མང་ཡུལ་སྐྱིད་རོང་།
ས་ནེམ་ནེམ་སྟེང་ལ་ནགས་ཚང་ཚིང་།།
སྨུག་ལང་ལོང་ཁྲོད་ན་ཆར་ཟམ་ཟིམ།།
རི་འབར་འབུར་རྩེ་ལ་འཇའ་གུག་གུག།
བྲག་དཀར་དཀར་ལོགས་ན་རླབས་ཆལ་ཆིལ།།

ལམ་གྱ་གྱུའི་འདབས་ན་ཆུ་ཤང་ཤང་།།
རྩྭ་ལྗང་ལྗང་ཐོག་ལ་ཟིལ་ཁྲམ་ཁྲུམ།།
རླུང་འཇམ་འཇམ་གསེང་ན་བྱིའུ་ཀྱུར་ཀྱུར།།
གློག་ཁྲ་ཁྲའི་འོག་ལ་ཁྲོམ་འ་འུར།།

ས་སྐྱ་བ་བསོད་ཚེས།

20220802

心态是怎样的，生活就会怎样，命运就会怎样。

对力所能及的事全力以赴
对不可控制的事顺其自然

祈愿所有人趋入善道
祈愿所有人离苦得乐
祈愿所有人平安吉祥

ཨོཾ་ཨཱ་ཧཱུྃཿབཛྲ་གུ་རུ་པདྨ་སིདྡྷཱི་ཧཱུྃཿ
嗡啊吽 曼札厄勒 白玛悉地 吽
​​​

རྒྱལ་དབང་ ༧ ཀརྨ་པས་སྐད་ཡིག་གི་གལ་ཆེན་རང་བཞིན་བརྗོད་པ།

སྐད་ཡིག་ཅིག་གི་གསོན་ཤུགས་རྒྱས་རྒྱུ་ནི་སྐད་ཡིག་དེ་བེད་སྤྱོད་གཏོང་མཁན་གྱི་སྤྱི་ཚོགས་ཡོངས་ལ་བརྟེན་ནས་འགྲུབ་རྒྱུ་ཡིན་པ་ལས། ཤེས་ཡོན་ཅན་གྱི་སྡེ་ཚན་ཆུང་ངུ་ཞིག་ལ་དམིགས་ཏེ་ལྟ་བ་མཐོན་པོ་རེ་དང་། ཤེས་ཡོན་གསར་པ་རེ། རྩོམ་རྩལ་དམིགས་བསལ་ཅན་རེ་ནང་འདྲེན་བྱས་པ་ལ་བརྟེན་ནས་འགྲུབ་ཐུབ་པ་ཞིག་མིན།

སྐད་ཡིག་ཅིག་གི་གསོན་ཤུགས་ནི་སྐད་ཡིག་དེའི་སྤྱོད་སྒོ་བཞི་སྟེ། ངག་ཐོག་གི་བཤད་ཉན་གཉིས་དང་། ཡིག་ཐོག་གི་འབྲི་ཀློག་གཉིས་ཀྱི་སྟེང་ནས་མངོན་གྱི་ཡོད། སྤྱི་ཚོགས་ཤིག་ན་རང་གི་སྐད་ཡིག་ཐོག་ཀློག་མཁན་མང་པོ་ཡོད་པ་དེས་རང་བཞིན་གྱིས་སྐད་ཡིག་དེའི་གསོན་ཉམས་ཤིག་མངོན་ཐུབ། དེ་ལྟ་བུའི་ཀློག་མཁན་ནི་ཤེས་ཡོན་ཅན་གྱི་སྡེ་གཅིག་པོས་མི་ཆོག་པར། སྐད་ཡིག་དེ་བེད་སྤྱོད་པའི་སྤྱི་ཚོགས་དེའི་ཁོངས་སུ་ཀློག་མཁན་གྱི་གྲངས་འབོར་ཆེན་པོ་ཞིག་ཡོད་དགོས། དེ་ལྟར་ཡོང་བ་ལ་སྤྱི་ཚོགས་དེའི་ཀློག་པ་པོའི་མོས་ཁམས་དང་མཐུན་པའི་རང་སྐད་དུ་བརྩམས་པ་དང་གཞན་སྐད་ནས་བསྒྱུར་བའི་བཀླག་བྱ་སྣ་ཚོགས་ཤིག་ཡོད་དགོས། དེ་ནི་སྐད་ཡིག་དེ་ལ་གསོན་ཤུགས་སྦྱིན་པའི་ནུས་པ་མེད་དུ་མི་རུང་བ་ཞིག་ཡིན་པར་མ་ཟད། སྤྱི་ཚོགས་ཡོངས་ཀྱི་ཤེས་ཚད་མཐོར་འདེགས་ཀྱི་མཐུན་རྐྱེན་མེད་ཐབས་མེད་པ་ཞིག་ཀྱང་ཡིན།