࿑ སྣེ་ཟིན་སྤུ་ཟིན་བཅུ་གསུམ།
ཡིག་བདག ལྷུན་པོ།
༼༡༽ སྤྲང་པོ་ཞིག་གི་ཟ་འཕྲོར་ལྷག་པ་ལྟ་བུའི་དུས་ཞགས་འདིར། ཡང་ན་སྐྱེས་ཆེན་བཞུད་པའི་དུས་རབས་ཤིག་གི་མུན་མཐའ་འདིར།བྱ་སྒྲོ་རྐང་ཐོར་ལྟ་བུའི་ཡུ་བུ་ཅག་ནི། མཐའ་གང་དུ་དེད་སོང་བའི། ལོག་གང་ཞིག་ནས་རང་ཉིད་ལ་བདག་པའི་གནས་ཤིག་འཚོལ་དགོས་པའང་མི་ཤེས་ཙམ།
༼༢༽ དུས་ཚིགས་ཀྱི་འདས་བཞུད་མཐའ་དག་འཁོར་བའི་མཚོ་འཇིངས་ནས་དཀའ་ཚེགས་ཀྱིས་འཛད་ཀྱིན་པ་དང་བསྡོངས། བཟང་པོའི་རྒྱབ་ཀྱིས་ནུས་དུས། ངན་པའི་ཨོང་ཏོས་མི་ཡོང་བའི་གནས་བབ་དག ། གཞན་མིག་ནང་ཆ་བགད་ལེར་འཕྱ་ས་ཞིག་ཏུ་ཆགས་ཀྱིན་མེད་འགྲོ།
༼༣༽ དུས་རབས་ཉེར་གཅིག་ནི་ནོར་འཁྲུལ་དག་རྒྱུན་འབྱམས་བྱས་ཡོང་བའི་ལོ་ཟླ་ཞིག་ཀྱང་རེད། ཐམས་ཅད་ཀྱིས་ཉན་ཅོག་ཅི་ཡང་མེད་པར། རང་ཉིད་གུད་དུ་གཏིང་བརྗེད་དུ་འགྲོ་བའི། ལྷག་པར་རང་གིས་རང་ལ་གྲོས་མོལ་བྱེད་རྒྱུ་བརྗེད་འགྲོ་བའི། ལག་དམར་རུམ་ན་ཡོད་བཞིན་གཞན་ཞིག་འཚོལ་བའི། རྒུད་པ་སྒོ་དྲུང་དུ་སླེབས་པའི་དུས་སྐག་ཤིག་ཀྱང་རེད།
༼༤༽ ལེགས་འགྲུབ་ཟེར་བ་ནི་ནང་སེམས་སུ་བྱུང་བའི་ཞི་ལྷོད་ཅིག་ཡིན་ན་བསམ་མོད། བདེ་སྐྱིད་ཅེས་པ་ནི་ཅི་འདྲའི་རྙོག་འཛིང་ཆེ་བ་ཞིག་རེད་ཨང་། ཕུགས་འདུན་ཟེར་བ་ཞིག་རྒྱང་རིང་ན་མེད་པ་ཤེས་ན་རེད་བ། ང་ཚོའི་དམིགས་ཡུལ་ནི་འཇིག་རྟེན་ལ་འགྱུར་བ་ལྷག་པ་ཞིག་གཏོང་རྒྱུ་དེ་མ་ཡིན་པར། རང་གི་མགོ་རུས་རྣམ་ཤེས་གཞན་ལག་ཏུ་མི་འཇོག་རྒྱུ་ཡིན་པ་འདྲ། དེ་ནི་ཆེས་མཐའ་མཇུག་གི་མེལ་ཚེའམ་སོ་སྲུང་ཡང་ཡིན་པར་སྲིད།
༼༥༽ འཇིག་རྟེན་ནས་གྲོགས་ཤིག་བསྒྲིག་སྟེ། མི་ཡུལ་ནས་མེ་ཞིག་འབུད་རྒྱུ་དེའང་དཀའ་མོར་ཆགས། རྒྱུས་ཡོད་དག་མཐོང་ན་ཡང་རྒྱུས་མེད་པའི་ངོ་གདོང་རེ་སྟོན། མི་ཆ་མེད་ཅིག་གི་སྙིང་གཏམ་ལ་མགུ་གང་བ་ཞིག་ཉན་རྗེས། ཁྲག་རྒྱུན་ལས་ཞི་ལྷོད་དཔེ་མེད་ཅིག་དང་ཁམས་བག་ལྷོད་ལྷོད་རེའང་འབྱུང་བར་འདུག
