མཁའ་དབྱིངས་སུ་གནས་པའི་དགོན་པ་འདི་ནི་སེང་གླིང་དགོན་པ་རེད། དེ་ཡང་སྟག་ལུང་པ་གནས་འདིར་ལོ་བདུན་ཙམ་ལ་སྐུ་མཚམས་བཞུགས་ནས་སྟག་ལུང་བཀའ་བརྒྱུད་པའི་ཆོས་ལུགས་གསར་གཏོད་མཛད་སའི་གནས་ཁྱད་པར་བ་ཞིག་ཡིན། རྗེས་སུ་ཕྱོགས་བཞི་ནས་སྟག་ལུང་པའི་སྐུ་མདུས་ལ་ཆོས་ཞུ་མང་དུ་ཕེབས་པས། དགོན་པ་དང་ཐག་མི་རིང་བར་ནུབ་ཀྱི་ཕྱོགས་སུ་ས་ཁྱོན་ཆེ་སའི་སྟག་ལུང་དགོན་ཕྱག་བཏབ་ནས་བསྟན་པ་དར་སྤེལ་གནང་ནས་སེམས་ཅན་གྱི་དོན་རྒྱ་ཆེན་པོར་མཛད། ད་ལྟ་ཡང་བཤད་སྒྲུབ་ལས་གསུམ་མཛད་ཀྱིན་ཡིན་འདུག །
སེང་གླིང་དགོན་པ་འདི་ནང་རྟེན་གཙོ་བོ་སངས་རྒྱས་ཡར་བྱོན་གྱི་སྐུ་དང་ཚོང་དཔོན་ནོར་བུ་བཟང་པོས་འགྱོད་བཤགས་སུ་ཕུལ་བའི་མདའ་རིང་ཆུང་གཉིས་དང་དྲིས་རྗེས་གཙོས་པའི་བྱོན་ཅན་མང་དུ་མཇལ་རྒྱུ་འདུག་ལ། ངར་ཚོར་སྣང་ཆེ་ཤོས་ནི་སྟག་ལུང་པའི་སྒྲུབ་ཕུག་དེས་སྟེར་བྱུང་།
དགོན་འདི་སྔོན་ནས་ད་ལྟ་བར་སྟག་ལུང་བཀའ་བརྒྱུད་རེད་འདུག།

སུམ་པ་དབྱངས་ཁོལ་ནས། ༢༠༢༢/༧/༡༡https://t.cn/Rp7W8xr

མཁར་ཆུ་དགོན། 卡久寺
མཁར་ཆུ་དགོན་ནི།སློབ་དཔོན་པདྨ་འབྱུང་གནས་ཀྱི་ཐུགས་ཀྱི་གནས་མཆོག་ཁྱད་པར་ཅན་ཞིག་ཡིན་ཞིང་།ད་བར་ལོ་ངོ་༡༢༠༠ལྷག་གི་ལོ་རྒྱུས་ལྡན་ཡོད།

དགོན་པའི་རྟེན་གཙོ་གུ་རུ་སྣང་སྲིད་ཟིལ་གནོན་དང་ད་དུང་ནང་རྟེན་རྩ་ཆེན་མང་པོ་བཞུཊ་ཡོད། མདུན་གྱི་རི་སྟེང་དུ་དགོན་པའི་སྲུང་མ་གཙོ་བོ་གསུམ་གྱི་བླ་མཚོ་ཁ་དོག་མི་འདྲ་བ་གསུམ་དང་རི་གཤམ་དུ་རོང་སྐོར་ཞེས་གནས་མཆོག་རྩ་རི་གཉིས་པ་དང་གུ་རུ་རིན་པོ་ཆེའི་ལོ་བདུན་ལྷག་བཞུགས་པའི་སྒྲུབ་ཕུག་སོགས།

卡久寺成为莲花生大师（意)之修行圣地，距今有1200乡年的历史，卡久寺主供佛为莲花金刚大师以及寺庙里供奉珍贵文物，寺院正前方山上寺庙三大护法神的三色圣湖，山下第二扎日神山及莲花生大师七年多修行山洞等很多金刚胜迹徒步四个小时能够转一圈。

