རྫོང་སར་འཇམ་དབྱངས་མཁྱེན་བརྩེས། ཉེ་ཆར་དབྱིན་ཇི་རྒྱལ་མོའི་སྐུ་ཚེའི་འཕེན་པ་རྫོགས་པར་འདི་ལྟར་བྲིས་འདུག
———-///—དྲེད་པོ་ཧོར།
ཨེ་ལི་ཟ་བྷིད་ཐུ། མོ་རང་མི་ཞིག་ཡིན་པའི་ཆ་ནས། ང་ཁོ་མོ་ལ་ཧ་ཅང་གུས་འདུད་ཡིད་སྨོན་རྒྱ་ཆེན་པོ་ཡོད། གང་ཡིན་ཤེས་མ་སོང་། ཕལ་ཆེར་སྔོན་ལས་ཤིག་མིན་ནམ། ང་ཁོ་མོའི་ཕྱག་འགུལ་སྟངས་དེ་ལ་ཤིན་དུ་དགའ། ང་ཁོ་མོ་མོ་རང་གི་གོ་གནས་དེར་བརྟན་བརླིང་ངང་བཞུགས་པར་ཤིན་དུ་དགའ། མོའི་སྐུ་ཚེ་རིང་མོ་དེའི་ནང་གནས་ཚུལ་ཅི་དང་ཅི་འདྲ་ཞིག་བྱུང་ཡོད་པ་མ་རེད། ཡིན་ཡང་དེ་དག་གི་ཁྲོད་དུ་ཁོ་མོ་རི་བོ་བཞིན་འགྲེངས་ནས་བཞུགས་པར་ཤིན་དུ་དགའ།
རེད་དེ། ཁོ་མོ་རྒྱལ་མོ་ཞིག་ཡིན་པའི་ཆ་ནས། ངས་བཤད་མ་ཤེས་མ་སོང་། དབྱིན་ཇིས། འཛམ་གླིང་ཧྲིལ་བོ་ལ་མི་རིགས་སྡེབ་གསོད་དང་། འཕྲོག་བཅོམ། བྲན་གཡོན་བཀས་བཀོད་སོགས་མཚོན་པའི་མནར་གཅོད་བཏང་བ་ལ་དགོངས་དག་ཞུས་ཡོད་ཚེ། ང་ཁོ་མོ་རྒྱལ་མོ་ཞིག་ཡིན་པའི་ངོས་ནསཀྱང་དགའ། མ་འོངས་པ་ལ་ནི་དེ་ལྟ་བུ་ཞིག་འབྱུང་མི་སྲིད་པ་རེད། ༡༢/༩/༢༠༢༢
———-///—དྲེད་པོ་ཧོར།
ཨེ་ལི་ཟ་བྷིད་ཐུ། མོ་རང་མི་ཞིག་ཡིན་པའི་ཆ་ནས། ང་ཁོ་མོ་ལ་ཧ་ཅང་གུས་འདུད་ཡིད་སྨོན་རྒྱ་ཆེན་པོ་ཡོད། གང་ཡིན་ཤེས་མ་སོང་། ཕལ་ཆེར་སྔོན་ལས་ཤིག་མིན་ནམ། ང་ཁོ་མོའི་ཕྱག་འགུལ་སྟངས་དེ་ལ་ཤིན་དུ་དགའ། ང་ཁོ་མོ་མོ་རང་གི་གོ་གནས་དེར་བརྟན་བརླིང་ངང་བཞུགས་པར་ཤིན་དུ་དགའ། མོའི་སྐུ་ཚེ་རིང་མོ་དེའི་ནང་གནས་ཚུལ་ཅི་དང་ཅི་འདྲ་ཞིག་བྱུང་ཡོད་པ་མ་རེད། ཡིན་ཡང་དེ་དག་གི་ཁྲོད་དུ་ཁོ་མོ་རི་བོ་བཞིན་འགྲེངས་ནས་བཞུགས་པར་ཤིན་དུ་དགའ།
