拍古裝劇難忘四圍借地方沖涼 JW不求「星夢一姐」頭銜
香港文匯報訊（記者 梁靜儀）歌視雙棲發展的王灝兒（JW），近日曝光率爆燈，幾乎打開電視都見到她的蹤影，而她首度演出古裝喜劇《痞子殿下》，播出後收視及口碑都不俗，對於自己演出的評語是「可以繼續拍劇」，而拍劇期間因自己住得遠，要四圍去朋友屋企沖涼。至於唱歌方面，她直言不想做「星夢一姐」。
王灝兒自從簽約TVB旗下的星夢娛樂（現改名：tvb music group）之後，一直不斷有工作機會。除了主唱不少劇集主題曲外，更開始拍劇，近日在《痞》中更擔任第二女主角霍小妹，是鏢局鏢師兼醫師，鍾意諗計仔，與朱敏瀚（朱仔）飾演的「裘千刀」有感情線發展。首次參演古裝劇，JW事前亦會做角色設定，將角色變成「JW版霍小妹」:「我會加入JW嘅細節喺霍小妹身上，例如眼神細節，又會加啲曳嘢，例如大契阿康（張頴康）同二契朱仔講錯嘢，我就會打佢哋個頭。」
初次演出古裝劇，JW表示從來沒想過開工前要有如此多東西要準備，每次開工都會拖行李喼，內裏裝有飲用水、蚊怕水、風扇、叉電袋，還有準備內衣褲替換，因為拍攝時正值去年的炎夏還要穿上古裝戲服開工，一定全身濕透。她最難忘是拍攝期間經常都去不同朋友屋企沖涼：「因為我住得比較遠，唔夠時間返屋企沖涼換衫，於是不停四圍去朋友屋企沖涼，包括同劇的麥美恩屋企，又有次我同朱仔、周嘉洛、陳瀅喺南生圍收工後，四個一齊去咗住附近嘅阿康屋企沖涼。」
拍劇生活日夜顛倒，JW最高紀錄試過超過50個鐘冇得瞓，她吐苦水：「有一晚拍一場戲有過百演員，當時我已經兩日冇瞓覺，好想有個位『瞌』一陣，但休息室同化妝間都坐滿人，當時真係辛苦到有少少想喊。」雖然辛苦，但JW還是覺值得，因與朱仔、周嘉洛及陳瀅首度合作就一拍即合，大家合作得很開心。劇集拍完一年，JW表示至今大家有時間便會相約飯聚維繫友誼，她更認為他們的友誼及合拍性，很值得在台慶頒獎禮上得「最佳組合」獎。
JW近日既要忙於宣傳劇集，又要做綜藝節目，可會冷落了圈外男友？JW有信心說：「唔會，自己好識Work-Life Balance（工作與生活平衡），一定抽時間陪男友。」她指男友也都有捧她的新劇場，每當見到她吊威吔及拍動作戲就忍不住笑。她又表示：「我哋約埋一班朋友一齊睇劇，我禁止朋友睇手機，一秒都唔可以錯過，之後又會約朋友考返佢哋劇情，朋友都覺有壓力，好彩佢哋都識答，其實好多朋友已經好耐冇睇電視，今次都為支持我睇返電視，令我好感動。」
戲裏戲外 暫不想當媽
上半年JW將大部分時間放在劇集及綜藝節目上，期間只推出了一首情歌《納斯卡線》，她透露下半年會有新歌推出，今次形象上更有別以往，會以新形象出現，她笑說：「今次有別以往嘅慘情，加上我家鍾意演戲，所以新歌MV中會有好多唔同角色出現。」
問到她加盟星夢娛樂這兩年的發展可似預期？JW坦言：「開始似我預期，因為做演員好被動，拍咗嘅劇集可能一年後至播出，咁我就可以喺呢段時間做歌，兩樣我都鍾意，滿足感亦不同。」問到「星夢一姐」又可是她的下個目標呢？JW聞言即認真地說不想做一姐：「我寧願被稱為一個好演員、好歌手已好開心，想被人認同多過要頭銜。」她又稱自己的假想敵就是自己，認為要超越別人就要超越自己，若經常跟別人作比較，就會故步自封，不會有進步。