༼༦༽ མི་སྐོར་ཞིག་གིས་ལུང་བསྟན་ནང་ལ་ཀི་འདེགས་ཀྱིན་མཆིས། ལུང་བསྟན་དེས་བསླུ་བྲིད་ཀྱང་གཏོང་གིན་ཡོད། སྐྱོབ་མི་ཐུབ་པའི་ལྷ་ཞིག་ཡོད་པའང་ཤེས་ཀྱིན་མེད། ཏག་ཏག་བཤད་ན། ལས་དབང་ནི་ལས་སླ་མོ་ཞིག་གིས་འགྲེལ་རྒྱག་ག་ནུས་ཐུབ། རྒྱབ་རིས་མི་གཅིག་པའི་ངོ་གདོང་རེ་རེ་ནི། ནང་སྙིང་ཟུར་པ་རེ་རེའི་ཚོས་གཞི་དང་སྐྱ་རིས། ལྷ་དང་འདྲེ་ཞེས་པའི་ཚིག་གིས་བཀར་ཆོག
༼༧༽ དངུལ་ཁུག་ཇེ་མཐུག་ཏུ་གཏོང་ཐབས་ཀྱིས་མི་ཚེ་ནར་མར་འབད་ན། ངས་ནི་དེ་ལ་འཚོ་བའམ་འཚོ་བ་རོལ་ཞེས་གོ་བ་ལེན་ཐུབ་ཀྱིན་མི་འདུག ། འཚོ་བ་ནི་སྡོད་ཁང་བརྗེ་སྤོར་ཙམ་ཞིག་མ་རེད། བཅའ་ཀ་རྙིང་གསར་བརྗེ་ས་ཞིག་ཀྱང་མ་རེད། ཟས་ཀུན་གཡོ་སྦྱོར་གྱི་ལས་བྱེད་ས་རྐྱང་པ་ཞིག་ཀྱང་མ་རེད།
༼༨༽ ད་ལྟའི་མི་རྣམས་མར་བྱ་ལ། ལད་མོ་དཔེ་ལྟའང་ཡ་མཚན་འགྲོ་རེད། མིག་ཁའི་ཙམ་པོ་བ་ལས། འཇིག་རྟེན་འདིའི་གཞན་དག་ནི་ཁོ་ཚོ་དང་འབྲེལ་བ་སྤུ་ཙམ་ཡང་མེད་པར་སྣང་། ཐད་གཏོང་བ་ཚོའི་ལག་ནང་གི་དེ་ནི། སྨྱོན་པའི་ལག་གི་རལ་གྲིར་འདོད། མུག་སྐྱོབ་རྗེས་འདེད་པ་དག་གིས་ནི། རྨོངས་པའི་བློ་ལ་ཟླ་བ་མཚོ་ལས་མཐོང་།
༼༩༽ དིང་གི་མི་རྣམས་ལ་གནོད་མེད་ཀུ་རེ་ཞིག་ཀྱང་གཏན་མི་འགྲོ། ཡངས་ཤིང་ཤོང་པར་བྱ་བ་མེད། ཚིག་ངོ་མཐོ་དམའ་ཙམ་གྱི་གནད་མི་ཁྱག ། མངོན་ཆུང་བརྫུ་བག་བྲལ་ཞིང་། རང་ལས་མཐོར་སྙོབ་ལབ་ཚོད་ཡེ་མི་ཐིག ། མྱི་དྲི་བྲོ་བའི་མི་དཀོན་པས། ཁྱོད་རྒུད་ན་དགའ་བའི་ཚོམས་ཅིག་དང་ཁ་འབྲལ་ཐབས་མེད། ཐམས་ཅད་ཀྱིས་ཚུལ་འཆོས་ཀྱི་གདོང་འབག་རེ་ནི་ཡེ་མི་འཕུད་པར་བྱེད།