རེད་དེ། ཁོ་མོ་རྒྱལ་མོ་ཞིག་ཡིན་པའི་ཆ་ནས། ངས་བཤད་མ་ཤེས་མ་སོང་། དབྱིན་ཇིས། འཛམ་གླིང་ཧྲིལ་བོ་ལ་མི་རིགས་སྡེབ་གསོད་དང་། འཕྲོག་བཅོམ། བྲན་གཡོན་བཀས་བཀོད་སོགས་མཚོན་པའི་མནར་གཅོད་བཏང་བ་ལ་དགོངས་དག་ཞུས་ཡོད་ཚེ། ང་ཁོ་མོ་རྒྱལ་མོ་ཞིག་ཡིན་པའི་ངོས་ནསཀྱང་དགའ། མ་འོངས་པ་ལ་ནི་དེ་ལྟ་བུ་ཞིག་འབྱུང་མི་སྲིད་པ་རེད། ༡༢/༩/༢༠༢༢
#藏族娱乐圈[超话]#ཤེས་རབ་ཀྱི་ལྷ་མོ།
མཁའ་ཡི་ལྷ་མོའི་གཅིག་པའི་བཞིན་བཟང་ཡིད་འོང་སུམ་རྩེན་གནས་ཀྱི་ཆ་བྱད་ཅན།།
ལག་ལ་པི་ལྦང་དཀྲོལ་ཞིང་པདྨ་གདན་བྱས་དྲི་ཟའི་ངག་གི་དཔལ་མོའི་ནི།།
ལྷ་ཡི་ཡིད་བསྒྱུར་ཐིག་ལེ་དབང་བསྒྱུར་སྙམ་ཡང་ཐིག་མ་བསྐྱེངས་ནས་ཕོ་བྲང་བྲོས།།
ཨེ་མ་བདག་ཉིད་མཐོང་རྒྱ་ཆུང་བ་ཡིན་གྱི་ལྷ་མི་ཀུན་གྱི་གཙུག་བཀུར་ལྷ།།
_____________/ སྨྱུག་འགུལ།
མཁའ་ཡི་ལྷ་མོའི་གཅིག་པའི་བཞིན་བཟང་ཡིད་འོང་སུམ་རྩེན་གནས་ཀྱི་ཆ་བྱད་ཅན།།
ལག་ལ་པི་ལྦང་དཀྲོལ་ཞིང་པདྨ་གདན་བྱས་དྲི་ཟའི་ངག་གི་དཔལ་མོའི་ནི།།
ལྷ་ཡི་ཡིད་བསྒྱུར་ཐིག་ལེ་དབང་བསྒྱུར་སྙམ་ཡང་ཐིག་མ་བསྐྱེངས་ནས་ཕོ་བྲང་བྲོས།།
ཨེ་མ་བདག་ཉིད་མཐོང་རྒྱ་ཆུང་བ་ཡིན་གྱི་ལྷ་མི་ཀུན་གྱི་གཙུག་བཀུར་ལྷ།།
_____________/ སྨྱུག་འགུལ།
༄༅། །བཟོ་གྲྭ་གཅིག་ལས་ཐོན་པའི་བོད་མིའི་ཀླད་པ།
རྩོམ་པ་པོ། མགོ་དཀྲིས་དམར་པོ།
ཉིན་འགའི་སྔོན་དྲྭ་གྲོགས་ཤིག་གིས་བོད་མི་དག་གི་ཀླད་པ་ནི་བཟོ་གྲྭ་གཅིག་ལས་ཐོན་པ་ལྟ་བུ་རེད་ཅེས་ཟེར། དེ་ཤིན་ཏུ་ཚོད་ཐིག་པའི་སྐད་ཆ་རེད། དགེ་རྒན་དུས་ཆེན་ཐོན་ན་བཀའ་དྲིན་ཞུ་བ་རྐྱང་བས་གཅིག་ཆོག་བྱེད།
