今年過咗一個豐盛嘅生日，希望係一個重新嘅開始，將所有唔好嘅，難過嘅都過去，以後能夠平平淡淡開開心心生活，我嘅生命之中，唔需要七彩繽紛，唔需要人來人往，只需要有我最重視嘅人，有愛就足夠，好多謝你，一個一個咁樣完成我嘅夢，彌補我嘅缺失，我嘅開心並唔係因為你為我預備咗幾多嘢，或者我有啲咩禮物，我好感恩經過咁多年，你終於願意為我付出，為我去安排為我去準備，重視我嘅感覺，我在意嘅係我在你心目中嘅位置，你願意為我付出多少，我看重嘅更加係我喺你心目中你會認為我係值得你愛，物質我有能力自己去給予自己，從來我都冇要求過你要給予我什麼，更加唔會要你買啲咩俾我，因為我知道搵錢唔容易，我亦都唔想增添你嘅壓力，當然你有你嘅責任，你需要去承擔，但我願意同你一齊去承擔呢一份責任，就算幾難捱幾難行，只要你愛我，我就會係嗰一個無怨無悔，心甘情願係你身邊陪你捱落去嘅人，無論你富貴定貧窮，健康與否，你就係我嘅家，我嘅另一半，我知道你願意花錢在我身上，我已經心滿意足，我仲會心痛你，擔心你太吃力，希望你會知道，一個愛你嘅人並唔係想你俾啲乜嘢我，而係你願意，同你捨得用到我的身上，你主動給我的，這一份甜是任何嘢都取代不到，好感恩得到你這份愛，真的期待了很久，小至一個生日蛋糕，我都等咗兩年，不過我感動嘅生日蛋糕上面嗰塊小小嘅生日牌，雖然只係一個稱呼，但呢個仍然係我希望嘅終點，希望有一日我哋可以走到呢一步，希望有一日我會有信心，希望你仍然同當初一樣，仍然會嘗試。感恩能夠遇上你，有你陪我同步前行，帶給我大大小小的回憶，甜蜜的，眼淚的，都屬於我倆獨一無二珍貴的片段，是屬於我們倆的經歷。如果能夠將呢段感覺簡簡單單一直保存落去，行完這一輩子，我們一直恩愛如初，要我用幾輩子的幸福來換取我都願意只要我們能一直相愛到最後

恭喜三哥大個仔了
老公又好女婿又好記住
兩樣嘢要聰明同要識做
愛多一家人唔係一個人
佢哋唔係同你由細生活
好多嘢都要做出面小小
尤其是外母第二個媽咪
佢唔係你心裏面果條蟲
祝兩家人日日健康快樂
百年好合～永結同心
三年抱兩～身體健康
#鐵馬家族 #奇華餅家 #好棧

【專訪】#吴卓羲[超话]#「逃獄兄弟2 · 專訪︱張繼聰指中學似監獄　同吳卓羲扁平足痛住跑山」

吳卓羲（Ron）、張繼聰、譚耀文、黃德斌、栢天男（Adam）、張建聲主演的電影《逃獄兄弟2》即將於28日上映，影片於去年尾率先登錄內地視頻平台愛奇藝，連續兩周領跑票房，目前累計分賬票房已破千萬，成績不俗。新一集中，加入了由Ron飾演的反派「賀俊」之餘，還多了不少動作戲與外景，幾位「獄友」全數出逃，令Ron忍不住笑言：「都係因為我！」

吳卓羲做反派獲認可　「演員必須有唔同嘗試」
做慣正派的Ron，今次是戲中最大的「惡人」，囂張傲慢，盛氣凌人。原本監獄的「新人」是被欺凌的對象，但他卻一反常態，一入到監獄便給所有人下馬威，本著「做任何嘢都要我講咗算數」的原則，靠金錢收買人心，為劇情增添新鮮感，觀眾更是呼籲Ron做多些反派角色：「其實我覺得演員係冇乜所謂，即係必須要有唔同嘗試。嗰個角色自我中心好強，我就覺得我做所有嘢用錢去幫我逃獄係啱嘅，咁我又未試過一個人控制晒幾百人嘅監獄，個角色同埋成個故仔好玩。」不過，有網友認為美中不足的是，Ron似乎只停留在「惡」的層面，對於「狠」還欠缺些火候，對此他亦作出解釋：「佢唔係要好乞人憎嗰隻，佢係霸道嗰隻，即係佢令到所有人都好驚佢，總之入到嚟就要我話事，我喺呢幾個月渡過咗我坐監嘅日子就算數，咁佢又唔係陰濕嗰啲，佢直接係我收買你就收買你。」

