#法王如意宝[超话]#
日背一偈：133
ཚོམས་ལས།སྡིག་པ་ཆུང་ངུ་བྱས་གྱུར་ཀྱང་།།འཇིག་རྟེན་ཕ་རོལ་སྡུག་བསྔལ་ཐོབ།།བསོད་ནམས་ཆུང་ངུ་བྱས་གྱུར་ཀྱང་།།འཇིག་རྟེན་ཕ་རོལ་བདེ་བ་ཐོབ།།ཞེས་གསུངས།
《因缘品》：
虽造微小罪，来世受痛苦，虽积微小福，来世得安乐。

ཉི་མ་འགྲོ་ཐུབ་ཀྱི་ཁ་རྩོམ།

ལ་ལ་རྒྱུ་དང་འབྱོར་བའི་བྲན་དུ་བཀུག །
ལ་ལ་ཁ་ཡག་ངོ་དགའི་གཏམ་གྱིས་བཟི།།
ལ་ལ་སྙན་དང་གྲགས་པའི་ཆེད་དུ་གསོན།།
འོ་སྐོལ་ཕལ་བ་འཚོལ་བའི་གནས་ལ་དགའ།།

འགའ་ཞིག་དངུལ་ཙམ་མཐོང་ལ་གཤིས་ཡང་བོར།།
འགའ་ཞིག་གཡོ་ཟོལ་བསྟན་ན་ཞེ་རྩ་གཏོད།།
འགའ་ཞིག་འུད་ལབ་རྒྱབ་ན་སུག་རྗེས་བསྙེག།།
འོ་སྐོལ་རྣམ་དག་སེམས་པའི་གཏམ་ལ་དགའ།།

ཕལ་ཆེར་ཕྱི་ཚུལ་བཟང་བོར་བཅས་ལ་དགའ།།
ཕལ་ཆེར་བསླད་མའི་ངག་སྒྲོས་མོལ་ལ་དགའ།།
ཕལ་ཆེར་གཞན་ལ་རྫིག་མདོག་སྟོན་ལ་དགའ།།
འོ་སྐོལ་གཉུག་མའི་གཤིས་ལ་ལྷག་ཏུ་དུངས།།

ལ་ལ་མེད་ཀྱང་ཡོད་མདོག་སྟོན་ལ་དགའ།།
ལ་ལ་ཡོད་ཀྱང་མེད་མུག་འདོན་ལ་དགའ།།
ལ་ལ་བླུན་ཡག་མཁས་མདོག་མངོན་ལ་དགའ།།
འོ་སྐོལ་ཕྱི་ནང་གཉིས་ཀ་མཐུན་པར་དགའ།།

འགའ་ཞིག་རྣམ་གཡེང་མི་ཚེ་གཏོང་ལ་བྲེལ།།
འགའ་ཞིག་རང་རློམ་མི་ཚེ་འཇོམས་ལ་ཉེ།།
འགའ་ཞིག་ཆོས་བརྒྱད་གཞན་མགོ་སྐོར་ལ་བྱང་།།
འོ་སྐོལ་མི་ཚེ་རིག་གནས་བསྟིམ་ལ་གུས།།

ཕལ་ཆེས་རང་ལྟར་འགལ་ཚེ་སྐྱོན་དུ་བརྩི།།
ཕལ་ཆེས་གཞན་ཟེར་འབའ་ཞིག་བསྐྱར་བཟློས་བྱེད།།
ཕལ་ཆེས་དགག་བཞག་གཞན་སྐྱོན་འཚོལ་ལ་རེམ།།
འོ་སྐོལ་འགན་འཁུར་ཡོད་པའི་གསུང་ལ་སྤྲོ།།

སྐབས་རེར་སེམས་པ་བསྟན་ན་གདོན་དུ་བརྩི།།
ལན་རེར་སྙིང་ནས་གཅེས་ན་མགོ་བོ་སྐོར།།
མཚམས་རེར་ཡོད་ཚད་བཏང་ཡང་གཡོ་རུ་འཁྲུལ།།
འོ་སྐོལ་མི་སེམས་ཤེས་པའི་གྲོགས་ལ་དགའ།།

ལ་ལ་རང་མི་ཁྱད་གསོད་བྱེད་ལ་མཁས།།
འགའ་ཞིག་ལྐོག་ནས་བླ་བཙགས་བྱེད་ལ་མོས།།
ཕལ་ཆེར་གཡོ་འཕྲུལ་གདོང་མདོག་གཉིས་རེ་ཅན།།
འོ་སྐོལ་གང་དྲན་སྲོང་བོར་བརྗོད་ལ་དགའ།།

འགའ་ཞིག་ལོབས་ཀྱིན་ལོབས་ཀྱིན་མདོག་རེ་སྟོན།།
ལ་ལ་འགྲོགས་ཀྱིན་འགྲོགས་ཀྱིན་རྟགས་རེ་སྟོན།།
ཕལ་ཆེར་འདྲིས་ཀྱིན་འདྲིས་ཀྱིན་ཇེ་བཙོག་ཡིན།།
འོ་སྐོལ་ཕྱི་ནང་རྒྱུས་ཡོད་གྲོགས་ལ་དགའ།།

སྲོད་ལ་ཆར་བབས་སྲོད་ལ་འཁྱག་རླུང་ལྡང་།།
མེ་ཏོག་མགོ་དུད་གླིང་བར་ཆུ་ཕྲན་བཤག།
སྐྱོ་བ་ཆེ་བའི་མི་ཚེའི་དབྱར་མཇུག་ལ།།
དྲན་གདུང་མིག་ཆུ་གཏོང་རོགས་ག་ཚོད་ཡོད།།