སྔོན་གྱི་བཀའ་གདམས་པ་དག་བཤེས་གཉེན་བསྟེན་པ་ལམ་གྱི་རྩ་བར་བྱེད། དེས་མི་ཚེ་འདིར་དགེ་རྒན་ཞིག་ཏན་ཏན་བསྟེན་དགོས་པའི་གལ་ཆེན་རང་བཞིན་ཤེས། དགེ་རྒན་གྱིས་ལབ་ཚད་ཚད་མར་མི་རུང་། བདག་ཅག་གི་སྟོན་པས་ཀྱང་སྔར་གྱི་མུ་སྟེགས་པའི་དགེ་རྒན་དག་གིས་བསྟན་པའི་ལམ་ནོར་བར་བརྩིས་ནས་རང་གིས་བདེན་པ་གཞན་ཞིག་རྙེད་པ་ཡིན།
སློབ་དཔོན་ཕྱོགས་གླང་མདོ་སྡེ་རིགས་པའི་རྗེས་འབྲང་གི་གྲུབ་མཐར་མ་ཞུགས་གོང་ཁོང་གིས་གནས་མ་བུའི་སྡེ་པའི་དགེ་རྒན་ཞིག་བསྟེན། དགེ་རྒན་དེས་བརྗོད་དུ་མེད་པའི་བདག་ཅིག་ཡོད་པར་བསྟན་མོད། ཕྱོགས་གླང་གི་རིག་པ་རྣོན་པོ་དེས་བརྗོད་དུ་མེད་པའི་བདག་མ་རྙེད། སྤྱིར་བདག་མེད་ཡོད་མེད་དེ་ནང་བའི་གྲུབ་མཐའི་གཞུང་རྟ་ཡིན། གནའ་བོའི་ནུབ་ཕྱོགས་ཀྱི་མཚན་ཉིད་སྨྲ་བ་དག་གིས་འཇིག་རྟེན་གྱི་རྩོམ་གཞི་ཅི་ཞིག་ཡིན་མིན་ལ་བསམ་བློ་གཏོང་། ནང་པའི་མཚན་ཉིད་རིགས་པ་བ་དག་གིས་ནི་བདག་ཡོད་མེད་ལ་བསམ་བློ་གཏོང་། དེ་གཉིས་ཀ་ཤིན་ཏུ་ཁོམ་སོང་བ་ཞིག་གིས་བསམ་བྱ་ཡིན་གྱི་སྤྱི་ཚོགས་ཕན་བདེ་དང་འཚོ་གནས་ལ་ཐད་ཀར་འབྲེལ་བ་མེད་པས་སྤྱིར་བཏང་གི་མིས་དེ་གཉིས་གང་ལའང་བསམ་བློ་མི་གཏོང་།
སློབ་དཔོན་ཕྱོགས་གླང་ཡང་སྐུ་ན་གཞོན་དུས་བོད་ཀྱི་མཁས་པ་མཆིམས་འཇམ་པའི་དབྱངས་ལྟར་ཅུང་པྲ་ཚགས་ཤིག་འདུག་སྟེ། སློབ་དཔོན་ཕྱོགས་གླང་གིས་ཉིན་དཀར་དཀར་ཞིག་ལ་སྒོ་དང་སྒེའུ་ཁུང་ཕྱེས། ཕྱོགས་ཕྱོགས་སུ་སྒྲོན་མེ་སྦར་ནས་བསྡད། དེ་ནས་དགེ་རྒན་ཐོན་ཏེ་ཁྱོད་ཀྱིས་ཅི་བྱེད་ཀྱིན་ཡོད་ཅེས་དྲིས། ཁོང་གིས་དགེ་རྒན་ལ། ངས་བརྗོད་དུ་མེད་པའི་བདག་འཚོལ་གྱིན་ཡོད་ཅེས་