張繼聰自覺藝人工作形式多姿多彩　回憶中學男廁竟有監獄味？
現實中，人們活在激烈競爭與壓力之下，有時身理同心理會難免感到壓抑與束縛，令人想「逃離」。阿聰自認做藝人的工作形式其實多姿多彩，笑言身理上有「監獄」的感覺是讀中學的時候：「因為我讀演藝就已經好free，但我都覺得for成長係要有規範。反而唔係驚身理，最驚係心靈，有陣時『監獄』係心靈，譬如唔一定係工作，有一啲嘢綁住你，你走唔甩呢個先大鑊，即係你去到邊都好似係監獄，呢種感覺仲折磨。」

天男不怕起步遲　吳卓羲拍打戲有妙招
柏相對於Ron與阿聰，Adam算是一位新人，但他並未覺得自己起步遲：「如果起步早，咁我未必有機會喺呢個situation見到佢哋兩個，所以我覺得係perfect嘅，喺呢刻，呢個年紀，呢個經歷，又咁啱撞到佢哋，我覺得幾好玩嘅，好玩過澳洲。首先廣東話呢樣嘢我放開咗好耐，咁就好似冇咗小小嘅自己，咁返到嚟又可以參與電影，又可以同前輩合作，咁我覺得非常之好玩。特別呢位（指Ron）打人唔痛，鏡頭前面好痛嘅，不過佢好識就人。」Ron直言：「我覺得拍打戲你做到嗰個表情，你做到嗰個動作，你嗰個動態喺度就得。我哋以前喺電視台訓練嘅時候，其實都係要咁樣，當然有啲武術指導，要我哋打落啲武師度，咁都係人嚟嘅，你一巴打落去，塊面紅晒佢都話唔痛，佢要食飯㗎嘛，咁我覺得我哋做演員嘅，無論打人又好，唔需要真係要touch到，少少可以，俾佢感覺到到嗰個位，自己做嗰個反應表情，我覺得已經足夠。」

監獄膠拖鞋臭味難頂　張繼聰吳卓羲因扁平足受苦
對於連續穿了幾集監獄戲服，三位主演雖沒有抗拒，不過因為反季節就略感辛苦，最凍的時候着短袖，最熱的時候着棉服，好處就是換衫很方便，而感受最深的，要數「膠拖鞋」阿聰講道：「我覺得今次個膠拖鞋進步咗，上次拍嘅時候係勁污糟嘅，同埋佢哋換咗嗰個質料，因為上次着呢，嗰啲膠係好曳，又污糟，咁你又會出汗，又唔洗呢，啲膠又加埋啲汗，（啲味）湧上嚟，直情你自己都覺得『嘩……』咁今次千叮萬囑你記得要keep住洗，同埋着嗰啲鞋又要跑又盛……」他更笑言，自己同Ron都是扁平足，跑山路又痛又累，因此受了不少苦。

三人透過拍劇訓練有素　吳卓羲試過12個鐘拍三十場戲
其實三位都輾轉電視劇與電影之間，提及兩者的不同，Ron同阿聰都自認在電視台學到很多，譬如訓練看劇本，對鏡頭的敏感度，拍攝的shot會否連貫等，Ron自信地表示：「我就學到基本上唔係好睇劇本，我知我拍邊一場我大概有一個concept喺度，咁第日去到先背，一個最好嘅訓練嚟嘅。我試過喺國內一日拍過三十場，十二個鐘。」而對於中文不太好的Adam來說，拍劇令語言快速進步：「電影就係100頁，你當一個劇本，拍電視劇嘅時候，每集都係100頁。高峰嘅時候一日拍廿幾場。」

大家合作得如此默契，阿聰透露，原來第二集同第三集是一起拍攝，他坦言：「嗰個感覺好似成個暑假大家都朝見口晚見面咁，呢個班底大家都熟，咁變咗拍嘅時候演員個默契可以融入喺個戲入面，大家都會盡量喺臨拍嘅時候再度得啲嘢精準啲，希望個效果好啲，呢樣嘢係好有養分嘅創作。如果唔係大家唔熟，又唔傾又唔盛，咁就唔係幾好，但今次大家都好開心。」