我覺得長期齋靠食老本嘅人好蠢！無論你嘅老本係美貌、青春、財富、某一種技能或經驗，老本隨時間過去必然貶值，萬一你長命百二歲，比你嘅老本更長壽，咁我都唔知恭唔恭喜你好 更可怕嘅場面係一夜之間被顛覆，曾經叱咤風雲嘅Nokia手機、柯達菲林、數碼相機、速記符號而家咩下場？所以做事一成不變，永遠以為一套方法今日work就永遠都work嘅人，等於自己中門大開邀請別人嚟顛覆你！人際關係方面都一樣，對人施過恩就以為對方必須永遠讓你三分，誰不知人人都識計數，總有一日對方覺得恩已還足，就會將你由王子公主貶為庶民，到時難堪嘅係你自己！所以千祈唔好食老本食得咁過癮，做人唯一可恃嘅係一份好奇好學樂意創新求變嘅心，每次做同一件事，都要諗下今次有冇比上次做得更好，咁先可以確保你有生之年都能夠繼續有位企！ https://t.cn/RyhHN0P

歌手古巨基昨晚第四場演唱會，邀請了TVB以前的好拍檔「新五虎」做嘉賓，古天樂、吳家樂、劉愷威和何遠恆。基仔在演唱會上說：「今日好難得，上次約得四個差一個，今日幾經辛苦搵齊五個。」然後四虎升上台，觀眾熱烈歡呼。古仔上台後叫班兄弟企前少少：「呢個係案發現場位，大家係咪企前少少安全啲。」搞笑提示各人，日前基仔就喺呢度附近跌落台。

笑聲震爆紅館

基仔即說：「案發現場就係企前呢個位喇，反而係企番後少少安全。」古仔望着基仔說：「哈！你都好嘢，咁都冇事！堅挺即係堅挺！」基仔即笑道：「我巨肌嚟吖嘛！」古仔說：「哦！你就係落台嗰下靠條巨肌撐撐，所以冇事呀！」基仔說：「係呀，我動L咁彈番轉頭，哈哈哈……」吳家樂笑說：「唔怪得Lorraine（古太）跟你咁多年啦！」連翻有味笑話令觀眾笑聲充斥紅館。

接着基仔播出五虎當年的舊合照，並叫工作人員拿道具上台，要與五虎重拍一張一模一樣的合照留念，之後就落台換衫，留下四虎在台上吹水，各自發表對基仔的印象，古仔先說：「基仔好飲得，好識做蛋糕……整餅。好跌得囉，咁都可以繼續撐落去，好嘢！」

基仔成日好濕

何遠恆讚基仔是一個好男人，古仔就即刻搞笑問何遠恆：「咁你即係冇講嘢啦，我最近睇新聞，你同個咩彩華散咗……係咪嗰晚我哋約食飯你冇出現，去咗滾，所以散呀？」何遠恆即刻耍手擰頭話：「唔好講呢啲啦。」而劉愷威講對基仔評語：「基仔成日好濕，總之好濕啦！」搞到觀眾又狂笑。

不過最令觀眾興奮都是四虎問觀眾想聽咩歌，觀眾大叫《男朋友》、《今期流行》等古仔的金曲，此時現場即播出《今期流行》的音樂，古仔聽到之後即指着控制台監制錢國偉的位置說：「肥仔，你唔係真係玩嘢呀？」而何遠恆、吳家樂已經隨着音樂大跳古仔當年的拜神舞，令觀眾笑聲歡呼聲四起，不過古仔就求大家放過他：「唱歌可以唱，但舞就唔好逼我跳喇！我拜神拜咗咁多年，唔好搞我啦……」

之後基仔出來，與四虎一齊唱住《我愛毛查查》，並一邊同觀眾握手，全場氣氛高漲。昨晚除了五虎之外，黃偉文、袁文傑與女友、鍾舒漫，陳凱彤等均有前來欣賞基仔的個唱。

#降魔的##降魔的2# 2018-03-08 游大東【鴻鵠志－影視筆記】
【 不日发布／游大东两周年Special 】

天气突然转冷，愈夜愈寒，路经观塘，跟她在鸿图道擦身而过 —— 《降魔的》编审罗佩清（Ruby）。

「好冻呀～～！」我说。「你着唔够衫咩？」她问。我不置可否，又边打冷震，用双手擦身取暖。「冇諗过气温争咁远嘛⋯⋯得唔得閒？不如饮杯咖啡。」「好喎！」她竟然说好，我大喜。

结果，一讲停唔到，望望手机的时鐘，谈了一个半鐘，细细声地，谈了《金宵大厦》，也谈了《降魔的》第二季。

「《金宵》有一集，其中一个角色係Sex Doll⋯⋯」

「《降魔的》Season 2係会拍嘅，啤啤将会以另一种身份去帮助小马⋯⋯」

我大胆建议，不如搵Do姐客串《降魔的II》，一场戏就够！罗露比说：「咁就要搵马明出手，求吓Do姐，我觉得，有两种角色好啱Do姐做⋯⋯」究竟係咩角色呢？！

临走前，我认真问，何谓好剧本？她说了句很玄的：「完美剧本并唔係好嘅剧本。」

【 想看足本访问，请留意游大东两周年Special：罗佩清（应该係除非唔係）独家专访。】