ལན་བཏབ། དེ་ལྟར་བརྗོད་མེད་ཀྱི་བདག་རིག་པས་མི་རྙེད་པའི་ཉམས་བསྟན། ཕྱོགས་གླང་གི་རིག་པ་ཕྲ་ལ་མྱུར་བ་དེས་དགེ་རྒན་ཚར་བཅད་ཚུར་འདུས་བྱས་ཀྱང་ཆོག་མོད། ཁོང་གིས་མི་འཐད་པའི་རྣམ་འགྱུར་ཙམ་བསྟན་ནས་བསྐྱུར། དེས་ཁྱོད་ཀྱི་དགེ་རྒན་ཅི་འདྲའི་རྡུགས་ཆག་ཅིག་ཡིན་རུང་། གུས་ཞབས་ཤིག་ཏན་ཏན་དགོས་པའི་གནས་ལུགས་ཤེས་སུ་བཅུག་ཡོད། དེ་འུ་ཚོའི་འཚོ་བའི་ཁྲོད་ནས་ཉམས་ལེན་ཨེ་ཐུབ་བལྟ།
ནུབ་ཕྱོགས་མཚན་ཉིད་སྨྲ་བ་དག་གི་ཁྲོད་ནས་ཀླུ་སྒྲུབ་དང་ཐོགས་མེད་ལྟ་བུ་ནི་སོས་ཀི་ར་ཐེ(苏格拉底)དང་པོ་ལ་ཐྲོས(柏拉图)སོགས་རེད། སོས་ཀི་ར་ཐེའི་སློབ་མ་པོ་ལ་ཐྲོས་དང་དེའི་སློབ་མ་ཨ་རུས་སུ་ཏོར་ཏི(亚里士多德)། དེའི་སློབ་མ་བཙན་རྒྱལ་ཨེར་ལཊ་ཟན་ཌར(亚历山大大帝)ཡིན། ཨེ་ལཊ་ཟན་ཌར་དང་ཨ་རུས་སི་ཏོར་ཏི་གཉིས་ཀའི་ལྟ་བའི་ཁྱད་མ་ཤེས་མོད། གཞན་དག་ནི་རང་གི་ལྟ་བ་དགེ་རྒན་དང་གཏན་མི་མཚུངས། དེ་བས་ཨ་རུས་སི་ཏོར་ཏིས། ང་རང་དགེ་རྒན་ལ་དགའ། དེ་ལས་ཀྱང་བདེན་པ་ལ་དགའ། ཞེས་པའི་སྐད་ཆ་གྲགས་ཅན་ཞིག་སྨྲས། སྐད་ཆ་དེ་བདག་གིས་ཆུང་ངུའི་དུས་ནས་ཐོས་ཏེ་ད་དུང་བརྗེད་དུ་ཕངས་པ་ཡིན།
འཕགས་བོད་ཀྱི་མཁས་པའི་ཁ་ནས་སྐད་ཆ་དེ་མ་ཐོན་ཡང་། སྐད་ཆ་དེའི་བདེན་པ་རྒྱབ་ཏུ་ཁུར་ཁུར་ལ་ཡོད། གསང་ཕུ་ནེའུ་ཐོག་གི་སློབ་དཔོན་ཕྱྭ་པ་ཆོས་ཀྱི་སེང་གེ་ནི་བོད་ཀྱི་མཁས་པའི་ཁྲོད་ནས་ཟུར་ཁ་ཅན་ཞིག་རེད། ཁོང་གིས་རྣམ་འགྲེལ་དང་དབུ་མ་འཇུག་པ་གཉིས་ལ་གཅིག་ཏུ་དགག་པར་བྱས། ཁོང་ལ་སློབ་མ་རིག་པའི་སེང་ཆེན་བརྒྱད་དང་ཤེས་རབ་ཅན་བཞི་སོགས་ཡོད་པ་ལས་སེང་ཆེན་བརྒྱད་ཀྱི་ཡ་གྱལ་གཙང་ནག་པས་ནི་དབུ་མ་འཇུག་པ་ལ་དགེ་རྒན་ལས་ལྡོག་སྟེ་ལེགས་པར་བརྩི། དེས་གཙང་ནག་པ་དགེ་རྒན་ལ་དགའ་མོད། དེ་ལས་ཀྱང་བདེན་པར་དགའ་བའི་ངོས་དེ་བསྟར་ཡོད། སྐད་ཆ་དེ་ནང་པའི་ཆེད་ལས་ཐ་སྙད་བཀོལ་ནས་ལབ་ན་གང་ཟག་ལ་མི་རྟོན་ཆོས་ལ་རྟོན་ཞེས་བརྗོད་དགོས། དེ་ལྟར་བརྗོད་ན་བདེན་པ་དེ་ཁྱོད་ཀྱི་སེམས་ལ་ཁྲིགས་ཀྱིས་ལྷུང་པ་ཡིན།
ཕྱྭ་པ་ཆོས་ཀྱི་སེངྒེ་ལ་སློབ་མ་རིག་པའི་སེང་ཆེན་བརྒྱད་ཟེར་བ་ཞིག་ཡོད་ལ་རྔོག་ལོ་ཆེན་པོ་སོགས་མཁས་པའི་ཕུལ་ཡིན་ཡང་། ཕྱྭ་པ་ལྟར་སློབ་མ་གྲངས་མང་ཞིང་སྤུས་ཀ་གཉིས་ཆར་འཛོམས་པ་མེད། དེའང་སློབ་མ་སྐྱོང་བར་མཁས་མི་མཁས་དང་སློབ་ཁྲིད་ཀྱི་ཐབས་ལམ་ཤེས་མ་ཤེས་ཀྱི་ཁྱད་ཡིན་སྙམ། ཁོང་གི་བསྡུས་གྲྭའང་གཞུང་ལུགས་ཀྱི་དོན་བསྡུས་ནས་ལས་སླ་བོས་སློབ་མའི་སེམས་ཁམས་སུ་འཇོག་ཐབས་ཀྱི་རིག་པ་ཞིག་ཡིན་སྙམ་སྟེ་དབུ་མ་ལའང་བསྡུས་པ་ཞུ་བ་རེ་བརྩམས་འདུག་པས་སོ། །འདི་གཙོ་བོ་དགེ་རྒན་དག་གིས་བསམ་དགོས་མོད་སློབ་མ་དག་ལའང་མ་བབས་པ་མིན།
མི་ཚེའི་ན་རིམ་གྱིས་དགེ་རྒན་རང་དང་དཔེ་ཆ་བྱེད་དགོས་དུས་ཤིག་ཀྱང་ཡོད། ངས་ནི་གང་ཟག་དགེ་རྒན་ལས་དཔེ་ཆའི་དགེ་རྒན་གལ་སྙམ། སྔོན་བྱོན་བོད་ཀྱི་སྐྱེས་ཆེན་དག་གི་ཁྲོད་ནའང་དཔེ་ཆ་སློབ་དཔོན་ནམ་དགེ་རྒན་དུ་རྩི་མཁན་ཡོད་དེ། འབྲོམ་སྟོན་པ་རྒྱལ་བའི་འབྱུང་གནས་འདའ་ཁར་པོ་ཏོ་བ་ལ“ངས་ཁྱེད་རྣམས་ལ་རྟེན་ས་གཞན་མ་མཐོང་བས། སློབ་དཔོན་མདོ་སྡེ་ལ་ཆོས་ཞུས”གསུངས་ནས་འདས།
༢༠༢༢/༩/༡༡ལ་བྲིས།
རྩོམ་པ་པོ། མགོ་དཀྲིས་དམར་པོ།