༼༡༠༽ ད་སྒང་གི་ལས་གཞི་དག་ནི་འདྲ་བཤུས་ཙམ་རེད། མི་བུ་དག་ནི་ཟོག་བཟོས་རང་ཞིག་ཡིན་གསལ། མཐོ་སའི་འཁྱོང་མེད་དུ་ལུས་པའི་བྱ་བ་དག། ལར་ནས་ཁོ་ཚོ་དང་འབྲེལ་བ་གང་ཡང་མེད་རེད། གོང་གི་མུག་སྐྱོང་གསབ་དངུལ་དག་ཀྱང་། ཕྱེད་ནས་ཕྱེད་དང་། ཡང་ཕྱེད་ཕྱེད་དུ་ཚལ་མཐར། ད་གདོད་སྒོང་ལེབ་འཚིག་ཏོ་རེ་ནི་ལོན་པར་བྱེད།
༼༡༡༽ མི་ཚོགས་ལས་གྲོལ་བའི་གཞི་ཀ་ཞིག་ལ་ལོག་འགྲོ་ཐུབ་ན། ངས་དེར་ཁེར་རྐྱང་འདོགས་སྲིད་དཔེ། ཡིན་ཡང་དེ་ནི་ཁེར་རྐྱང་མ་རེད། ཁེར་རྐྱང་ལ་གཏན་གཞིས་མི་དགོས། ཁྲེལ་དང་ནང་རྫོངས་ཀྱིས་སྙོར་ཆོག འཇིགས་པ་མེད་པར་གཏན་དུ་འཁྱམ་ཡང་ངེས། མི་ཚུགས་ཐུབ་ཅན་ཞིག་གི་ཐོད་པའི་ཨ་དང་གསལ་བའི་ཨོ་ཡང་ཡིན་པར་སྲིད།
༼༡༢༽ གནས་སྟངས་ཤིན་ཏུ་སྐྱོ་ཡང་རུང་། རྒྱང་དུ་བཀྱིས་ནས་ལམ་ཞུགས་གནང་ཡང་སྲིད། བར་ལམ་ཞིག་ནས་བཟའ་འཚོལ་གྱི་བརྗོད་གཞི་འཐེན་ཡང་དཔེ། རང་གི་བསོད་ནམས་མངའ་བའི་བུ་མོ་ཞིག་ལ་འཕྲད་ཀྱང་རུང་། དེ་ཡི་བརྩེ་དུང་གཡུ་རིན་དུ་ཉར་ནས་སླར་བགྲོད་ཡང་སྲིད། དེ་བཞིན་མ་འོངས་པ་ནི་ངེས་གཏན་མེད་པའི་ལམ་ཞིག་ཡིན་པ།
༼༡༣༽ དོ་དགོང་ངས་རང་ཉིད་ལ་ཆུ་ཁོལ་ཕོར་གང་ལྡུག་བཞིན་ནང་སེམས་ལ་སྐད་ཆ་འགའ་ལབ་པ་ཡིན། རང་ཉིད་ཀྱི་མནོ་བསམ་རེ་རེས་དྲུད་འོང་བའི་ཡིག་འབྲུ་འདི་ཚོ། གོང་གསབ་གཏན་ནས་མི་ཡོང་བའི་གཟི་རིན་འདྲ་ཞིག་ཡོད་སྙིང་ཤར། སྤྱིར་ཡང་སྐད་ཆ་ཇེ་ཉུང་རེད། ཐམས་ཅད་ཀྱི་རྨོངས་པ་ཇེ་སྟུག་རེད། གླལ་རྨྱང་ཇེ་མང་རེད། ལུས་ཁམས་ཇེ་ཉོབ་རེད། བྱས་ན། ངས་དཔེ་ཆ་རེ་བསློག་ནས་སེམས་ནང་འདུ་འཛི་སློང་བར་འདོད།
༢༠༢༢ • ༧• ༡
ཡིག་བདག ལྷུན་པོ།
༼༡༽ སྤྲང་པོ་ཞིག་གི་ཟ་འཕྲོར་ལྷག་པ་ལྟ་བུའི་དུས་ཞགས་འདིར། ཡང་ན་སྐྱེས་ཆེན་བཞུད་པའི་དུས་རབས་ཤིག་གི་མུན་མཐའ་འདིར།བྱ་སྒྲོ་རྐང་ཐོར་ལྟ་བུའི་ཡུ་བུ་ཅག་ནི། མཐའ་གང་དུ་དེད་སོང་བའི། ལོག་གང་ཞིག་ནས་རང་ཉིད་ལ་བདག་པའི་གནས་ཤིག་འཚོལ་དགོས་པའང་མི་ཤེས་ཙམ།
༼༢༽ དུས་ཚིགས་ཀྱི་འདས་བཞུད་མཐའ་དག་འཁོར་བའི་མཚོ་འཇིངས་ནས་དཀའ་ཚེགས་ཀྱིས་འཛད་ཀྱིན་པ་དང་བསྡོངས། བཟང་པོའི་རྒྱབ་ཀྱིས་ནུས་དུས། ངན་པའི་ཨོང་ཏོས་མི་ཡོང་བའི་གནས་བབ་དག ། གཞན་མིག་ནང་ཆ་བགད་ལེར་འཕྱ་ས་ཞིག་ཏུ་ཆགས་ཀྱིན་མེད་འགྲོ།
༼༣༽ དུས་རབས་ཉེར་གཅིག་ནི་ནོར་འཁྲུལ་དག་རྒྱུན་འབྱམས་བྱས་ཡོང་བའི་ལོ་ཟླ་ཞིག་ཀྱང་རེད། ཐམས་ཅད་ཀྱིས་ཉན་ཅོག་ཅི་ཡང་མེད་པར། རང་ཉིད་གུད་དུ་གཏིང་བརྗེད་དུ་འགྲོ་བའི། ལྷག་པར་རང་གིས་རང་ལ་གྲོས་མོལ་བྱེད་རྒྱུ་བརྗེད་འགྲོ་བའི། ལག་དམར་རུམ་ན་ཡོད་བཞིན་གཞན་ཞིག་འཚོལ་བའི། རྒུད་པ་སྒོ་དྲུང་དུ་སླེབས་པའི་དུས་སྐག་ཤིག་ཀྱང་རེད།
༼༤༽ ལེགས་འགྲུབ་ཟེར་བ་ནི་ནང་སེམས་སུ་བྱུང་བའི་ཞི་ལྷོད་ཅིག་ཡིན་ན་བསམ་མོད། བདེ་སྐྱིད་ཅེས་པ་ནི་ཅི་འདྲའི་རྙོག་འཛིང་ཆེ་བ་ཞིག་རེད་ཨང་། ཕུགས་འདུན་ཟེར་བ་ཞིག་རྒྱང་རིང་ན་མེད་པ་ཤེས་ན་རེད་བ། ང་ཚོའི་དམིགས་ཡུལ་ནི་འཇིག་རྟེན་ལ་འགྱུར་བ་ལྷག་པ་ཞིག་གཏོང་རྒྱུ་དེ་མ་ཡིན་པར། རང་གི་མགོ་རུས་རྣམ་ཤེས་གཞན་ལག་ཏུ་མི་འཇོག་རྒྱུ་ཡིན་པ་འདྲ། དེ་ནི་ཆེས་མཐའ་མཇུག་གི་མེལ་ཚེའམ་སོ་སྲུང་ཡང་ཡིན་པར་སྲིད།
༼༥༽ འཇིག་རྟེན་ནས་གྲོགས་ཤིག་བསྒྲིག་སྟེ། མི་ཡུལ་ནས་མེ་ཞིག་འབུད་རྒྱུ་དེའང་དཀའ་མོར་ཆགས། རྒྱུས་ཡོད་དག་མཐོང་ན་ཡང་རྒྱུས་མེད་པའི་ངོ་གདོང་རེ་སྟོན། མི་ཆ་མེད་ཅིག་གི་སྙིང་གཏམ་ལ་མགུ་གང་བ་ཞིག་ཉན་རྗེས། ཁྲག་རྒྱུན་ལས་ཞི་ལྷོད་དཔེ་མེད་ཅིག་དང་ཁམས་བག་ལྷོད་ལྷོད་རེའང་འབྱུང་བར་འདུག
༼༦༽ མི་སྐོར་ཞིག་གིས་ལུང་བསྟན་ནང་ལ་ཀི་འདེགས་ཀྱིན་མཆིས། ལུང་བསྟན་དེས་བསླུ་བྲིད་ཀྱང་གཏོང་གིན་ཡོད། སྐྱོབ་མི་ཐུབ་པའི་ལྷ་ཞིག་ཡོད་པའང་ཤེས་ཀྱིན་མེད། ཏག་ཏག་བཤད་ན། ལས་དབང་ནི་ལས་སླ་མོ་ཞིག་གིས་འགྲེལ་རྒྱག་ག་ནུས་ཐུབ། རྒྱབ་རིས་མི་གཅིག་པའི་ངོ་གདོང་རེ་རེ་ནི། ནང་སྙིང་ཟུར་པ་རེ་རེའི་ཚོས་གཞི་དང་སྐྱ་རིས། ལྷ་དང་འདྲེ་ཞེས་པའི་ཚིག་གིས་བཀར་ཆོག
