༢༥༤ ཕྱོགས་ཀྱི་རི་ཚོགས་སྨུག་པའི་ལ་ཐོད་དེ། །
མཛེས་པར་དཀྲི་བའི་དུས་ལ་མིག་གི་རིས། །
གཡང་གཟར་ངོགས་ལ་གྱེན་དུ་དཔྱངས་པ་ཡི། །
སྐས་ཀྱི་ཐེམ་པར་འཛུམ་བཞིན་རྒྱུ་བར་ཕྱོགས། །
༢༥༥ དུ་མའི་ཐེམ་པ་བརྒལ་བའི་ཡང་སྟེང་ན། །
མཁའ་སྤྱོད་ཞིང་ནས་ཕེབས་པའི་མཁའ་འགྲོ་དག །
རྡོ་རྗེ་གར་གྱི་སྟངས་སྟབས་ངོམས་པ་ཡི། །
ཞབས་སྐྱེས་རི་མོ་བསྟར་བ་ཉེ་བར་མཇལ། །
༢༥༦ དེ་དང་ཆེན་པོའི་བར་ཐག་མི་ཆོད་པར། །
བཀའ་བརྒྱད་བདེ་གཤེགས་འདུས་པའི་དཀྱིལ་འཁོར་དང་། །
འཕགས་མཆོག་ཐུགས་རྗེ་ཆེན་པོའི་དཀྱིལ་འཁོར་གཉིས། །
བྲག་སྐྱིབས་ངོས་སུ་རང་བྱོན་གསལ་ལྷང་ངེ་། །
༢༥༧ སླར་ཡང་ཐེམ་པ་བཅད་པར་གཡས་དང་མདུན། །
ལྟ་བྱེད་འཕོས་པའི་ངང་ཚུལ་མ་བརྟུལ་ན། །
རྒྱལ་མཚན་རང་བྱོན་ཐུབ་དབང་ཤཱཀྱའི་རྒྱལ། །
གང་གི་དབུ་་རང་བྱོན་དེ་ཡང་གསལ་བར་མཇལ། །
༢༥༨ དེ་ནས་མཐོང་བྱེད་ཟུམ་པའི་ཆོ་ག་བརྟུལ། །
ཕར་ལ་ཕྱོགས་ན་བཻ་རོའི་སྒྲུབ་ཕུག་དང་། །
བཀའ་གདམས་མཆོད་རྟེན་རང་བྱོན་ལྟ་ན་སྡུག །
དད་འདུད་སྙེ་མ་བདའ་བའི་གཉེན་དུ་འཛུམ། །
༢༥༩ ཡང་སྟེང་བྲག་རིའི་རྩེ་ལ་འབྱོར་བ་ན། །
བག་ཡངས་རྒྱུ་བའི་རི་སྐྱེས་བུ་མོ་དང་། །
རྨ་བྱའི་མཛེས་པ་འཕྲོག་པའི་འདབ་ལྡན་དག །
ཕྱོགས་ཀྱི་མགྲོན་པོའི་ཡིད་སེམས་རྐུ་བར་འཇུག །
༢༦༠ ལག་འཁོར་ཕྲེང་ལ་བསྟར་བའི་སྐོར་ལམ་དེ། །
རྡོག་ཁྲེས་རྒྱབ་ལ་འཁུར་བཞིན་བཅད་པ་ན། །
ཆོས་སྡེའི་འདབས་སུ་བསྐོར་བའི་ནགས་ཚལ་ནས། །
འདབ་ཆགས་གྲེ་བ་འགུལ་བཞིན་བདེ་མོ་འཇོག །
༢༦༡ དེ་ནས་རེ་བའི་འདུན་མ་ནུབ་ཀྱི་ཕྱོགས། །
ཕྱོགས་བཞིན་རྒྱུ་བའི་ལམ་དག་བཅད་པ་ན། །
མཁོ་མཐིང་གསེར་གྱི་ལྷ་ཁང་འགྲམ་དུ་ལྷགས། །
སོར་བཅུ་ཟིམ་པའི་བརྟུལ་ཞུགས་བདག་གིར་བྱས། །
༢༦༢ མེས་པོ་མིག་མི་འཛུམ་པའི་སྤྲུལ་བའི་གར། །
ཆོས་རྒྱལ་སྲོང་བཙན་སྒམ་པོ་ཉིད་ཀྱིས་ནི། །
མཐའ་འདུལ་དཔལ་དུ་སྲིན་མོའི་གྲུ་མོ་གཡོན། །
