藝人黃浩然到電台接受薛家燕的訪問，宣傳劇集《多功能老婆》，家燕姐笑言：「佢個角色好突出，所以請佢上嚟，因為我都遇過呢種衰男人。」講到黃浩然劇中飾演壞男人尚劍雄，他笑言網友叫他不要回來：「我喺網上平台同粉絲傾偈，佢哋全部一面倒叫尚劍雄唔好返嚟，話我係賤人，叫我走啦，又話要打我，我同楊千嬅講，點解我次次同佢拍戲都畀人打，不過今次都預咗畀人打，即係代表成功咗，所以都好開心，嚟緊劇情會輕鬆啲架啦，有許紹雄，又有我同周柏豪爭千嬅。」
結局大家都同情佢
他又謂是首次演衰人：「秦漢大哥講過角色係冇分大小同忠奸，只要有戲演就得，而今次呢個角色係有戲演，觀眾又睇得肉緊，其他角色都好有發揮。（最後係咪大團圓結局？）賣少少關子先，總之最後大家係會同情我。」問到太太可有睇其演出？他笑言：「佢晚晚追啦，有集仲問我點解會變成咁，監製陳寶華嗰集出咗之後都問我太太有冇嘢，我話冇啦，大家都講笑啫。」他又笑言太太對其演戲很嚴格：「佢話呢個唔似你囉，佢口中冇讚美說話，只會曲線讚我，不過佢都好支持我，又會網上幫手宣傳。（太太有冇叫你唔好學角色咁衰？）佢都知你要學嘅點都會學到，唔學嘅話點都唔會學。」

藝人黎燕珊到電視城宣傳劇集《多功能老婆》，她透露一班演員感情要好，經常在群組傾偈，最近自己忍不住狂鬧飾演小三的于淼：「我話佢個角色係賤人，嚇到佢畀返個標汗公仔我，之後我都有私訊讚佢做得好，可能我係過來人，特別討厭拆散人家庭嘅人，見到呢種人真係想揼死佢！」她又表示女兒也有欣賞其演出，又指戲中她與飾演其女兒的朱晨麗一齊敷Mask的場口，現實生活亦試過，因此分外投入。

藝人#王宗堯#、#吳海昕#、#林芊妤#（Coffee）與#張敬仁#等8月24日午出席主演的#ViuTV#劇集《#賤民20#》宣傳活動。期間台前幕後推出蛋榚，為25日28歲生日的吳海昕慶祝，戲中與她發生感情的張敬仁代表獻吻。Coffee於劇中扮演王宗堯的前妻，露腰搶Fo的她自言角色勾三搭四，並衝口而出：「我係賤人！」事後，她透露腰圍只得21.5吋：「諗緊出年推出瑜伽示範加寫真集。（今次角色好賤？）只係背夫偷漢，相信依家社會都好多呢啲例子，只係我講嘢成日詞不達意兼衝口而出。」壽星吳海昕與王宗堯齊齊受訪，談到生日願望，她說：「想拍多啲戲，同埋劇集收視好。」又表示10月將開拍一套鬼戲。問到今次劇中角色喜歡一夜情，是否有性感演出，她澄清：「咁又冇，我身材有限！」王宗堯則爆拍檔阮民安劇中會爆粗：「好彩我哋會有網上未經刪剪版推出，原汁原味欣賞。」