༼༧༽ དངུལ་ཁུག་ཇེ་མཐུག་ཏུ་གཏོང་ཐབས་ཀྱིས་མི་ཚེ་ནར་མར་འབད་ན། ངས་ནི་དེ་ལ་འཚོ་བའམ་འཚོ་བ་རོལ་ཞེས་གོ་བ་ལེན་ཐུབ་ཀྱིན་མི་འདུག ། འཚོ་བ་ནི་སྡོད་ཁང་བརྗེ་སྤོར་ཙམ་ཞིག་མ་རེད། བཅའ་ཀ་རྙིང་གསར་བརྗེ་ས་ཞིག་ཀྱང་མ་རེད། ཟས་ཀུན་གཡོ་སྦྱོར་གྱི་ལས་བྱེད་ས་རྐྱང་པ་ཞིག་ཀྱང་མ་རེད།
༼༨༽ ད་ལྟའི་མི་རྣམས་མར་བྱ་ལ། ལད་མོ་དཔེ་ལྟའང་ཡ་མཚན་འགྲོ་རེད། མིག་ཁའི་ཙམ་པོ་བ་ལས། འཇིག་རྟེན་འདིའི་གཞན་དག་ནི་ཁོ་ཚོ་དང་འབྲེལ་བ་སྤུ་ཙམ་ཡང་མེད་པར་སྣང་། ཐད་གཏོང་བ་ཚོའི་ལག་ནང་གི་དེ་ནི། སྨྱོན་པའི་ལག་གི་རལ་གྲིར་འདོད། མུག་སྐྱོབ་རྗེས་འདེད་པ་དག་གིས་ནི། རྨོངས་པའི་བློ་ལ་ཟླ་བ་མཚོ་ལས་མཐོང་།
༼༩༽ དིང་གི་མི་རྣམས་ལ་གནོད་མེད་ཀུ་རེ་ཞིག་ཀྱང་གཏན་མི་འགྲོ། ཡངས་ཤིང་ཤོང་པར་བྱ་བ་མེད། ཚིག་ངོ་མཐོ་དམའ་ཙམ་གྱི་གནད་མི་ཁྱག ། མངོན་ཆུང་བརྫུ་བག་བྲལ་ཞིང་། རང་ལས་མཐོར་སྙོབ་ལབ་ཚོད་ཡེ་མི་ཐིག ། མྱི་དྲི་བྲོ་བའི་མི་དཀོན་པས། ཁྱོད་རྒུད་ན་དགའ་བའི་ཚོམས་ཅིག་དང་ཁ་འབྲལ་ཐབས་མེད། ཐམས་ཅད་ཀྱིས་ཚུལ་འཆོས་ཀྱི་གདོང་འབག་རེ་ནི་ཡེ་མི་འཕུད་པར་བྱེད།
༼༡༠༽ ད་སྒང་གི་ལས་གཞི་དག་ནི་འདྲ་བཤུས་ཙམ་རེད། མི་བུ་དག་ནི་ཟོག་བཟོས་རང་ཞིག་ཡིན་གསལ། མཐོ་སའི་འཁྱོང་མེད་དུ་ལུས་པའི་བྱ་བ་དག། ལར་ནས་ཁོ་ཚོ་དང་འབྲེལ་བ་གང་ཡང་མེད་རེད། གོང་གི་མུག་སྐྱོང་གསབ་དངུལ་དག་ཀྱང་། ཕྱེད་ནས་ཕྱེད་དང་། ཡང་ཕྱེད་ཕྱེད་དུ་ཚལ་མཐར། ད་གདོད་སྒོང་ལེབ་འཚིག་ཏོ་རེ་ནི་ལོན་པར་བྱེད།
༼༡༡༽ མི་ཚོགས་ལས་གྲོལ་བའི་གཞི་ཀ་ཞིག་ལ་ལོག་འགྲོ་ཐུབ་ན། ངས་དེར་ཁེར་རྐྱང་འདོགས་སྲིད་དཔེ། ཡིན་ཡང་དེ་ནི་ཁེར་རྐྱང་མ་རེད། ཁེར་རྐྱང་ལ་གཏན་གཞིས་མི་དགོས། ཁྲེལ་དང་ནང་རྫོངས་ཀྱིས་སྙོར་ཆོག འཇིགས་པ་མེད་པར་གཏན་དུ་འཁྱམ་ཡང་ངེས། མི་ཚུགས་ཐུབ་ཅན་ཞིག་གི་ཐོད་པའི་ཨ་དང་གསལ་བའི་ཨོ་ཡང་ཡིན་པར་སྲིད།
