又係二四孝順仔。。。。
又係超級好爸爸。。。。

呢兩日我家男神真係忙得焦頭爛額的，心痛

我家大老爺因為前列腺問題困擾左10多年，呢幾年一直食保健品，令佢的病徵未係受到重大困擾，但呢幾日問題開始慢慢演變了，先係去唔到尿，繼而發炎肚脹更甚至血尿，另外一個困擾就係佢腳的皮膚問題，傷口發炎，呢個星期每日都要去皮膚醫院照紅外線杀菌，所以今日我家男神早上就跑左兩間醫院

好不容易忙到下午3點先返到屋企，已經餓到肚皮都扁了，好在我煲左粥仲有湯，食完訓一陣覺

傍晚6點，豬b高燒不下，又要趕去醫院

今日豬b成日都唔願食野，只係肯飲水，肚仔咕咕聲，痾左好多次，痾到只有水了，而且佢食左藥，係有一兩鐘頭感到退燒，但藥效一過又再燒，甚至身體都係火熱的，雖然佢唔肯俾我測體溫，但絕對係高燒，反反覆覆的

起去到醫院，由於我地昨日黎睇過仍然唔退燒，所以安排我地睇兒科急診，見到醫生，講廣東話的，真好，醫生要豬b先去篤手指驗血，睇下係咩病毒再決定是否要打針，照例豬b哭得撕心裂肺的，我地兩公婆按住佢手，佢都夠力反抗了，真係好肉痛

有了驗血結果，唔使打針，但由於病毒較強，所以會肚痾，等佢痾清病毒才会好，然後醫生開左喉嚨發炎的消炎藥，止肚痾的，退燒散熱的，又一大包藥

小孩子病，辛苦的不止係病人，仲有父母，遇著發燒真係擔心得不得了

8點鐘，終於可以睇完，返家見到一輪皎月特別明亮，啊，真係心好累，以為可以返屋企好好休息

點知一返到屋企，我家大老爺又因為突然的胸悶透唔到氣，我家男神又要忙了

家中有老有嫩，生活真係一地雞毛啊。。。。。。。。

金岳霖见林徽因天旋地转，林已嫁梁思成，金示爱后，此后坦荡，始终住林家隔壁，你搬去哪我就跟去哪，终身未娶。

小说中，这等故事在《鹿鼎记》乃见，年轻时武林第一美男胡逸之见陈圆圆，魂飞魄散不能自已，能常见面便心满意足，遂隐姓埋名23年，做了陈圆圆家中花匠。你家门口有老面孔吗[doge][doge][羞嗒嗒][羞嗒嗒]

（配图：我家的小男神[阿玛尼芍药][抱一抱]）

凌晨5點鐘的電話。。。
晚上10點趕去醫院。。。
家中有老有嫩，真係一地雞毛

今早還在睡梦中收到電話，我家大老爺的尿管鬆脫了，男神急急腳洗面落樓，開車同老爺去醫院

中午豬b開始不停扭計，感到頭有點微熱，以為係感冒，冲左散熱沖劑比佢飲，中午訓覺都訓得唔好，訓下醒下，5點訓醒就唔願食飯仔，摸一摸頭，更熱了，但豬b唔比探熱，唯有飲退燒水，飲左感覺佢精神好左少少

晚上7點開左210毫升奶，唔肯飲，到左8點再比佢飲奶，半推半就只係飲左一半，又再飲一次散熱沖劑，然後哄佢訓，9點，見到佢訓左，終於可以同佢探熱，39.3度，唯，嚇死我，去醫院吧，我家男神話佢飲左藥，一陣會好d架啦，9點半，比佢飲美林，飲左唔夠2分鐘，開始嘔吐，或者講係噴出來更為貼切些，跟住仲肚痾

10點立刻趕去醫院。。。。
12點返到屋企。。。。。。
#天赐的历程#