【ཡུན་ནན་ཞིང་ཆེན་གྱིས་བྱེད་ཐབས23གཏན་འབེབས་བྱས་ཏེ་སྐྱེ་དངོས་སྣ་མང་རང་བཞིན་ལ་སྲུང་སྐྱོབ་བྱས་པ།】ཉེ་ལམ། ཡུན་ནན་ཞིང་ཆེན་སྐྱེ་ཁམས་ཁོར་ཡུག་ཐིང་སོགས་སྡེ་ཁག3གྱིས་མཉམ་འབྲེལ་སྒོས་གསར་འགྱུར་ཁྱབ་བསྒྲགས་ཚོགས་འདུ་བསྡུས་ཏེ། ཡུན་ནན་ཞིང་ཆེན་གྱིས་ཉེ་ལམ་དཔར་འགྲེམ་བྱས་པའི《སྐྱེ་དངོས་སྣ་མང་རང་བཞིན་གྱི་སྲུང་སྐྱོབ་ལ་སྔར་ལས་ལྷག་པར་ཤུགས་སྣོན་པའི་སྐོར་གྱི་ལག་བསྟར་བསམ་འཆར》འགྲེལ་བཤད་བྱས། གསར་འགོད་པས་ཚོགས་ཐོག་ནས་རྒྱུས་ལོན་པ་ལྟར་ན། ཡུན་ནན་ཞིང་ཆེན་གྱིས་ཕྱོགས9ནས་བྱ་བའི་བྱེད་ཐབས23དང་བྱེ་བྲག་གི་ལས་འགན92གཏན་འབེབས་བྱས་ཏེ། སྐྱེ་དངོས་སྣ་མང་རང་བཞིན་གྱི་སྲུང་སྐྱོབ་བྱ་བར་ཤུགས་སྣོན་རྒྱུ་རེད།

2025ལོར་བསླེབ་སྐབས་ཡུན་ནན་གྱིས་ཞིང་ཆེན་ཡོངས་ཀྱི་སྐྱེ་དངོས་སྣ་མང་རང་བཞིན་ལ་ལྟ་ཞིབ་ཚད་ལེན་བྱེད་པའི་དྲ་རྒྱ་དང་བལྟོས་བཅས་ཀྱིས་བརྟན་བརླིང་ཡིན་པའི་སྐྱེ་དངོས་སྣ་མང་རང་བཞིན་ལ་སྲུང་སྐྱོང་བྱེད་པའི་བར་མཐོངས་ཀྱི་རྣམ་པ་ཞིག་བསྐྲུན་ནས། སྐྱེ་དངོས་སྣ་མང་རང་བཞིན་ལ་སྲུང་སྐྱོང་བྱེད་པའི་འབྲེལ་ཡོད་སྲིད་ཇུས་དང་ཁྲིམས་སྲོལ། ལམ་ལུགས། ཚད་གཞི། ལྟ་ཞིབ་ཚད་ལེན་བཅས་ཀྱི་མ་ལག་ཅིག་གཞི་རྩའི་ཆ་ནས་བསྐྲུན་རྒྱུ་རེད། 2035ལོར་བསླེབ་སྐབས་སྐྱེ་དངོས་སྣ་མང་རང་བཞིན་སྲུང་སྐྱོང་གི་སྲིད་ཇུས་དང་ཁྲིམས་སྲོལ། ལམ་ལུགས། ཚད་གཞི། ལྟ་ཞིབ་ཚད་ལེན་མ་ལག་བཅས་ཕྱོགས་ཡོངས་ནས་འཐུས་ཚང་དུ་བཏང་སྟེ། གཅིག་གྱུར་དང་གོ་རིམ་ལྡན་པའི་སྐྱེ་དངོས་སྣ་མང་རང་བཞིན་སྲུང་སྐྱོང་གི་བར་མཐོངས་རྣམ་པ་ཞིག་ཆགས་སུ་འཇུག་རྒྱུ་རེད།