༼༡༢༽ གནས་སྟངས་ཤིན་ཏུ་སྐྱོ་ཡང་རུང་། རྒྱང་དུ་བཀྱིས་ནས་ལམ་ཞུགས་གནང་ཡང་སྲིད། བར་ལམ་ཞིག་ནས་བཟའ་འཚོལ་གྱི་བརྗོད་གཞི་འཐེན་ཡང་དཔེ། རང་གི་བསོད་ནམས་མངའ་བའི་བུ་མོ་ཞིག་ལ་འཕྲད་ཀྱང་རུང་། དེ་ཡི་བརྩེ་དུང་གཡུ་རིན་དུ་ཉར་ནས་སླར་བགྲོད་ཡང་སྲིད། དེ་བཞིན་མ་འོངས་པ་ནི་ངེས་གཏན་མེད་པའི་ལམ་ཞིག་ཡིན་པ།
༼༡༣༽ དོ་དགོང་ངས་རང་ཉིད་ལ་ཆུ་ཁོལ་ཕོར་གང་ལྡུག་བཞིན་ནང་སེམས་ལ་སྐད་ཆ་འགའ་ལབ་པ་ཡིན། རང་ཉིད་ཀྱི་མནོ་བསམ་རེ་རེས་དྲུད་འོང་བའི་ཡིག་འབྲུ་འདི་ཚོ། གོང་གསབ་གཏན་ནས་མི་ཡོང་བའི་གཟི་རིན་འདྲ་ཞིག་ཡོད་སྙིང་ཤར། སྤྱིར་ཡང་སྐད་ཆ་ཇེ་ཉུང་རེད། ཐམས་ཅད་ཀྱི་རྨོངས་པ་ཇེ་སྟུག་རེད། གླལ་རྨྱང་ཇེ་མང་རེད། ལུས་ཁམས་ཇེ་ཉོབ་རེད། བྱས་ན། ངས་དཔེ་ཆ་རེ་བསློག་ནས་སེམས་ནང་འདུ་འཛི་སློང་བར་འདོད།
༢༠༢༢ • ༧• ༡
༧ཚད་མ་རྣམ་འགྲེལ་གྱི་རྣམ་བཤད་ཐར་ལམ་གསལ་བྱེད་ལས།དེབ་གྲངས།<༢༡༦>དེས་ན་ཚོགས་བརྗོད་ཀྱི་སྒྲ་དང་རིགས་བརྗོད་ཀྱི་སྒྲ་ལ་མུ་བཞི་ཡོད་དེ། དང་པོ་ཡིན་ལ་ཕྱི་མ་མ་ཡིན་པ་ནི། འབིགས་བྱེད་ཅེས་བརྗོད་པ་ལྟ་བུའོ།།ཕྱི་མ་ཡིན་ལ་དང་པོ་མ་ཡིན་པ་ནི། གཟུགས་ཞེས་བརྗོད་པ་ལྟ་བུ། གཉིས་ཀ་ཡིན་པ་ནི། བུམ་པ་ཞེས་བརྗོད་པ་ལྟ་བུ། གཉིས་ཀ་མ་ཡིན་པ་ནི། དེ་དག་ལས་མ་གཏོགས་པ་རྣམས་སོ།། ཞེས་གསུངས་པའི་ཕྱིར།
༧ ཚད་མ་རྣམ་འགྲེལ་གྱི་དཀའ་འགྲེལ་དགོངས་པ་རབ་གསལ་ལས།དེབ་གྲངས།<༢༧༢> རང་ལུགས་ནི། རང་གི་ཐུན་མོང་མ་ཡིན་པའི་དངོས་མིང་དུ་འཇུག་པའི་གཞི་ཡང་ཡིན། རིགས་སྤྱི་ཡང་ཡིན་པའི་གཞི་མཐུན་སྲིད་པའི་མཉན་བྱ་དེ། རིགས་བརྗོད་ཀྱི་སྒྲའི་མཚད་ཉིད། དེ་ཡང་ཡིན་ཚོགས་སྤྱི་ཡང་ཡིན་པའི་གཞི་མཐུན་སྲིད་པའི་མཉན་བྱ་དེ། ཚོགས་བརྗོད་ཀྱི་སྒྲའི་མཚན་ཉིད། དེ་གཉིས་ཀྱི་སྒྲ་ལ་མུ་བཞི་སྟེ། གཉིས་ཀ་ཡིན་པ་ནི། བུམ་པ་ཞེས་པའི་སྒྲ་ལྟ་བུ། གཉིས་ཀ་མ་ཡིན་པ་ནི། ཤར་གྱི་རྡུལ་ཕྲན་དང་། ནུབ་ཀྱི་རྡུལ་ཕྲན་གཉིས་ཅེས་བརྗོད་པའི་སྒྲ་ལྟ་བུའོ།། དང་པོ་ཡིན་ལ་ཕྱི་མ་མ་ཡིན་པ་ནི། གཟུགས་ཅེས་བརྗོད་པའི་སྒྲ་ལྟ་བུ། ཕྱི་མ་ཡིན་ལ་སྔ་མ་མ་ཡིན་པ་ནི། ཀ་བུམ་གཉིས་ཅེས་བརྗོད་པའི་སྒྲ་ལྟ་བུ།ཁ་ཅིག རི་བོ་འབིགས་བྱེད་ཅེས་བརྗོད་པ་ལྟ་བུ་ཞེས་ཟེར་བ་མི་འཐད་དེ། རི་བོ་འབིགས་བྱེད་རིགས་སྤྱི་ཡིན་པའི་ཕྱིར་ཏེ། དེའི་བྱེ་བྲག་ཡོད་པའི་ཕྱིར་ཏེ། ཤར་ཕྱོགས་ཀྱི་རི་བོ་འབིགས་བྱེད་དེའི་བྱེ་བྲག་ཡིན་པའི་ཕྱིར། ཞེས་གསུངས་པའི་ཕྱིར། ཚད་མ་རིགས་རྒྱན་ལས། དེབ་གྲངས། <༤༦༣>ཚོགས་བརྗོད་ཡིན་ལ་རིགས་བརྗོད་མ་ཡིན་པ་ནི། རི་བོ་གངས་ཅན་དང་འབིགས་བྱེད་ཅེས་པ་ལྟ་བུ་སྟེ། དེ་གཉིས་རགས་པ་ཡིན་ཞིང་། དེ་གཉིས་ཀྱི་བྱེ་བྲག་མ་གྲུབ་པའི་ཕྱིར་རོ།།ཞེས་གསུངས་སོ། ། ༢༠༢༢/༦/༢༩
༧ ཚད་མ་རྣམ་འགྲེལ་གྱི་དཀའ་འགྲེལ་དགོངས་པ་རབ་གསལ་ལས།དེབ་གྲངས།<༢༧༢> རང་ལུགས་ནི། རང་གི་ཐུན་མོང་མ་ཡིན་པའི་དངོས་མིང་དུ་འཇུག་པའི་གཞི་ཡང་ཡིན། རིགས་སྤྱི་ཡང་ཡིན་པའི་གཞི་མཐུན་སྲིད་པའི་མཉན་བྱ་དེ། རིགས་བརྗོད་ཀྱི་སྒྲའི་མཚད་ཉིད། དེ་ཡང་ཡིན་ཚོགས་སྤྱི་ཡང་ཡིན་པའི་གཞི་མཐུན་སྲིད་པའི་མཉན་བྱ་དེ། ཚོགས་བརྗོད་ཀྱི་སྒྲའི་མཚན་ཉིད། དེ་གཉིས་ཀྱི་སྒྲ་ལ་མུ་བཞི་སྟེ། གཉིས་ཀ་ཡིན་པ་ནི། བུམ་པ་ཞེས་པའི་སྒྲ་ལྟ་བུ། གཉིས་ཀ་མ་ཡིན་པ་ནི། ཤར་གྱི་རྡུལ་ཕྲན་དང་། ནུབ་ཀྱི་རྡུལ་ཕྲན་གཉིས་ཅེས་བརྗོད་པའི་སྒྲ་ལྟ་བུའོ།། དང་པོ་ཡིན་ལ་ཕྱི་མ་མ་ཡིན་པ་ནི། གཟུགས་ཅེས་བརྗོད་པའི་སྒྲ་ལྟ་བུ། ཕྱི་མ་ཡིན་ལ་སྔ་མ་མ་ཡིན་པ་ནི། ཀ་བུམ་གཉིས་ཅེས་བརྗོད་པའི་སྒྲ་ལྟ་བུ།ཁ་ཅིག རི་བོ་འབིགས་བྱེད་ཅེས་བརྗོད་པ་ལྟ་བུ་ཞེས་ཟེར་བ་མི་འཐད་དེ། རི་བོ་འབིགས་བྱེད་རིགས་སྤྱི་ཡིན་པའི་ཕྱིར་ཏེ། དེའི་བྱེ་བྲག་ཡོད་པའི་ཕྱིར་ཏེ། ཤར་ཕྱོགས་ཀྱི་རི་བོ་འབིགས་བྱེད་དེའི་བྱེ་བྲག་ཡིན་པའི་ཕྱིར། ཞེས་གསུངས་པའི་ཕྱིར། ཚད་མ་རིགས་རྒྱན་ལས། དེབ་གྲངས། <༤༦༣>ཚོགས་བརྗོད་ཡིན་ལ་རིགས་བརྗོད་མ་ཡིན་པ་ནི། རི་བོ་གངས་ཅན་དང་འབིགས་བྱེད་ཅེས་པ་ལྟ་བུ་སྟེ། དེ་གཉིས་རགས་པ་ཡིན་ཞིང་། དེ་གཉིས་ཀྱི་བྱེ་བྲག་མ་གྲུབ་པའི་ཕྱིར་རོ།།ཞེས་གསུངས་སོ། ། ༢༠༢༢/༦/༢༩
ཚིག་གི་གཙང་བོ།
•
འཆི་བ་ཙམ་གྱི་ཁ་སྟབས་ལ
ངས་སྙན་ངག་བསླང་དགོས་བྱུང
སུན་སྣང་དེ་དག་གི་ངོ་གདོང་དུ
ངས་རང་ལ་གཅེས་མིང་ཞིག་བཟོས
དེར་སུ་ཞིག་གིས་འབོད་པར་རེ་སྨོན་བྱེད་ཀྱིིན
རྒྱ་མཚོ་དང་སྤྲིན་པའི་ཕར་རྒྱབ་ཀྱི་མཛེས་པར་བལྟས
གླུ་སྐད་དེ་དག་ཟད་མཐར
མཐའ་མཇུག་ལྟ་བུའི་གཞིས་ཁྱིམ་དུ
ཅི་ཞིག་འབྲི་དགོས་པ་དྲན་པས་མ་ཟིན
ཁྱོད་སྒྲ་འདི་དག
འདི་དག་ཁྱོད་ཀྱི་ལག་ཟུང་དུ་བཏབས
འཇམ་མཉེན་གྱི་ནམ་མཁས་ཨ་ལན་མེད་ན་ཡང
རང་ཉིད་ཞུ་བྱེད་ཀྱི་རྒྱ་མཚོར་བཅོས་ཏེ
ཁྱོད་ཀྱི་སྡུག་བསྔལ་སེལ་ཐབས་ཀྱི་མིག་ཆུ་བྱེད་པར་ཞེ་ཐག་བཅད
༢༢/༦/༡༣
•
འཆི་བ་ཙམ་གྱི་ཁ་སྟབས་ལ
ངས་སྙན་ངག་བསླང་དགོས་བྱུང
སུན་སྣང་དེ་དག་གི་ངོ་གདོང་དུ
ངས་རང་ལ་གཅེས་མིང་ཞིག་བཟོས
དེར་སུ་ཞིག་གིས་འབོད་པར་རེ་སྨོན་བྱེད་ཀྱིིན
རྒྱ་མཚོ་དང་སྤྲིན་པའི་ཕར་རྒྱབ་ཀྱི་མཛེས་པར་བལྟས
གླུ་སྐད་དེ་དག་ཟད་མཐར
མཐའ་མཇུག་ལྟ་བུའི་གཞིས་ཁྱིམ་དུ
ཅི་ཞིག་འབྲི་དགོས་པ་དྲན་པས་མ་ཟིན
ཁྱོད་སྒྲ་འདི་དག
འདི་དག་ཁྱོད་ཀྱི་ལག་ཟུང་དུ་བཏབས
འཇམ་མཉེན་གྱི་ནམ་མཁས་ཨ་ལན་མེད་ན་ཡང
རང་ཉིད་ཞུ་བྱེད་ཀྱི་རྒྱ་མཚོར་བཅོས་ཏེ
ཁྱོད་ཀྱི་སྡུག་བསྔལ་སེལ་ཐབས་ཀྱི་མིག་ཆུ་བྱེད་པར་ཞེ་ཐག་བཅད
༢༢/༦/༡༣
✋热门推荐