࿐ མཚན་བརྒྱད་བསྟོད་པ། ཧཱུྃཿ རྒྱ་མཚོར་སྐུ་འཁྲུངས་ཨུ་རྒྱན་ཡུལ་དུ་བྱོན༔ རྒྱལ་པོའི་སྲས་མཛད་རྫུ་འཕྲུལ་སྣ་ཚོགས་སྟོན༔ འཁོར་བར་མ་ཆགས་ཐབས་ཀྱི་རོལ་རྩེད་མཛད༔ པདྨ་རྒྱལ་པོའི་སྐུ་ལ་ཕྱག་འཚལ་བསྟོད༔ རྒྱ་གར་ཡུལ་བྱོན་རྡོ་རྗེའི་གདན་དུ་བཞུགས༔ བདུད་བཞི་བཅོམ་པས་སངས་རྒྱས་ཀུན་དང་མཉམ༔ འདུལ་ཁྲིམས་ལྡན་པས་དགེ་སློང་ཆ་ལུགས་འཛིན༔ ཤཱཀྱ་སེངྒེའི་སྐུ་ལ་ཕྱག་འཚལ་བསྟོད༔ ཟ་ཧོར་ཡུལ་བྱོན་མ་ག་དྷཿརུ་བཞུགས༔ བསིལ་བའི་ཚལ་དུ་བམ་རོའི་སྒྲུབ་པ་མཛད༔ སྡེ་སྣོད་བཅུ་གཉིས་ཐུགས་ཀྱི་ཀློང་ན་གསལ༔ པདྨ་སམྦྷའི་སྐུ་ལ་ཕྱག་འཚལ་བསྟོད༔ མུ་སྟེགས་ཡུལ་བྱོན་དགའ་བའི་ཚལ་དུ་བཞུགས༔ སྙན་པའི་སྒྲ་ཡིས་ཕྱོགས་མཚམས་ཀུན་ཏུ་ཁྱབ༔ གསང་སྔགས་ཕྱི་ནང་ཐུགས་ཀྱི་དཀྱིལ་ན་གསལ༔ རྡོ་རྗེ་གྲོ་ལོད་སྐུ་ལ་ཕྱག་འཚལ་བསྟོད༔ ཡངས་པ་ཅན་བྱོན་སོ་ས་གླིང་དུ་བཞུགས༔ ལྟ་བ་མི་འཚོལ་ཞི་གནས་སྒོམ་མི་བྱེད༔ ཐ་དད་ཕྱོགས་འཛིན་མ་གོས་ནམ་མཁར་གདལ༔ པདྨ་ཐོད་ཕྲེང་སྐུ་ལ་ཕྱག་འཚལ་བསྟོད༔ ཁ་ཆེའི་ཡུལ་བྱོན་སིངྒ་ལ་རུ་བཞུགས༔ ཐོས་བསམ་ལྡན་པས་འགྲོ་བ་མ་ལུས་འདུལ༔ བྱམས་པ་ཆེན་པོས་ཕ་མ་ལྟ་བུར་མཛད༔ བློ་ལྡན་མཆོག་སྲེད་སྐུ་ལ་ཕྱག་འཚལ་བསྟོད༔ ལི་ཡི་ཡུལ་བྱོན་ལྕང་ར་སྨུག་པོར་བཞུགས༔ ཤེལ་གོང་བྲག་ལ་མངོན་ཤེས་མཁའ་ལྟར་ཁྱབ༔ གཞན་དོན་འཕྲིན་ལས་འབྲས་བུ་ལོ་འདབ་རྒྱས༔ ཉི་མ་འོད་ཟེར་སྐུ་ལ་ཕྱག་འཚལ་བསྟོད༔ བལ་པོའི་ཡུལ་བྱོན་ཡང་ལེ་ཤོད་དུ་བཞུགས༔ གནོད་སྦྱིན་རྫོང་དུ་དམ་སྲི་སྡེ་བརྒྱད་བཏུལ༔ ཁམས་གསུམ་དབང་བསྡུས་སྲིད་གསུམ་ཟིལ་གྱིས་གནོན༔ སེངྒེ་སྒྲ་སྒྲོགས་སྐུ་ལ་ཕྱག་འཚལ་བསྟོད༔ བོད་ཡུལ་དབུས་བྱོན་སྟག་ཚང་སེང་ཕུག་བཞུགས༔ སྣང་བ་མཐའ་ཡས་སྤྲུལ་པ་མི་ཡི་མགོན༔ མཁའ་འགྲོ་སྡེ་བཞི་མ་ཚོགས་རོལ་དུ་ཁྲིད༔ བདེ་བའི་དངོས་གྲུབ་སྐུ་ལ་ཕྱག་འཚལ་བསྟོད༔ སྲིན་པོའི་ཡུལ་བྱོན་རྔ་ཡབ་གླིང་དུ་བཞུགས༔ ཟངས་མདོག་དཔལ་རིར་གདོང་དམར་སྲིན་པོ་འདུལ༔ སྐྱེ་འགྲོ་སེམས་ཅན་ཐམས་ཅད་བདེ་ལ་འགོད༔ པདྨ་འབྱུང་གནས་སྐུ་ལ་ཕྱག་འཚལ་བསྟོད༔ པདྨ་འབྱུང་གནས་གསུང་ལ་ཕྱག་འཚལ་བསྟོད༔ པདྨ་འབྱུང་གནས་ཐུགས་ལ་ཕྱག་འཚལ་བསྟོད༔ —རིག་འཛིན་ཀློང་གསལ་སྙིང་པོ།
࿐ ཞང་སྟོན་བསྟན་པ་རྒྱ་མཚོས།
ནང་གི་རང་སེམས་དགྲ་རུ་མ་ལྡང་ན།།
ཕྱི་ཡི་འདྲེ་གདོན་སུས་ཀྱང་ཐུབ་པར་དཀའ།།
དོན་མེད་དོགས་པ་ཟ་བ་ཆོ་འཕྲུལ་ཡིན།།
རྣམ་རྟོག་སྡུག་འདྲེའི་ཕུང་ཁྲོལ་ལགས་པས་སྤོངས་།།
ནང་གི་རང་སེམས་དགྲ་རུ་མ་ལྡང་ན།།
ཕྱི་ཡི་འདྲེ་གདོན་སུས་ཀྱང་ཐུབ་པར་དཀའ།།
དོན་མེད་དོགས་པ་ཟ་བ་ཆོ་འཕྲུལ་ཡིན།།
རྣམ་རྟོག་སྡུག་འདྲེའི་ཕུང་ཁྲོལ་ལགས་པས་སྤོངས་།།
#噶举祖庭一洛卓沃龙寺[超话]#
࿐ལྟ་བས་ཐག་བཅད་སྒོམས་པས་རྒྱལ་ས་འཟིན།
སྤྱོད་པས་རྩལ་རྫོགས་འབྲས་བུ་མངོན་དུ་རྒྱུར།
འབྲེལ་ཚད་དོན་ལྡན་བཀའ་བརྒྱུད་རིན་པོ་ཆེ།
གྲུབ་དབང་ཀརྨ་ནོར་བུ་གསོལ་བ་འདེབས།
࿐ལྟ་བས་ཐག་བཅད་སྒོམས་པས་རྒྱལ་ས་འཟིན།
སྤྱོད་པས་རྩལ་རྫོགས་འབྲས་བུ་མངོན་དུ་རྒྱུར།
འབྲེལ་ཚད་དོན་ལྡན་བཀའ་བརྒྱུད་རིན་པོ་ཆེ།
གྲུབ་དབང་ཀརྨ་ནོར་བུ་གསོལ་བ་འདེབས།
✋热门推荐