【On.cc】陳展鵬拍動作戲未有時間操弗　返到屋企即變慈父

視帝陳展鵬現時與黃智雯齊齊為無綫新劇《隱門》拍攝中，展鵬今次雖然不是飾演警察，而是一名保險調查員，但日前他都要於街上拍攝一場動作戲份，起初見他站在載滿竹羅筐及發泡膠箱的貨車前，之後就拿着竹羅筐起勢掟出去，七情上臉。展鵬接受東網時，坦言近排都拍了多場打戲，那天拍攝的一場是講及劇中飾演黃智雯父親的吳岱融，因為經常傷害女兒，而展鵬與智雯亦是兒時相識的，故為了保護她，與吳岱融大打出手。問他為何今次飾演保險調查員都咁多動作戲時，他謂：「每套劇基本上都有啲動作戲，都幾吃力，因為未時間操練自己，接住幾個劇都冇時間，但暫時一切都順利嘅！」

陳展鵬拍攝拎竹羅筐起勢掟場口。

引得一班街坊圍觀。

而展鵬擔正的劇集《逆天奇案》收視相當理想，今年《萬千星輝頒獎典禮2021》中，亦有設馬來西亞「最喜愛TVB男主角」、「最喜愛TVB女主角」及「最喜愛TVB電視劇集」3大獎項，而本月10日便會開始接受馬來西亞觀眾投票，展鵬於2015及2016年分別憑着劇集《張保仔》及《城寨英雄》勇奪馬來西亞視帝，而他於當地亦相當受觀眾歡迎，今年呼聲亦相當高呢！
此外，展鵬忙於工作之餘，一有時間都會陪住女兒小豬比，適逢快將聖誕節，他更買了一個聖誕樹「扑扑蛋糕」給女兒，見豬比扑蛋糕時專心又好奇，相當可愛，不過展鵬笑謂：「聖誕節亦係爸爸傷腦筋嘅時候呢！」

返到屋企見到個女。

佢個心都融埋。

唔知今年會唔會再奪馬來西亞視帝呢？

#陈展鹏[超话]#

【On.cc】同《街舞》冠軍學嘢！張衞健跳「巨鵰之舞」話咁易

藝人張衞健近年為抽多啲時候陪家人，而減少幕前演出，佢最近終於「復工」回歸演藝圈，參加內地綜藝節目《追光吧！》！佢要喺節目中應付唔少唱歌跳舞表演，雖然佢本身都有舞功底子，但係久疏戰陣驚跟唔上節奏，所以佢打算同跳得之人韓宇學跳舞，韓宇係內地街舞真人騷節目《這！就是街舞》第1季嘅總冠軍，跳舞當然好犀利啦！
張衞健呢次想學嘅就係「巨鵰之舞」，舞姿主要係扮捧着巨大嘅隱形男性性器官喺度晃動，而韓宇見到身為前輩嘅張衞健主動搵佢學跳舞，都好熱心咁教導，叫張衞健跟住佢一齊做，睇到張衞健跳起上嚟姿態十足，好快學識喎！而韓宇之後仲自己Solo一段難度好高嘅舞步，問張衞健想唔想學？張衞健就話：「這個我不行了！」而網民睇見張衞健學得咁快，都大讚佢本身舞功底好，絕對係跳得之人呀！

張衞健上內地真人騷！

張衞健想叫韓宇教佢跳舞！

韓宇（左）當然樂意教！

仲親自示範添！

張衞健話咁快就學識！

之後韓宇仲自己Solo添！

#张卫健[超话]#

頭條獨家丨黃浩然帶家人去食米芝蓮拉麵 着Shocking Pink背心行街好搶眼

一家四口去銅鑼灣行街再急步行去食拉麵。

因為14年一場大病，令黃浩然(Raymond)突然覺悟，唔好做死自己，要平衡工作，同花更多時間陪屋企人，病過方知身體健康的重要性，自始Raymond就狂做運動，特別係跑步，日跑夜跑又做Gym，而家變咗鋼條，仲感染埋老婆同兩個仔，分別係10歲Kayden及8歲Ransley，家庭樂就係做運動。採訪:梁志明

黃太行過一間店舖停低望兩眼。

食完拉麵，黃浩然畀完錢最後離開。

日前傍晚，着住Shocking Pink背心，潮孭心口斜孭袋的黃浩然同老婆及兩個仔現身銅鑼灣百德新街，老婆拖住細仔行快啲，一家之主同大仔殿後，其間黃太行過間時裝店就指畀老公睇，睇嚟有嘢睇啱，不過最後冇入舖，原來佢哋趕住去醫肚。

離開食店，兩公婆都發現對面大廈有人拍緊嘢。

黃浩然輕攬老婆條腰，示意向前行。

黃太買嘢諗過度過
黃氏一家去咗食過江龍，連續兩年奪得《東京米芝蓮》一星榮譽的拉麵店，食咗兩個鐘滿足離開，食店對面嘅樓上好似有Crew拍緊嘢，唔知拍戲拍劇定拍廣告，黃浩然同老婆一出食店就發現，兩人忍唔住抬頭望咗幾眼，男方就輕攬老婆條腰示意向前行唔好再望，然後黃太就行去睇瑜伽運動服，見佢睇中件橙色Top，拎起望咗一陣，一件幾百蚊，本身有家底，老公又搵到，買得起有餘，不過，黃太諗咗陣都係放低，喺店內行咗半個鐘就同老公及兩個仔離開。

黃太對呢件TOP好有興趣，睇咗好耐但最終無買。

親子活動係去跑步。

兩人結婚16年，一直表現恩愛。

#黄浩然[超话]#