事業正值拚搏期，JW直言現階段不會考慮結婚，認為會發生的定會發生，有信心會跟男友步入教堂笑說：「我哋拍拖6年，感情好穩定，未有7年之癢，等我拍多幾年劇先，如果我大肚點算？（索性做媽咪角色？）我唔要咁快做媽咪角色，之前有人搵過我，我驚做咗就冇得返轉頭，如果要我演有個十幾歲仔嘅媽媽，一定冇可能，Sorry，真係做唔到，做後生嘅未婚媽媽仲可以考慮。」戲裏戲外，她暫時都抗拒做媽媽。
攝影：彭子文
Outfit：The Outnet-Iris & Ink
Hair：Hin Wan@iialchemy
香港文匯報訊（記者 梁靜儀）歌視雙棲發展的王灝兒（JW），近日曝光率爆燈，幾乎打開電視都見到她的蹤影，而她首度演出古裝喜劇《痞子殿下》，播出後收視及口碑都不俗，對於自己演出的評語是「可以繼續拍劇」，而拍劇期間因自己住得遠，要四圍去朋友屋企沖涼。至於唱歌方面，她直言不想做「星夢一姐」。
王灝兒自從簽約TVB旗下的星夢娛樂（現改名：tvb music group）之後，一直不斷有工作機會。除了主唱不少劇集主題曲外，更開始拍劇，近日在《痞》中更擔任第二女主角霍小妹，是鏢局鏢師兼醫師，鍾意諗計仔，與朱敏瀚（朱仔）飾演的「裘千刀」有感情線發展。首次參演古裝劇，JW事前亦會做角色設定，將角色變成「JW版霍小妹」:「我會加入JW嘅細節喺霍小妹身上，例如眼神細節，又會加啲曳嘢，例如大契阿康（張頴康）同二契朱仔講錯嘢，我就會打佢哋個頭。」
初次演出古裝劇，JW表示從來沒想過開工前要有如此多東西要準備，每次開工都會拖行李喼，內裏裝有飲用水、蚊怕水、風扇、叉電袋，還有準備內衣褲替換，因為拍攝時正值去年的炎夏還要穿上古裝戲服開工，一定全身濕透。她最難忘是拍攝期間經常都去不同朋友屋企沖涼：「因為我住得比較遠，唔夠時間返屋企沖涼換衫，於是不停四圍去朋友屋企沖涼，包括同劇的麥美恩屋企，又有次我同朱仔、周嘉洛、陳瀅喺南生圍收工後，四個一齊去咗住附近嘅阿康屋企沖涼。」
拍劇生活日夜顛倒，JW最高紀錄試過超過50個鐘冇得瞓，她吐苦水：「有一晚拍一場戲有過百演員，當時我已經兩日冇瞓覺，好想有個位『瞌』一陣，但休息室同化妝間都坐滿人，當時真係辛苦到有少少想喊。」雖然辛苦，但JW還是覺值得，因與朱仔、周嘉洛及陳瀅首度合作就一拍即合，大家合作得很開心。劇集拍完一年，JW表示至今大家有時間便會相約飯聚維繫友誼，她更認為他們的友誼及合拍性，很值得在台慶頒獎禮上得「最佳組合」獎。
JW近日既要忙於宣傳劇集，又要做綜藝節目，可會冷落了圈外男友？JW有信心說：「唔會，自己好識Work-Life Balance（工作與生活平衡），一定抽時間陪男友。」她指男友也都有捧她的新劇場，每當見到她吊威吔及拍動作戲就忍不住笑。她又表示：「我哋約埋一班朋友一齊睇劇，我禁止朋友睇手機，一秒都唔可以錯過，之後又會約朋友考返佢哋劇情，朋友都覺有壓力，好彩佢哋都識答，其實好多朋友已經好耐冇睇電視，今次都為支持我睇返電視，令我好感動。」