ཡུན་ནན་ཞིང་ཆེན་གྱིས་སྐྱེ་དངོས་སྣ་མང་རང་བཞིན་སྲུང་སྐྱོང་གི་སྲིད་ཇུས་ཁྲིམས་སྲོལ་མགྱོགས་མྱུར་ངང་འཐུས་ཚང་དུ་གཏོང་བ་དང་། སྐྱེ་དངོས་སྣ་མང་རང་བཞིན་སྲུང་སྐྱོང་གི་བར་མཐོངས་རྣམ་པ་རྒྱུན་མཐུད་ངང་ཇེ་ལེགས་སུ་གཏོང་བ། ཆ་ཚང་བའི་སྐྱེ་དངོས་སྣ་མང་རང་བཞིན་སྲུང་སྐྱོང་གི་ལྟ་ཞིབ་ཚད་ལེན་མ་ལག་འཛུགས་པ་སོགས་ཕྱོགས9ཡི་ཐད་ནས་སྐྱེ་དངོས་སྣ་མང་རང་བཞིན་ལ་སྲུང་སྐྱོང་བྱེད་ཤུགས་ཆེ་རུ་གཏོང་རྒྱུ་ཡིན་པ་རེད། ངོ་སྤྲོད་བྱས་པ་ལྟར་ན། ཡུན་ནན་གྱིས་ཨེ་ཤེ་ཡའི་གླང་ཆེན་དང་། སེམས་ཀྱི་ཉི་ཟླ། ཀའོ་ལི་ཀུང་ཧྲན་བཅས་རྒྱལ་ཁབ་སྤྱི་གླིང་བསྐྲུན་པར་སྐུལ་འདེད་གཏོང་རྒྱུ་རེད། གཞན་ཡང་། ཡུན་ནན་གྱིས་ད་དུང་སྲུང་སྐྱོང་ཁུལ་བསྡུ་སྒྲིལ་ལེགས་བཅོས་ལ་མགྱོགས་མྱུར་ངང་སྐུལ་འདེད་བཏང་ནས། བཅའ་ཁྲིམས་དང་ཁྲིམས་སྲོལ་སོགས་དུས་ཐོག་ཏུ་བཟོ་བཅོས་བྱ་རྒྱུ་ཡིན་པ་རེད། །

ཨ་རབ་ས་ཁུལ་གྱི་དྲོད་ཚད73℃ལ་སླེབས་ཤིང་། ཨ་མེ་རི་ཀ་རྒྱལ་ཁོངས་ཀྱི་དྲོད་ཚད50℃འཕར་ནས་མི600ལྷག་ཚ་བས་བཀུམས་ཟེར། བྱང་སྣེའི་འཁྱག་རོམ་ཞུ་ཞིང་གང་སར་ནད་ཡམས་སྡང་། ཡུལ་ལུང་ཀུན་ཏུ་སད་སེར་རྒོད། སྟོད་སྨད་ཡོངས་སུ་ཆུ་ལོག་རྒྱུག ས་ཁུལ་དབར་རྩོད་ཉོག་འཕེལ། དཔལ་འབྱོར་ཉམས་རྒུད་ཚབ་ཆེན་འགྲོ་བཞིན་པ་སོགས་ལྟས་ངན་བརྒྱད་ཅུ་དུས་གཅིག་ལ་མངོན་པར་ཤར་བའི་ལོ་འདི་ཚོ་ནི་འཕེལ་རྒྱས་ཀྱི་གོ་རིམ་ཁྲོད་མིའི་རིགས་ཀྱིས་ངེས་པར་དུ་གདོང་ལེན་དགོས་པའི་ཚོད་བགམ་ཞིག་ཡིན་ནམ། ལོ་འདི་ཚོའི་སྣང་ཚུལ་ནི་དངོས་གནས་བློས་མི་དཔོག་པ་ཞིག་རེད།