བཞེངས་བའི་གྲགས་པ་སྨྲ་བའི་འདབ་མར་ཐོགས། །
༢༦༣ ལྷ་གཅིག་ཀོང་ཇོས་ལེགས་བྱས་འོ་མའི་མཚོ། །
བསྲུབས་སླད་གཙུག་ལག་ནང་གི་ས་ཡི་གཞིར། །
གཡུ་ཡི་ཞུན་མ་གཅལ་དུ་བཀྲམ་པ་ཡི། །
དུམ་བུ་འགའ་ཡང་མིག་གི་ལམ་དུ་ལྷུང་། །
༢༦༤ བྱིན་རྟེན་ཕྲེང་ལ་བསྟར་ཞིང་གཏེར་ཁང་དང་། །
སྔོན་བྱོན་བཟོ་བོའི་པུར་ལས་འཁྲུངས་པའི་རིས། །
མ་ལུས་ཟུར་གནས་ཡིད་ཀྱི་བརྟན་པ་གང་། །
འགོག་པའི་ཆོ་གར་བྲེལ་བ་ཨེ་མ་མཚར། །
༢༦༥ དེ་ནས་རེ་བའི་འདུན་མ་སྲས་མཁར་ལ། །
ཐོགས་ཀྱིན་གྱ་གྱུར་འཁྱུག་པའི་ལམ་བུ་དག །
རྐང་པའི་འདེགས་འཇོག་ཉིད་ལ་མ་བསྟེན་པར། །
མྱུར་བར་འཁོར་བའི་འཁོར་ལོ་ཉིད་ཀྱིས་བཅད། །
༢༦༦ ཆུ་གསུམ་འདུས་པའི་ལྷོ་ཡི་ལུང་བ་བརྟོལ། །
བལྟ་བས་མི་ངོམས་སྲས་མཁར་དགུ་ཐོག་ཅེས། །
ཐོས་འཛིན་ཁུང་བུ་སྔོན་ནས་བསྒུལ་བ་གང་། །
མངོན་སུམ་མིག་གི་བདུད་རྩིར་ཉེ་བར་བླངས། །
༢༦༧ ཐོག་མའི་མཇལ་ཁ་གཙུག་ལག་ཁང་ལ་ཞུས། །
སྔོན་གྱི་དུས་སུ་བྱས་པའི་གྱང་རིས་དང་། །
སངས་རྒྱས་རབ་བདུན་ལ་སོགས་སྐུ་ཡི་རྟེན། །
དུ་མའི་རྟེན་དག་དང་བའི་སོར་རྩེར་བཏེགས། །
༢༦༨ གོམས་པའི་སྟབས་ཁ་དེ་ནས་སྲས་མཁར་ཞེས། །
རིམ་པ་དགུ་ཡི་ཆོས་ཀྱིས་འཁྱུད་པ་ལ། །
ཕྱོགས་ཏེ་རྟེན་གྱི་གཙོ་བོ་མི་ལ་རྗེའི། །
གསེར་ཀྱི་སྐུ་མཆོག་གཙུག་གི་ཏོག་ཏུ་བླངས། །
༢༦༩ རིམ་པ་རེ་རེའི་ཐེམ་པར་འཛེགས་པ་ན། །
སྒྲ་སྒྱུར་རྒྱལ་པོ་མར་བ་ལོ་ཙཱ་དང་། །
བདག་མེད་མ་ཡི་སྒྲུབ་ཁང་ལ་སོགས་པར། །
བཅོས་མིན་གུས་པ་འཆའ་བཞིན་ཡང་སྟེང་ལྷགས། །
༢༧༠ རྩེ་མོར་བསྐོར་བའི་འཇིགས་བཅས་ཁྱེ་འུ་ལ། །
བདག་གིར་འཛིན་པའི་ལས་སུ་མ་ཞུགས་པར། །
དད་འདུན་མྱུ་གུ་འཁྲུངས་པའི་སྐྱེ་བོའི་གྲལ། །
སྲས་མཁར་རྩེ་ནས་བསྐོར་བ་ལན་གསུམ་ཞུས། །
༢༧༡ དེ་ནས་བཀའ་བརྒྱད་བསྟན་པའི་ཆུ་འགོ་ཞེས། །
དོན་མཐུན་སྙན་པའི་བ་དན་དགུང་ལ་རེག །
མར་པའི་ཐུགས་བསྐྱེད་ཆུ་གཏེར་བསྲུབས་པ་ལས། །