戲裏戲外 暫不想當媽
上半年JW將大部分時間放在劇集及綜藝節目上，期間只推出了一首情歌《納斯卡線》，她透露下半年會有新歌推出，今次形象上更有別以往，會以新形象出現，她笑說：「今次有別以往嘅慘情，加上我家鍾意演戲，所以新歌MV中會有好多唔同角色出現。」
問到她加盟星夢娛樂這兩年的發展可似預期？JW坦言：「開始似我預期，因為做演員好被動，拍咗嘅劇集可能一年後至播出，咁我就可以喺呢段時間做歌，兩樣我都鍾意，滿足感亦不同。」問到「星夢一姐」又可是她的下個目標呢？JW聞言即認真地說不想做一姐：「我寧願被稱為一個好演員、好歌手已好開心，想被人認同多過要頭銜。」她又稱自己的假想敵就是自己，認為要超越別人就要超越自己，若經常跟別人作比較，就會故步自封，不會有進步。
事業正值拚搏期，JW直言現階段不會考慮結婚，認為會發生的定會發生，有信心會跟男友步入教堂笑說：「我哋拍拖6年，感情好穩定，未有7年之癢，等我拍多幾年劇先，如果我大肚點算？（索性做媽咪角色？）我唔要咁快做媽咪角色，之前有人搵過我，我驚做咗就冇得返轉頭，如果要我演有個十幾歲仔嘅媽媽，一定冇可能，Sorry，真係做唔到，做後生嘅未婚媽媽仲可以考慮。」戲裏戲外，她暫時都抗拒做媽媽。
攝影：彭子文
Outfit：The Outnet-Iris & Ink
Hair：Hin Wan@iialchemy
#迪迪的Diary# 16
我曾經有個新朋友，識咗冇耐之後佢要搬屋，咁啱我有車，佢問我可唔可以搵一日幫佢搬一啲嘢，我一口應承咗，然後就搵咗一日幫佢搬啦。
嗰日來來回回咁搬，足足用咗一整日時間。咁我作為朋友，又冇要求要啲乜嘢回報嘅，但係佢好識做，佢話搬好執晒嘢之後，請我過嚟Housewarming Party，到時食餐勁嘅。咁我話：好啊！多謝你先！
如是者兩個月之後，我都冇再收到佢嘅電話。當然，我都唔係等佢嗰餐飯啦。但係我喺呢兩個月，不時見到佢post同好多同唔同嘅朋友喺屋企聚餐，無數咁多個Housewarming Parties。
我唔高興？當然有少少。但係我同佢都唔算係深交，所以冇再聯絡，友誼關係即時被擱置。
有啲朋友話：吓！咁你同佢絕咗交呀？我回答係咁嘅：你要咁樣標簽呢個動作，你咪當係叫做絕交囉，首先冇乜交情可言，如果有，呢啲交，好易絕姐！
有另一種絕交係，就算幾深厚感情都好，自己突然間被佢出賣，咁當然又係可以好絕咁樣去絕交啦。
但係朋友有好多種，有另一種複雜啲嘅case，就係嗰啲識咗好多年嘅朋友，從來都係好朋友嗰種，而踏入咗人生唔同嘅階段，例如有啲結婚、生仔、移民諸如此類，大家嘅生活、時間嘅分配、友誼同家庭之間嘅排序等等，都係考驗友誼嘅關鍵。而如果有時間再聚，嗰個化學作用已經冇晒嘅話，我意思係，例如，世界觀、人生觀、價值觀——三觀都唔同晒，咁再做朋友，又有咩意思呢？