【2022ལོའི་རྒྱལ་ཡོངས་ཀྱི་ཞིང་ལས་ལྗང་མདོག་འཕེལ་རྒྱས་ཀྱི་མཐོ་རིམ་གླེང་སྟེགས་བསྡུས་པ།】ཚེས15ཉིན“བྱ་ཐབས་སྒྱུར་བ་དང་སྤུས་ཚད་ཇེ་མཐོར་གཏོང་བ། ཟོང་རྟགས་བསྐྲུན་པ་དང་ཐོན་ལས་ལ་སྐུལ་འདེད་གཏོང་བ”བཅས་བརྗོད་དོན་གཙོ་བོར་བྱས་པའི“2022ལོའི་རྒྱལ་ཡོངས་ཀྱི་ཞིང་ལས་ལྗང་མདོག་འཕེལ་རྒྱས་ཀྱི་མཐོ་རིམ་གླེང་སྟེགས་དང་པའོ་ཐོའུ་ཡི་སྔོ་ཚལ་ཐོན་ལས་ཚོགས་ཆེན་སྐབས་དང་པོ”ནང་སོག་རང་སྐྱོང་ལྗོངས་ཀྱི་པའོ་ཐོའུ་གྲོང་ཁྱེར་དུ་འཚོགས་ཤིང་། ཐེངས་འདིའི་གླེང་སྟེགས་ནི་ཀྲུང་གོ་ཟས་རིགས་ལྗང་མདོག་མཐུན་ཚོགས་དང་ནང་སོག་རང་སྐྱོང་ལྗོངས་ཞིང་ཕྱུགས་ཐིང་། པའོ་ཐོའུ་གྲོང་ཁྱེར་སྲིད་གཞུང་བཅས་ཀྱིས་མཉམ་དུ་གཙོ་གཉེར་བྱས་པ་རེད།

ཐེངས་འདིའི་གླེང་སྟེགས་ཀྱིས་ཡུལ་དངོས་དང་དྲ་ཐོག་གི་རྣམ་པ་སྤྱད་དེ་འབྲེལ་ཡོད་ཞིང་ལས་གཙོ་གཉེར་སྡེ་ཚན་དང་། འབྲེལ་ཡོད་ཆེད་མཁས་པ། ཞིང་འབྲེལ་ཁེ་ལས་ཀྱི་འཐུས་མི་སོགས་ཀྱིས་གྲོང་གསེབ་དར་སྤེལ་གྱི་འཐབ་ཇུས་ཁྲོད་ཀྱི་ཞིང་ལས་ལྗང་མདོག་འཕེལ་རྒྱས་དང་ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་ནི་ཞིང་ལས་ལྗང་མདོག་འཕེལ་རྒྱས་ཀྱི་རྨང་གཞི་དང་། དེང་རབས་ཞིང་ལས་ཚན་རྩལ་གྱིས་ཐོན་ལས་ལ་འདེགས་སྐྱོར་བྱེད་པ། ལྗང་མདོག་སྤུས་ལེགས་ཀྱི་ཞིང་ལས་ཐོན་རྫས་ཐོན་སྐྱེད་ལ་སྐུལ་འདེད་གཏོང་བ། ཤ་ཚལ་གྱི་ཐོན་ལས་འཕེལ་རྒྱས་གཏོང་བ་སོགས་ཀྱི་བརྗོད་དོན་གཙོ་བོར་དམིགས་ནས་སོ་སོ་ནས་ཆེད་དོན་གཏམ་བཤད་སྤེལ། རྣམ་གྲངས45ལ་ཚོགས་འདུའི་སྟེང་གན་རྒྱ་བཞག་པ་དང་གྲོས་མཐུན་གྱི་དངུལ་གཏོང་བསྡོམས་འབོར་སྒོར་དུང་ཕྱུར112ཟིན་ཡོད།

ཐེངས་འདིའི་གླེང་སྟེགས་སྤེལ་བའི་དམིགས་ཡུལ་ནི་ལྗང་མདོག་ནུས་ཆེའི་ཞིང་ལས་འཕེལ་རྒྱས་གཏོང་བར་སྐུལ་འདེད་བཏང་སྟེ། ལྗང་མདོག་ཞིང་ལས་ཐོན་སྐྱེད་བྱེད་སྟངས་གསར་གཏོད་དང་། ཐོན་ལས་ཕྲེང་འབྲེལ་ཆ་ཚང་ཁ་གསབ་བྱེད་པ། ལྗང་མདོག་ཞིང་ལས་ཟོང་རྟགས་བསྐྲུན་པ། ཞིང་ལས་སྤུས་ཚད་མཐོ་བའི་འཕེལ་རྒྱས་འབྱུང་བར་སྐུལ་འདེད་གཏོང་བ་བཅས་བྱས་ནས། ཞིང་ཕྱུགས་ཐོན་ལས་འཕེལ་རྒྱས་འབྱུང་བར་ཕྱོགས་ཡོངས་ནས་སྐུལ་འདེད་གཏོང་རྒྱུ་དེ་ཡིན། །