ལེགས་འཁྲུངས་གྲོ་བོ་ལུང་ལ་མཇལ་དུ་ཕྱིན། །
༢༧༢ འཁྱུག་འགྲོས་རི་མོ་འབྲི་བའི་བར་གླགས་ནས། །
ཐོབ་ཐང་བདག་གིར་བཞེས་པའི་ཚོགས་ལ་དུད། །
བཤད་སྒྲུབ་ཉི་ཟླའི་སྤྲིན་ཕུང་གཏིབས་པའི་ཕྱོགས། །
ངལ་བ་བརྟུལ་བའི་རླངས་འཁོར་ནང་ནས་བགྲོད། །
༢༧༣ ཐོག་མའི་སྒེ་ཐེམ་ཉེ་བར་བརྟོལ་བ་ན། །
ཉི་ཟླའི་རྣ་ཆ་དཔྱངས་པའི་ཀེ་ལ་ཤ །
སྟག་སེང་ཁྱུང་དང་རྒོད་པོ་མ་བུ་ཅན། །
མཐོན་པོའི་ཀ་བར་འགྱིང་བ་གསལ་ལམ་མེ། །
༢༧༤ ལྷ་ངོ་གསལ་བའི་གཉེར་བ་མ་མཆིས་ཀྱང་། །
བརྗིད་ལྡན་སྐུ་ཡི་རྟེན་དག་མཛེས་པར་བསྟར། །
དབང་མེད་དང་བ་འདྲེན་པའི་གཉེན་དག་ལ། །
མཇལ་ཁ་རྫོགས་རྗེས་ལུང་བའི་ཕུ་ལ་ཕྱོགས། །
༢༧༥ སྒྲུབ་པའི་རྒྱལ་མཚར་སྡུག་གུར་སྒྲེང་བ་ཡི། །
བྱེད་པོ་དག་གིས་གུས་པའི་བསྟི་སྟངས་ལ། །
ཡིད་ཀྱི་འདབ་མ་ཟུམ་པའི་ཆོ་ག་དག །
བསྐུལ་བ་མེད་ཀྱང་བདག་གིར་ལེན་བཞིན་སོང་། །
༢༧༦ དུ་མའི་ལོ་རྒྱུས་གཏམས་གྱིས་མཛེས་པ་དཔྱངས། །
བཀའ་བརྒྱུད་བསྟན་པའི་སྲུང་མ་དུད་སོལ་མ། །
ལུང་བའི་ཕུ་ལ་བརྟོལ་བའི་སྐྱེ་བོ་དག །
ཐོག་མའི་ལྟ་བྱེད་འཛུམ་པའི་ཡུལ་དུ་གྱུར། །
༢༧༧ རྣམ་དཀར་སྡེ་འདིའི་རྟེན་གྱི་ཕུལ་ཏུ་གྱུར། །
མར་པའི་ཟངས་ཕུག་མཇལ་བའི་སྔ་རོལ་དུ། །
ནཱ་རོ་ཇྙ་ན་སིདྡྷི་གནས་དེར་གཤེགས། །
བསྟིམ་པའི་བྲག་རིར་སྐུ་རིས་ད་དུང་གསལ། །
༢༧༨ མར་པ་ཆོས་ཀྱིས་བློ་གྲོས་དཔལ་ཉིད་ཀྱིས། །
ཚེ་དཔག་མེད་པའི་སྒྲུབ་པ་བྱས་པའི་ཕུག །
ཚེ་གེགས་ཞི་ཞིང་ཚེ་རྒྱུན་བསྲིངས་བ་ཡི། །
ཚེ་ཆུ་ཡན་ལག་བརྒྱད་ད་དུང་འབབ། །
༢༧༩ གང་གི་ཐུགས་ཀྱི་བུ་ཆེན་རྣམ་བཞི་ཡི། །
སྒྲུབ་ཕུག་བལྟ་བས་ཆོག་མི་ཤེས་པ་དག །
ཕྲེང་ལ་བསྟར་བའི་རི་མོ་ལྟ་ན་སྡུག །
མར་པའི་སྒྲུབ་ཕུག་གང་གི་གམ་དུ་ལྷམ། །
༢༨༠ ཡང་སྟེང་གཞལ་ཡས་ཁང་ན་འཛུམ་པ་གང་། །
མར་པའི་ཟངས་ཕུག་ཅེས་པའི་མཚན་གྱི་རིས། །
འཛུམ་ཞིང་ངོ་མཚར་བཀོད་པ་ངག་འདབ་ལ། །