呢類絕交，亦都唔使費氣力、費唇舌，慢慢自然會fade out。失望，當然會啦，而我自己就唔會為咗會感到「失望」，而再去食一餐冇意義嘅飯或者飲一晚冇營養嘅酒。
又另一種啦喎，呢種友誼關係，係近年因為網絡世界發達而衍生出嚟嘅，就係嗰種舊同學嘅群組。我好相信，以前嗰一代，就算以前返學嗰時幾咁friend都好，跟住讀完書，畢咗業，冇再聯絡好多年，突然喺街上面遇到嘅話，咪典型嗰種，點下頭，問候一下，寒暄兩句，再禮貌地或者核突P R地講多句：下次約埋以前嘅邊個邊個，同埋邊個阿Sir Miss出嚟聚下啦，然後之後乜嘢都冇發生過⋯⋯完。
但係呢個年代呢？無端端有一個好熱心嘅舊同學，Add咗你入一個舊同學嘅群組，然後你個電話被公諸於世，跟住嗰啲根本以前讀書嗰陣都未friend過嘅同學，都有咗你個電話，而佢又突然間私訊你，問可唔可以同佢搵到兩張Mirror飛！
我當然冇理佢啦，就算想理，都理唔到啦，你估我係花姐咩！而我最憎嗰啲回應係：唓！你依家做咗藝人，叫做出咗啲名，梗係唔理我哋呢啲舊同學啦！
吹到啤一聲！
我冇離開嗰個舊同學群組嘅原因係，因為喺群組裏面，都有啲我認為值得真心尊重嘅舊同學同埋老師，如果我突然離開，我唔想佢哋會諗多咗或者唔開心。最多咪mute咗個群組，有啱我嗲嘅就答，唔啱睇唔啱傾嘅，咪唔出聲囉。
你可以話：梗係啦，你呢啲，叫做入咗娛樂圈嘅舊同學，當然會遇到呢啲事啦。但係我話俾你聽，我有好多朋友，唔係呢一行，同樣遇到同樣事情，就係當嗰啲舊同學，做咗層壓式推銷、保險或者投資銀行之類，都一樣會收到呢類私訊，有咩分別？
最後我想講嘅係，我好怕嗰種唔知自己好迂腐咁去珍惜以往感情嘅心態，嗰啲咩嘢——以前我哋真係好friend㗎！係呀，以前吖嘛！依家係幾多年之後啊？仲係咁friend嘅，就自然係咁friend啦！
我哋要接受人生係充滿過客㗎，朋友、愛人、甚至親人都可以係我哋嘅過客嚟㗎；曾經有過嘅緣份，我哋可以珍惜、可以懷緬，而最後如果緣盡嘅時候，我哋都要理智地接受囉！
有啲緣份，會歷久常新；有啲緣份，要盡嘅時候係應該由得佢盡！
歌曲：徐小鳯 《誰又欠了誰》
我曾經有個新朋友，識咗冇耐之後佢要搬屋，咁啱我有車，佢問我可唔可以搵一日幫佢搬一啲嘢，我一口應承咗，然後就搵咗一日幫佢搬啦。
嗰日來來回回咁搬，足足用咗一整日時間。咁我作為朋友，又冇要求要啲乜嘢回報嘅，但係佢好識做，佢話搬好執晒嘢之後，請我過嚟Housewarming Party，到時食餐勁嘅。咁我話：好啊！多謝你先！
如是者兩個月之後，我都冇再收到佢嘅電話。當然，我都唔係等佢嗰餐飯啦。但係我喺呢兩個月，不時見到佢post同好多同唔同嘅朋友喺屋企聚餐，無數咁多個Housewarming Parties。
我唔高興？當然有少少。但係我同佢都唔算係深交，所以冇再聯絡，友誼關係即時被擱置。
有啲朋友話：吓！咁你同佢絕咗交呀？我回答係咁嘅：你要咁樣標簽呢個動作，你咪當係叫做絕交囉，首先冇乜交情可言，如果有，呢啲交，好易絕姐！
有另一種絕交係，就算幾深厚感情都好，自己突然間被佢出賣，咁當然又係可以好絕咁樣去絕交啦。