༧ མངོན་བརྗོད་རྒྱ་མཚོའི་ཆུ་ཐིགས་མཛད་པ་བོ་དངུལ་ཆུ་དྷརྨ་བྷ་དྲའམ་བླ་མ་ཆོས་བཟང་མཆོག་ནི་གཙང་གཡས་རུའི་ཆར༡༧༧༢ལོར་སྐུ་འཁྲུངས། དགུང་ལོ༡༡པར་སྐུ་ཞང་ལས་ཡི་གེ་འབྲི་ཀློག་སྦྱོང་བའི་དབུ་བརྩམས། དགུང་ལོ༡༤པ་༡༧༨༥ལོར་བཀྲ་ཤིས་དགེ་འཕེལ་གླིང་དུ་ཕེབས་ནས་སློབ་དཔོན་བློ་བཟང་རྒྱལ་མཚན་གྱི་སྐུ་དྲུང་དུ་དབུ་སྐྲའི་གཙུག་ཕུད་ཕུལ་ནས་མཚན་བློ་བཟང་ཚེ་རིང་ཞེས་གསོལ།
ལོ་དེར་མཁས་ཆེན་ངག་དབང་རྡོ་རྗེའི་དྲུང་དུ་དགེ་བསྙེན་དང་དགེ་ཚུལ་གྱི་སྡོམ་པ་རིམ་བཞིན་བཞེས། སྐབས་དེར་སྐུ་ཆས་ཤིན་ཏུ་ཞན་མོད་ཚོགས་པ་ནས་འགྱེད་ཆུང་རེ་རྙེད་ནའང་དཔེ་ཆ་བླུ་བ་སོགས་མཛད་ནས་རང་གི་འཚོ་བ་ངན་ངོན་ཁོ་ནར་བསྟེན། དགུང་ལོ༡༨ཐོག་གཅེན་པོ་རྟ་མགྲིན་དབང་རྒྱལ་དུས་ལས་འདས་པ་དང་། ལོ༡༩ཐོག་མ་ཡུམ་དང་སྲུ་མོ་གཉིས་ཀྱང་སྔ་རྟིང་དུ་འདས་པས་ཐུགས་སྐྱོ་ཚད་མེད་འཁྲུངས་ཏེ་དབེན་གནས་དངུལ་ཆུ་རི་ཁྲོད་དུ་ཕེབས་ནས་སྒྲུབ་པ་ཉམས་ལེན་མཛད།ལོ་དེར་སློབ་དཔོན་ཡེ་ཤེས་དཔལ་གྲུབ་ཀྱི་དྲུང་ནས་དགེ་སློང་གི་སྡོམ་པ་མནོས། རྗེ་དྲུང་བློ་བཟང་དགེ་འདུན་གྱི་སྐུ་དྲུང་དུ་སྒྲ་དང་། སྙན་ངག སུམ་རྟགས། མངོན་བརྗོད། སྡེབ་སྦྱོར་ལེགས་པར་གསན་སྦྱོང་མཛད། མཁས་གྲུབ་ཀྱི་གྲགས་པ་ཀུན་ཏུ་ཁྱབ་པར་གྱུར། དགུང་ལོ་སོ་ལྔ་ནས་སྒྲུབ་པ་ཉམས་ལེན་གཙོ་བོར་མཛད།
དེ་ནས་བཟུང་དགུང་ལོ་བརྒྱད་ཅུའི་བར་གྲུ་འཛིན་དུ་འཆད་ཉན་མཛད་པར་ཐེངས་འགའ་ཕེབས་པ་མ་གཏོགས་དུ་ཕལ་ཆེ་བར་དངུལ་ཆུའི་རི་ཁྲོད་དུ་སྒྲུབ་པ་ཁོ་ནས་དུས་འདའ་བར་མཛད། སྐུ་ཚེ་ཧྲིལ་པོ་བསྟན་འགྲོའི་དོན་འབའ་ཞིག་ལ་གཅིག་ཏུ་གཞོལ་ནས། གསུང་ལས་སྐྱེས་པའི་སློབ་མ་་མཁན་ཆེན་ངག་དབང་སྙན་གྲགས་དང་། རི་སྦུག་སྤྲུལ་སྐུ་བློ་གསལ་བསྟན་སྐྱོང་། བདེ་ཆེན་སྤྲུལ་སྐུ་བློ་བཟང་ཚུལ་ཁྲིམས་སོགས་སྐྱེས་ཆེན་དམ་པ་མང་དུ་བྱུང་།
བཀའ་རྩོམ་ཡང་མང་དག་མཛད་པ་སྟེ། འཇིགས་བྱེད་བཅུ་གསུམ་མའི་བསྙེན་ཡིག་མཁས་གྲུབ་དགོངས་འདུས། གྲུབ་རྒྱལ་ལུགས་ཀྱི་ཚེ་དཔག་མེད་ལྷ་གཅིག་གི་དབང་བསྐུར་ཚུལ། སྨྱུང་གནས་ཀྱི་ཆོ་ག་བསྡུས་པའི་ཁྲིད་ཡིག་གྲུབ་བརྙེས་དཔལ་མོའི་དགོངས་རྒྱན། དཔལ་རྡོ་རྗེ་སེམས་དཔའི་སྒོམ་བཟླས་དག་བྱེད་བདུད་རྩིའི་བུམ་བཟང་། རྟེན་འབྲེལ་བསྟོད་པའི་ཚིག་དོན་ཉུང་ངུར་བཀྲོལ་བ་ཟབ་དོན་ལྟ་བའི་འདྲེན་བྱེད།ཡི་དམ་སྒྲུབ་ཐབས་ཀྱི་རིམ་པ་ཕྱོགས་གཅིག་ཏུ་བསྒྲིགས་པ། མངོན་བརྗོད་ཀྱི་བསྟན་བཅོས་རྒྱ་མཚོའི་ཆུ་ཐིགས། གྲངས་ཀྱི་མངོན་བརྗོད་ཀྱི་རྣམ་བཤད།སྙན་ངག་མེ་ལོང་གི་ནང་ནས་གབ་ཚིག་གི་སྙན་ངག་ལོགས་སུ་བཀོལ་ཏེ་བཤད་པ། ཡིག་བསྐུར་རྣམ་བཞག་མདོར་བསྡུས། བློ་སྦྱོང་དོན་བདུན་མའི་ཟིན་བྲིས་རྒྱལ་སྲས་སྙིང་ནོར་སོགས་པོ་ཏི་བཅུ་ཙམ་བཞུགས།
དགུང་གྲངས་བརྒྱད་ཅུ་ལ་ཕེབས་པ་རབ་བྱུང་བཅུ་བཞི་པའི་ལྕགས་ཕག(༡༨༥༡)ལོར་དངུལ་ཆུ་རི་ཁྲོད་དུ་དགོངས་པ་ཆོས་དབྱིངས་སུ་བསྡུས།