ཉིན་འགའི་སྔོན་དྲྭ་གྲོགས་ཤིག་གིས་བོད་མི་དག་གི་ཀླད་པ་ནི་བཟོ་གྲྭ་གཅིག་ལས་ཐོན་པ་ལྟ་བུ་རེད་ཅེས་ཟེར། དེ་ཤིན་ཏུ་ཚོད་ཐིག་པའི་སྐད་ཆ་རེད། དགེ་རྒན་དུས་ཆེན་ཐོན་ན་བཀའ་དྲིན་ཞུ་བ་རྐྱང་བས་གཅིག་ཆོག་བྱེད།
སྔོན་གྱི་བཀའ་གདམས་པ་དག་བཤེས་གཉེན་བསྟེན་པ་ལམ་གྱི་རྩ་བར་བྱེད། དེས་མི་ཚེ་འདིར་དགེ་རྒན་ཞིག་ཏན་ཏན་བསྟེན་དགོས་པའི་གལ་ཆེན་རང་བཞིན་ཤེས། དགེ་རྒན་གྱིས་ལབ་ཚད་ཚད་མར་མི་རུང་། བདག་ཅག་གི་སྟོན་པས་ཀྱང་སྔར་གྱི་མུ་སྟེགས་པའི་དགེ་རྒན་དག་གིས་བསྟན་པའི་ལམ་ནོར་བར་བརྩིས་ནས་རང་གིས་བདེན་པ་གཞན་ཞིག་རྙེད་པ་ཡིན།
སློབ་དཔོན་ཕྱོགས་གླང་མདོ་སྡེ་རིགས་པའི་རྗེས་འབྲང་གི་གྲུབ་མཐར་མ་ཞུགས་གོང་ཁོང་གིས་གནས་མ་བུའི་སྡེ་པའི་དགེ་རྒན་ཞིག་བསྟེན། དགེ་རྒན་དེས་བརྗོད་དུ་མེད་པའི་བདག་ཅིག་ཡོད་པར་བསྟན་མོད། ཕྱོགས་གླང་གི་རིག་པ་རྣོན་པོ་དེས་བརྗོད་དུ་མེད་པའི་བདག་མ་རྙེད། སྤྱིར་བདག་མེད་ཡོད་མེད་དེ་ནང་བའི་གྲུབ་མཐའི་གཞུང་རྟ་ཡིན། གནའ་བོའི་ནུབ་ཕྱོགས་ཀྱི་མཚན་ཉིད་སྨྲ་བ་དག་གིས་འཇིག་རྟེན་གྱི་རྩོམ་གཞི་ཅི་ཞིག་ཡིན་མིན་ལ་བསམ་བློ་གཏོང་། ནང་པའི་མཚན་ཉིད་རིགས་པ་བ་དག་གིས་ནི་བདག་ཡོད་མེད་ལ་བསམ་བློ་གཏོང་། དེ་གཉིས་ཀ་ཤིན་ཏུ་ཁོམ་སོང་བ་ཞིག་གིས་བསམ་བྱ་ཡིན་གྱི་སྤྱི་ཚོགས་ཕན་བདེ་དང་འཚོ་གནས་ལ་ཐད་ཀར་འབྲེལ་བ་མེད་པས་སྤྱིར་བཏང་གི་མིས་དེ་གཉིས་གང་ལའང་བསམ་བློ་མི་གཏོང་།
སློབ་དཔོན་ཕྱོགས་གླང་ཡང་སྐུ་ན་གཞོན་དུས་བོད་ཀྱི་མཁས་པ་མཆིམས་འཇམ་པའི་དབྱངས་ལྟར་ཅུང་པྲ་ཚགས་ཤིག་འདུག་སྟེ། སློབ་དཔོན་ཕྱོགས་གླང་གིས་ཉིན་དཀར་དཀར་ཞིག་ལ་སྒོ་དང་སྒེའུ་ཁུང་ཕྱེས། ཕྱོགས་ཕྱོགས་སུ་སྒྲོན་མེ་སྦར་ནས་བསྡད། དེ་ནས་དགེ་རྒན་ཐོན་ཏེ་ཁྱོད་ཀྱིས་ཅི་བྱེད་ཀྱིན་ཡོད་ཅེས་དྲིས། ཁོང་གིས་དགེ་རྒན་ལ། ངས་བརྗོད་དུ་མེད་པའི་བདག་འཚོལ་གྱིན་ཡོད་ཅེས་ལན་བཏབ། དེ་ལྟར་བརྗོད་མེད་ཀྱི་བདག་རིག་པས་མི་རྙེད་པའི་ཉམས་བསྟན། ཕྱོགས་གླང་གི་རིག་པ་ཕྲ་ལ་མྱུར་བ་དེས་དགེ་རྒན་ཚར་བཅད་ཚུར་འདུས་བྱས་ཀྱང་ཆོག་མོད། ཁོང་གིས་མི་འཐད་པའི་རྣམ་འགྱུར་ཙམ་བསྟན་ནས་བསྐྱུར། དེས་ཁྱོད་ཀྱི་དགེ་རྒན་ཅི་འདྲའི་རྡུགས་ཆག་ཅིག་ཡིན་རུང་། གུས་ཞབས་ཤིག་ཏན་ཏན་དགོས་པའི་གནས་ལུགས་ཤེས་སུ་བཅུག་ཡོད། དེ་འུ་ཚོའི་འཚོ་བའི་ཁྲོད་ནས་ཉམས་ལེན་ཨེ་ཐུབ་བལྟ།
ནུབ་ཕྱོགས་མཚན་ཉིད་སྨྲ་བ་དག་གི་ཁྲོད་ནས་ཀླུ་སྒྲུབ་དང་ཐོགས་མེད་ལྟ་བུ་ནི་སོས་ཀི་ར་ཐེ(苏格拉底)དང་པོ་ལ་ཐྲོས(柏拉图)སོགས་རེད། སོས་ཀི་ར་ཐེའི་སློབ་མ་པོ་ལ་ཐྲོས་དང་དེའི་སློབ་མ་ཨ་རུས་སུ་ཏོར་ཏི(亚里士多德)། དེའི་སློབ་མ་བཙན་རྒྱལ་ཨེར་ལཊ་ཟན་ཌར(亚历山大大帝)ཡིན། ཨེ་ལཊ་ཟན་ཌར་དང་ཨ་རུས་སི་ཏོར་ཏི་གཉིས་ཀའི་ལྟ་བའི་ཁྱད་མ་ཤེས་མོད། གཞན་དག་ནི་རང་གི་ལྟ་བ་དགེ་རྒན་དང་གཏན་མི་མཚུངས། དེ་བས་ཨ་རུས་སི་ཏོར་ཏིས། ང་རང་དགེ་རྒན་ལ་དགའ། དེ་ལས་ཀྱང་བདེན་པ་ལ་དགའ། ཞེས་པའི་སྐད་ཆ་གྲགས་ཅན་ཞིག་སྨྲས། སྐད་ཆ་དེ་བདག་གིས་ཆུང་ངུའི་དུས་ནས་ཐོས་ཏེ་ད་དུང་བརྗེད་དུ་ཕངས་པ་ཡིན།
འཕགས་བོད་ཀྱི་མཁས་པའི་ཁ་ནས་སྐད་ཆ་དེ་མ་ཐོན་ཡང་། སྐད་ཆ་དེའི་བདེན་པ་རྒྱབ་ཏུ་ཁུར་ཁུར་ལ་ཡོད། གསང་ཕུ་ནེའུ་ཐོག་གི་སློབ་དཔོན་ཕྱྭ་པ་ཆོས་ཀྱི་སེང་གེ་ནི་བོད་ཀྱི་མཁས་པའི་ཁྲོད་ནས་ཟུར་ཁ་ཅན་ཞིག་རེད། ཁོང་གིས་རྣམ་འགྲེལ་དང་དབུ་མ་འཇུག་པ་གཉིས་ལ་གཅིག་ཏུ་དགག་པར་བྱས། ཁོང