但係朋友有好多種，有另一種複雜啲嘅case，就係嗰啲識咗好多年嘅朋友，從來都係好朋友嗰種，而踏入咗人生唔同嘅階段，例如有啲結婚、生仔、移民諸如此類，大家嘅生活、時間嘅分配、友誼同家庭之間嘅排序等等，都係考驗友誼嘅關鍵。而如果有時間再聚，嗰個化學作用已經冇晒嘅話，我意思係，例如，世界觀、人生觀、價值觀——三觀都唔同晒，咁再做朋友，又有咩意思呢？
呢類絕交，亦都唔使費氣力、費唇舌，慢慢自然會fade out。失望，當然會啦，而我自己就唔會為咗會感到「失望」，而再去食一餐冇意義嘅飯或者飲一晚冇營養嘅酒。
又另一種啦喎，呢種友誼關係，係近年因為網絡世界發達而衍生出嚟嘅，就係嗰種舊同學嘅群組。我好相信，以前嗰一代，就算以前返學嗰時幾咁friend都好，跟住讀完書，畢咗業，冇再聯絡好多年，突然喺街上面遇到嘅話，咪典型嗰種，點下頭，問候一下，寒暄兩句，再禮貌地或者核突P R地講多句：下次約埋以前嘅邊個邊個，同埋邊個阿Sir Miss出嚟聚下啦，然後之後乜嘢都冇發生過⋯⋯完。
但係呢個年代呢？無端端有一個好熱心嘅舊同學，Add咗你入一個舊同學嘅群組，然後你個電話被公諸於世，跟住嗰啲根本以前讀書嗰陣都未friend過嘅同學，都有咗你個電話，而佢又突然間私訊你，問可唔可以同佢搵到兩張Mirror飛！
我當然冇理佢啦，就算想理，都理唔到啦，你估我係花姐咩！而我最憎嗰啲回應係：唓！你依家做咗藝人，叫做出咗啲名，梗係唔理我哋呢啲舊同學啦！
吹到啤一聲！
我冇離開嗰個舊同學群組嘅原因係，因為喺群組裏面，都有啲我認為值得真心尊重嘅舊同學同埋老師，如果我突然離開，我唔想佢哋會諗多咗或者唔開心。最多咪mute咗個群組，有啱我嗲嘅就答，唔啱睇唔啱傾嘅，咪唔出聲囉。
你可以話：梗係啦，你呢啲，叫做入咗娛樂圈嘅舊同學，當然會遇到呢啲事啦。但係我話俾你聽，我有好多朋友，唔係呢一行，同樣遇到同樣事情，就係當嗰啲舊同學，做咗層壓式推銷、保險或者投資銀行之類，都一樣會收到呢類私訊，有咩分別？
最後我想講嘅係，我好怕嗰種唔知自己好迂腐咁去珍惜以往感情嘅心態，嗰啲咩嘢——以前我哋真係好friend㗎！係呀，以前吖嘛！依家係幾多年之後啊？仲係咁friend嘅，就自然係咁friend啦！
我哋要接受人生係充滿過客㗎，朋友、愛人、甚至親人都可以係我哋嘅過客嚟㗎；曾經有過嘅緣份，我哋可以珍惜、可以懷緬，而最後如果緣盡嘅時候，我哋都要理智地接受囉！
有啲緣份，會歷久常新；有啲緣份，要盡嘅時候係應該由得佢盡！
歌曲：徐小鳯 《誰又欠了誰》
#投诉中国联通# 刚刚投诉完中国联通，15号发条莫名其妙嘅短信俾我，28号上午流量用完开始扣费，0.27元/MB，29号晚上先发短信话我额度不足，查话费发现变成负资产-5.09元，如果我唔睇继续用咪倾家荡产都有？故意诱导人多消费，而且流量换算后发现距多收我2.8173307元流量费。投诉左距没尽到提醒客户流量即将用完的责任，二系多收费。客服话帮我申请退费，如果唔得我就投诉工信部。[怒][怒][怒]
✋热门推荐