ཁོང་ནི་བོད་ཀྱི་སྐྱེས་ཆེན་དམ་པ་དག་དང་འབྲེལ་བ་ཆེས་ཟབ་པའི་འཛམ་གླིང་གི་བསམ་བློའི་སློབ་གསོ་བ་ཞེས་ཡོངས་སུ་གྲགས་ཡོད།