མདོ་རྒྱུད་གཙུག་ལག་དཀའ་བའི་གནད་ཀུན་ལ།།
རྒྱ་ཆེན་གཞུང་ལ་གོམས་པའི་བློ་མེད་ཀྱང་།།
སྟོན་དང་བསྟན་པར་ཡིད་ཆེས་མི་སླུ་བའི།།
དད་སེམས་གཙང་མ་མཚོན་པའི་འབྲས་རྟགས་སོ།།

༢༡༤༧ ༤ ༡༥དུས་ཚེས་བཟང་པོ་ལ་བཏབ། https://t.cn/R2Wx150

ཉིན་འདི་དག་ལ་ཨ་རིའི་སྐོར་གྱི་གསར་འགྱུར་ལ་བལྟ་རྒྱུ་ཅུང་མང་དྲགས་པས་ཡིན་སྲིད། ༢༠༡༩ལོའི་肤色ཟེར་བའི་གློག་བརྙན་ཐུང་གྲས་དེར་དབུགས་ཐེངས་གཅིག་གིས་ལན་གསུམ་ལ་བལྟས་པ་དེ་དྲན་པར་བྱས་སོང་། ང་ཚོས་གློག་བརྙན་ལ་བལྟས་པའི་ཁ་གྲངས་བརྩི་བ་དང་སྒྱུ་རྩལ་གྱི་མཚོན་ཐབས་རྐྱང་བ་གླེང་བ་ལས་དེའི་བརྗོད་སྙིང་དང་རང་གི་གནས་བབས་དང་འབྲེལ་བའི་བསམ་བློའི་མཚོན་སྟངས་ཐད་ལའང་བསམ་བློ་མང་ཙམ་གཏོང་ཐུབ་ན་སྙམ་པའི་ཚོར་བ་ཉི་ཚེ་བ་ཞིག་བྱུང་བ་དེའང་དྲན་བྱུང་། གློག་བརྙན་ནི་གློག་བརྙན་གྱི་ལམ་ནས་རོལ་མྱོང་བྱེད་རྒྱུ་དེ་ཡང་ཧ་ཅང་གལ་ཆེ་བར་སེམས།

མཛེས་པ་སྟོང་ལ་གཞལ་ཡང་རིན་བྲལ་བའི།།
ཕ་ཡུལ་ལྗོན་པའི་མེ་ཏོག་བཀྲ་བ་ལ།།
མ་བཅོས་ལྷུན་ཆགས་མངོན་པའི་རི་བོ་ཆེ།།
སུས་ཀྱང་བདག་ཏུ་མ་བཟུང་ཆོས་ཉིད་དོ།།

གཡས་གཡོན་མེ་ཏོག་སྣ་བརྒྱའི་དྲི་བསུང་ཉིད།།
དྲི་བཞོན་བུ་མོས་དལ་བུར་བསྐྱོད་པ་ན།།
ལུས་ལ་ཁྱབ་པའི་དགའ་བདེའི་ཚོར་བ་ཉིད།།
སུས་ཀྱང་བདག་ཏུ་མ་བཟུང་ཀུན་ལ་ཁྱབ།།

སྨུག་སྤྲིན་རྐེད་ནས་སྤྲས་ཤིང་ལྷ་ཡུལ་འདྲ།།
བྱ་ཚོགས་སྐད་སྙན་སྒྲོག་པའི་དག་ཞིང་འདྲ།།
ཕ་ཡུལ་སྒང་བ་བོད་ཀྱི་ལུང་པ་འདི།།
ངོ་མཚར་ཆེ་ཞིང་མཛེས་ཤིང་ལྟ་ན་སྡུག།

ལྷད་མེད་དྭངས་ཤིང་གཙང་བའི་རང་བྱུང་ཉིད།།
ལན་རེར་ལོངས་སུ་སྤྱོད་ན་སྐྱིད་པ་ལ།།
སེམས་ཀྱི་དེ་ཉིད་རྟོགས་པའི་གྲོགས་སུ་ཡང་།།
མི་འགྱུར་སྙམ་པའི་སྤོབས་པ་སུ་ལ་གདའ།།

༢༡༤༦/༤/༨

☕️[太阳] https://t.cn/R2Wx1ZH