་ལ་སློབ་མ་རིག་པའི་སེང་ཆེན་བརྒྱད་དང་ཤེས་རབ་ཅན་བཞི་སོགས་ཡོད་པ་ལས་སེང་ཆེན་བརྒྱད་ཀྱི་ཡ་གྱལ་གཙང་ནག་པས་ནི་དབུ་མ་འཇུག་པ་ལ་དགེ་རྒན་ལས་ལྡོག་སྟེ་ལེགས་པར་བརྩི། དེས་གཙང་ནག་པ་དགེ་རྒན་ལ་དགའ་མོད། དེ་ལས་ཀྱང་བདེན་པར་དགའ་བའི་ངོས་དེ་བསྟར་ཡོད། སྐད་ཆ་དེ་ནང་པའི་ཆེད་ལས་ཐ་སྙད་བཀོལ་ནས་ལབ་ན་གང་ཟག་ལ་མི་རྟོན་ཆོས་ལ་རྟོན་ཞེས་བརྗོད་དགོས། དེ་ལྟར་བརྗོད་ན་བདེན་པ་དེ་ཁྱོད་ཀྱི་སེམས་ལ་ཁྲིགས་ཀྱིས་ལྷུང་པ་ཡིན།
ཕྱྭ་པ་ཆོས་ཀྱི་སེངྒེ་ལ་སློབ་མ་རིག་པའི་སེང་ཆེན་བརྒྱད་ཟེར་བ་ཞིག་ཡོད་ལ་རྔོག་ལོ་ཆེན་པོ་སོགས་མཁས་པའི་ཕུལ་ཡིན་ཡང་། ཕྱྭ་པ་ལྟར་སློབ་མ་གྲངས་མང་ཞིང་སྤུས་ཀ་གཉིས་ཆར་འཛོམས་པ་མེད། དེའང་སློབ་མ་སྐྱོང་བར་མཁས་མི་མཁས་དང་སློབ་ཁྲིད་ཀྱི་ཐབས་ལམ་ཤེས་མ་ཤེས་ཀྱི་ཁྱད་ཡིན་སྙམ། ཁོང་གི་བསྡུས་གྲྭའང་གཞུང་ལུགས་ཀྱི་དོན་བསྡུས་ནས་ལས་སླ་བོས་སློབ་མའི་སེམས་ཁམས་སུ་འཇོག་ཐབས་ཀྱི་རིག་པ་ཞིག་ཡིན་སྙམ་སྟེ་དབུ་མ་ལའང་བསྡུས་པ་ཞུ་བ་རེ་བརྩམས་འདུག་པས་སོ། །འདི་གཙོ་བོ་དགེ་རྒན་དག་གིས་བསམ་དགོས་མོད་སློབ་མ་དག་ལའང་མ་བབས་པ་མིན།
མི་ཚེའི་ན་རིམ་གྱིས་དགེ་རྒན་རང་དང་དཔེ་ཆ་བྱེད་དགོས་དུས་ཤིག་ཀྱང་ཡོད། ངས་ནི་གང་ཟག་དགེ་རྒན་ལས་དཔེ་ཆའི་དགེ་རྒན་གལ་སྙམ། སྔོན་བྱོན་བོད་ཀྱི་སྐྱེས་ཆེན་དག་གི་ཁྲོད་ནའང་དཔེ་ཆ་སློབ་དཔོན་ནམ་དགེ་རྒན་དུ་རྩི་མཁན་ཡོད་དེ། འབྲོམ་སྟོན་པ་རྒྱལ་བའི་འབྱུང་གནས་འདའ་ཁར་པོ་ཏོ་བ་ལ“ངས་ཁྱེད་རྣམས་ལ་རྟེན་ས་གཞན་མ་མཐོང་བས། སློབ་དཔོན་མདོ་སྡེ་ལ་ཆོས་ཞུས”གསུངས་ནས་འདས།
༢༠༢༢/༩/༡༡ལ་བྲིས།
✋热门推荐