࿐བོད་མི་དག་གི་མགོ་ཐོག་ལ་ཐོག་མར་བུམ་པ་འཇོག་མཁན་དང་ལྕེ་ཐོག་ལ་བདུད་རྩི་ཐོག་མར་འཇོག་མཁན་གྱི་བླ་མའི་དུས་ཆེན་བསུ།
དེ་རིང་གི་ཚེས་བཅུའི་དུས་ཆེན་འདི་ཚེས་བཅུའི་དུས་ཆེན་གཞན་ལས་ཁྱད་པར་འཕགས་པ་ཞིག་ཡིན་སྐད་དོ།།

དྲིན་ཆེན་རྩ་བའི་བླ་མ་ཁྱེད་ཀྱི་སྐུ་གསུང་ཐུགས་ཀྱི་བྱིན་རླབས་མཐའ་དག་བདག་གི་རྒྱུད་ལ་འཕོས་ནས། བསྟན་པ་དང་སེམས་ཅན་གྱི་དོན་རྒྱ་ཆེན་པོ་འགྲུབ་པར་བྱིན་གྱིས་བརླབ་ཏུ་གསོལ།

བརྩེ་ཆེན་ཟླ་བ་ལྟ་བུའི་དྲིན་ལྡན་བླ་མས༎
སློབ་ཚོགས་རྒྱུ་སྐར་ཁྲ་མོ་སྤྱན་གྱིས་འཚོས་པའི༎
སྲིད་པའི་དགུང་ལ་འཕྱོར་བའི་དག་པའི་འཇིག་རྟེན༎
བླ་རུང་ཆོས་སྒར་ཆེན་མོ་ཡིད་ནས་དྲན་བྱུང་༎
མི་མཐུན་དུས་ཀྱི་རྒུད་པ་ཚུར་ཚུར་བདོ་སྟེ༎
བསྟན་དང་འགྲོ་བའི་དབུ་འཕང་མར་མར་ཉམས་དུས༎
རྒྱལ་བསྟན་མེ་རོ་གསོས་པའི་དམ་པ་གང་དེས༎
བཏབ་པའི་ཆོས་སྒར་འདི་ཡི་རིན་ཐང་མངོན་འདུག།
བསྟན་པ་འཛིན་སྐྱོང་བསམ་ན་ཁྱེད་ཡན་མི་འདུག།
རིགས་ཀྱི་སྲུང་མ་བཤད་ན་ཁྱེད་ལས་མི་འདུག།
ཆོས་དང་སྲིད་ཀྱི་དགེ་འབྲས་རིས་མེད་འགྲོ་ལ༎
བདེ་བའི་འབྱུང་གནས་བསམ་ན་ཁྱེད་འདྲ་མི་འདུག།
རྐྱེན་ངན་རླུང་བུ་ལྡང་བའི་སྤྲིན་ནག་འཁྲིགས་ཀྱང་༎
སྙིང་སྟོབས་གོ་ཆ་གྱོན་པའི་ཉི་འོད་འཕྲོས་ཏེ༎
མཛད་འཕྲིན་གླིང་བཞིར་ཁྱབ་པའི་རྟེན་འབྲེལ་འགྲིག་ནས༎
ཕྱོགས་ལས་རྣམ་པར་རྒྱལ་བའི་སྨོན་ལམ་འདེབས་སོ༎
༢༠༢༢༦༡༠ཉིན འཁྱམ་མོ སྙུག-ནས[抱抱][微笑]