近日，广东省司法厅审批准予首批通过粤港澳大湾区执业考试与培训考核的澳门执业律师石立炘在北京市盈科（珠海）律师事务所执业，并颁发律师执业证（粤港澳大湾区）。据悉，石立炘律师是珠海市首位获得广东省司法厅颁发的粤港澳大湾区执业证的港澳律师，亦是盈科律师事务所粤港澳大湾区九家直营分所中首位取得该执业证书的盈科律师。https://t.cn/A6SvBWec

#圖文不符##迪迪的Diary# 18

我今日想講三個故事、三種關係。

第一個故事係關於朋友關係：

Peter同Eric兩個喺大學時候係最friend嘅死黨，一齊努力讀書、玩、打波、去旅行、追女仔等等。而兩個人嘅家庭背景都差唔多，唔富裕，都要做part-time，幫補學費嘅。

兩個人嘅共同目標就係希望大學畢業之後，喺律師樓工作。

兩個都好努力，畢業之後分別喺唔同嘅律師樓搵到工。幾年之後，兩個嘅事業都好好，做咗執業律師，高薪要職。去到咁嘅位，兩個都仍然係死黨，但係漸漸，Peter開始覺得，佢哋之間有啲問題⋯⋯

最初係Peter買咗隻名錶，冇幾耐，佢見到Eric戴住一隻同款嘅。咁可能都冇乜嘢嘅，係死黨嗰種男人的浪漫啫。

但係幾年間，Peter覺得唔妥，因為每次佢買一樣貴嘢，Eric就會好快跟住買，例如買車啦，對方即刻出一架同款唔同色嘅；跟住買樓啦，對方又即刻買一間同區嘅，仲大間啲添。跟住好多例子都係咁。

Peter覺得原來Eric一路都可能視自己為假想敵，要比拼嗰種。

而話晒都咁多年好朋友，Peter搵咗個機會，推心置腹咁同Eric講呢件事，但佢唔承認之餘，仲狠狠反批評Peter喺生活上、工作上、待人處事上嘅種種不是，而所有呢啲指控，Peter完全覺得係無聊同埋講唔通嘅。

嗰次坦白完之後，Peter就漸點疏遠咗Eric。

第二個故事係關於生意合作夥伴關係：

Mary 同Jane 喺同一間廣告公司出身，兩個人由同事變成朋友，都同樣受盡老闆氣。幾年之後，兩個人決定自組公司。

最初生意難做，但係佢哋都好努力，幾年之後，由一間細細嘅二人廣告公司，變成有10個員工嘅公司。值得開香檳嘅同時，由一單大job開始令佢哋有分歧：Mary 聲稱嗰個客戶係佢帶入嚟嘅，Jane 反駁話個客係佢先認識嘅⋯⋯然後兩個人開始為咗佣金而拗撬。

隨後發展到：一個話個企業係佢建立嘅，另一個話個江山係佢打返嚟嘅⋯⋯

最後，兩個人對簿公堂。

第三個故事係關於夫妻關係：

May同Leo兩個人中學已認識，然後拍拖，中學畢業後就踏入社會工作。兩年之後有少許經濟基礎，同雙方家長講準備要結婚。家長都反對，因為覺得佢哋太年輕。佢哋當然反叛，跟住排除萬難，偷偷地去註冊結婚，逃離各自家園，租細小嘅工廈，築愛巢。

兩個人都好努力，節衣縮食、打幾份工，就係要證明俾各自嘅屋企人睇，佢哋係可以擁有幸福家庭嘅。

辛苦咗大約十年，個女都八歲嘞，正當兩方嘅家人，都覺得佢哋真係幸福嘅一對嘅時候，Leo 有外遇，要離婚，更放棄個女嘅撫養權。May 覺得呢段婚姻關係，最幸福嗰啲日子係最初喺工廈住，捱生涯死嗰幾年。

呢三個故事嘅共通點係乜嘢啊？就係原來好多關係，只可以共患難，唔可以共富貴㗎！

共患難嘅時候，大家都可以向同一個目標前進，大聲疾呼：我哋要為將來嘅幸福而努力，嗰種心態同心力係好壯志凌雲㗎；咁富貴嘅時候呢？可能係「共」唔到囉！因為到時多咗好多選擇啊！原來當生活變成有選擇，有誘惑嘅時候，我哋就會忘記我哋嘅——初心！

歌曲：古巨基 《初心》

【大狀公會突設限，準則含糊礙北上執業】香港大律師公會日前向全體會員發出通函，宣布即日起修訂大律師行為守則；在公會修訂新規下，如香港大律師加盟的境外律師事務所（包括大灣區內地城市），同時聘用香港執業律師，有關大律師需向公會申請許可，違者或要接受紀律聆訊，嚴重者或被「釘牌」。

不少受影響大律師質疑公會的審批準則含糊不清，擔心此舉阻礙大律師北上發展。記者就此向特區政府律政司查詢，但至昨晚截稿時仍未獲回覆。https://t.cn/A6SvtPNU