ཕྱོགས་རིས་ཆགས་སྡང་ཅན་གྱི་ཉེ་སར་མི་བཅར།།
ལུགས་གཉིས་ཕུང་སྦྱོར་མཁན་དང་མཉམ་འགྲོགས་མི་བྱེད།།
འུར་ཟིང་གཡམ་རྒྱུག་བྱ་བའི་རྗེས་སུ་མི་འབྲང་།།
རེ་བའི་འདུན་མ་དཀོན་མཆོག་ལྷ་ལ་བཅོལ་བཞིན།།
འཕྲལ་བྱུང་རིམས་ནད་འགོག་པའི་གསང་སྔགས་རིགས་དག།
གསང་གསུམ་རྡོར་བཟླས་ཟབ་མོའི་ཉམས་ལེན་བྱེད་ཀྱིན།།
དྲིན་ཆེན་ཨ་མ་བགྲེས་མོའི་ཉེ་གམ་འདི་རུ།།
རེ་ཞིག་བག་ཡངས་འཚོ་བའི་གནས་ལ་སྨོན་ནོ།།
གུ་རུ་ཉི་མས། 2022 8 18

ལས་དབང་རེད། ལས་དབང་རེད། ཚུར་གཟིགས་དང་།
འགྱུར་མེད་པ་ང་ཡི་སེམས། སེམས།
བསྐོས་བཞག་རེད། བསྐོས་བཞག་རེད། ཚུར་གསན་དང་།
ལྷད་མེད་པ་ང་ཡི་སེམས། སེམས།
你是你啊，你非你，我们都是自己。。。

བཙུན་མ་ཞིག་གི་ལྷག་བསམ་དང་གཏོང་ཕོད།

བཙུན་མ་ཞིག་གིས་བོད་ལྗོངས་ཀྱི་གཞིས་ཀ་རྩེ་དང་། མངའ་རིས་སོགས་སུ་རིམས་ནད་སྔོན་འགོག་ལ་རོགས་སྐྱོར་བྱས་པ།

དཔལ་ཡུལ་རྫོང་ཨ་འཛོམ་དགོན་པའི་བཙུན་མ་ཤེས་རབ་ཆོས་མཚོ་ལགས་ཀྱིས་བོད་ལྗོངས་ལྷ་ས་གྲོང་ཁྱེར་དང་གཞིས་ཀ་རྩེ། མངའ་རིས་སོགས་ཏོག་དབྱིབས་ནད་དུག་མཆེད་བཞིན་པའི་ས་གནས་ཁག་ལ་དམངས་སྒོར་འབུམ་གཉིས་དང་ཁྲི་ལྔའི་250000རོགས་སྐྱོར་གནང་འདུག

བཙུན་མ་ཤེས་རབ་ཆོས་མཚོ་ལགས་ཀྱིས་གསུང་རྒྱུར། ད་རེས་སེམས་ཀྱི་དག་ཞིང་ཉི་མ་ལྷ་སའི་གྲོང་ཁྱེར་དང་། མངའ་རིས། གཞིས་ཀ་རྩེ་སོགས་སུ་ཏོག་དབྱིབས་ནད་དུག་དངོས་སུ་སླེབ་འདུག་པས། སེམས་ཕམ་དང་། སྐྱོ་གདུང་ལྷག་པར་ཆེ་བར་བྱུང་། ལྷ་ས་གྲོང་ཁྱེར་འདི་རུ་ཆ་མཚོན་ན་བོད་རིགས་ཀྱི་གཙོས་མི་ཡི་གྲངས་འབོར་ཧ་ཅང་མང་སྟབས། མང་ཚོགས་དང་སྨན་པ། ལས་བྱེད་པ་སོགས་ལ་ཧ་ཅང་དཀའ་ངལ་ཆེ་བར་འདུག་ལ། དེ་ལས་ཀྱང་བོད་ལྗོངས་ཀྱི་མཐའ་མཚམས་ས་ཁུལ་གཞན་མངའ་རིས་དང་གཞིས་ཀ་རྩེ་སོགས་སུ་ཆ་རྐྱེན་ཞན་པ་དང་ལམ་ཐག་རིང་བ་སོགས་དཀའ་ངལ་ཆེ་བས། ངས་ཁ་ཐུམ་དང་ཉིང་སྐྱུར་བརྟག་ཆས། དུག་སེལ་ཆང་། སྨན་པའི་ལྭ་བ་སོགས་ཉོས་ཏེ་རོགས་བྱས་ན་ཕན་ཐོགས་ཆེན་པོ་འདུག་ཀྱང་། རྒྱ་ཡུལ་ནས་ཡོ་བྱད་དེ་དག་ཉོས་ཏེ་བསྐུར་ཡོང་ན་ཡུན་རིང་འགོར་སྟབས་དུས་ཐོག་གནད་ཁེལ་རོགས་སྐྱོར་དུ་འགྱུར་དཀའ་བས་འབྲེལ་ཡོད་སྲིད་གཞུང་དང་འབྲེལ་བ་ཞུས་ནས་དམངས་སྒོར་ཉིས་འབུམ་ལྔ་ཁྲི250000་དངོས་སུ་ཕུལ་བ་ཡིན། འདི་ནི་ཚང་མ་དཀའ་ངལ་ལ་ཕྲད་པའི་སྐབས་སུ་ང་རང་གི་བསམ་པ་མཚོན་བྱེད་ཙམ་ཡིན་པ་ལས་གཞན་པའི་དམིགས་ཡུལ་གང་ཡང་མེད་ཅེས་བཤད་དོ། སྔོན་དཀར་མཛེས་རྟའུ་རྫོང་ཏོག་དབྱིབས་ནད་མཆེད་པའི་སྐབས་སུའང་། ཁོ་མོས་དམངས་སྒོར་སུམ་འབུམ་ལྔ་ཁྲིའི་350000རོགས་སྐྱོར་གནང་བ་རེད།

བཙུན་མ་ཤེས་རབ་ཆོས་མཚོ་བཞིན་བོད་ཀྱི་བུད་མེད་ཚོའི་སྤོབས་པ་དང་འཇོན་ཐང་གོང་དུ་འཕེལ་བར་ཤོག