࿑ ཁྱོད་ཀྱིས་གནོད་འཚེ་མི་གཏོང་བ་དང་། གནོད་འཚེ་གཏོང་མཁན་གྱི་རྒྱུ་ཡང་མ་བསགས་ན་ཁྱོད་ལ་ནང་བསྟན་ཆོས་ལུགས་པའི་མིང་ཡོད་མེད་གང་ཡིན་རུང་གལ་ཆེན་ཞིག་མ་རེད།
—རྫོང་སར་མཁྱེན་བརྩེས།

只要你不伤害，也不累积害人的因，就已经足够，无论你有没有佛教徒的名，都不重要。

࿑ཆུང་ནས་འདྲིས་པའི་ཆུང་གྲོགས་མིན་ན་ཡང་།།
ལས་ཀྱིས་བསྐོས་པའི་ལས་མཐུན་གྱུར་པས་ན།།
དྲན་དྲན་ཡིད་ཀྱི་གཏིང་གི་དྲན་གདུང་དེ།།
གསལ་གསལ་བདག་གི་ངག་ལ་ཆེས་ཆེར་གསལ།།

སྙན་སྙན་གཞས་ཆུང་ཤིག་གི་དབྱངས་རྟ་ལས།།
དུངས་དུངས་ཚིག་གི་ཕྲེང་བ་དབང་མེད་ཐལ།།
སྐྱོ་སྐྱོ་མིག་ཆུའི་མུ་ཏིག་དར་བརྒྱུས་ན།།
ལན་ཅིག་མཇལ་བའི་སྐལ་བཟང་བདག་ལ་སྩོལ།།

༢༠༢༠\༡༠\༡༩\རྨ་པྲཛྙཱ་ནས། https://t.cn/Rx1BDSR

࿑ ཀུན་དགའ་བོ། དེ་བཞིན་གཤེགས་པ་རྣམས་ནི་སེམས་ཅན་ཐམས་ཅད་ལ་སྣང་བའང་མ་ཡིན་གྱི། དགེ་བའི་བཤེས་གཉེན་ནི་ཡོངས་སུ་སྣང་བས་ཆོས་སྟོན་ཅིང་ཐར་པའི་ས་བོན་འདེབས་པའི་ཕྱིར། དེ་བཞིན་གཤེགས་པ་རྣམས་ལས་དགེ་བའི་བཤེས་གཉེན་ལྷག་པར་ཡང་ཟུངས་ཤིག ཅེས་ནམ་མཁའ་དྲི་མ་མེད་པ་ཞེས་བྱ་བའི་མདོ་ལས་སོ།།