ལེན་པའི་གནས་སུ་བདག་ནི་ཅིར་ཡང་ངལ། །
༢༨༡ གྲུབ་བརྙེས་མར་པ་ཆོས་ཀྱི་བློ་གྲོས་དཔལ། །
གང་གིས་རྡོ་ལ་བྲིས་པའི་ཞབས་རིས་དང་། །
རྡོ་ཡི་མཎྜལ་སྤྱན་གཟིགས་རང་བྱོན་དག །
ཟངས་ཕུག་གང་གི་གམ་ན་སྤྱི་བོར་ལེན། །
༢༨༢ འཁོར་ལ་ཆོས་འཁོར་བསྐོར་བའི་གནས་ཉིད་དང་། །
འཕགས་ཡུལ་བསིལ་བ་ཚལ་གྱི་དུར་ཁྲོད་ཟླར། །
ལྷགས་པའི་གྲོ་བོ་ལུང་གི་དུར་ཁྲོད་སོགས། །
འདྲེན་བྱེད་ལམ་དུ་དྲངས་བའི་ལས་ལ་འཐམ། །
༢༨༣ དེ་ནས་སྔར་ཀྱི་གཙུག་ལག་འོག་ཉིད་ལ། །
མཇལ་ཁ་ཞུ་བཞིན་ཐོས་དང་བསམ་པ་ཡི། །
ཀློག་པའི་ཆོས་ལ་བརྩོན་པར་ཡིད་རེ་འཁྲེངས། །
ལྷོ་བྲག་རྫོང་ལ་དལ་འབབ་རྒྱུན་དང་འགྲོགས། །
༧.༢༠ཉིན་ལྷོ་བྲག་མཁར་ཆུ་དགོན་དགའ་ལྡན་བདུད་འཇོམས་གླིང་ནས་སྲས་མཁར་དགུ་ཐོག་དང་གྲོལ་བོ་ལུང་སོགས་ལ་མཇལ་ཁ་ཞུས་ཏེ་ལྷོ་བྲག་རྫོང་ལ་བགྲོད་པའི་ཟིན་ཐུན།#✍️ དྲང་འཇུག།#
མཛེས་པར་དཀྲི་བའི་དུས་ལ་མིག་གི་རིས། །
གཡང་གཟར་ངོགས་ལ་གྱེན་དུ་དཔྱངས་པ་ཡི། །
སྐས་ཀྱི་ཐེམ་པར་འཛུམ་བཞིན་རྒྱུ་བར་ཕྱོགས། །
༢༥༥ དུ་མའི་ཐེམ་པ་བརྒལ་བའི་ཡང་སྟེང་ན། །
མཁའ་སྤྱོད་ཞིང་ནས་ཕེབས་པའི་མཁའ་འགྲོ་དག །
རྡོ་རྗེ་གར་གྱི་སྟངས་སྟབས་ངོམས་པ་ཡི། །
ཞབས་སྐྱེས་རི་མོ་བསྟར་བ་ཉེ་བར་མཇལ། །
༢༥༦ དེ་དང་ཆེན་པོའི་བར་ཐག་མི་ཆོད་པར། །
བཀའ་བརྒྱད་བདེ་གཤེགས་འདུས་པའི་དཀྱིལ་འཁོར་དང་། །
འཕགས་མཆོག་ཐུགས་རྗེ་ཆེན་པོའི་དཀྱིལ་འཁོར་གཉིས། །
བྲག་སྐྱིབས་ངོས་སུ་རང་བྱོན་གསལ་ལྷང་ངེ་། །
༢༥༧ སླར་ཡང་ཐེམ་པ་བཅད་པར་གཡས་དང་མདུན། །
ལྟ་བྱེད་འཕོས་པའི་ངང་ཚུལ་མ་བརྟུལ་ན། །
རྒྱལ་མཚན་རང་བྱོན་ཐུབ་དབང་ཤཱཀྱའི་རྒྱལ། །
གང་གི་དབུ་་རང་བྱོན་དེ་ཡང་གསལ་བར་མཇལ། །
༢༥༨ དེ་ནས་མཐོང་བྱེད་ཟུམ་པའི་ཆོ་ག་བརྟུལ། །
ཕར་ལ་ཕྱོགས་ན་བཻ་རོའི་སྒྲུབ་ཕུག་དང་། །
བཀའ་གདམས་མཆོད་རྟེན་རང་བྱོན་ལྟ་ན་སྡུག །
དད་འདུད་སྙེ་མ་བདའ་བའི་གཉེན་དུ་འཛུམ། །
༢༥༩ ཡང་སྟེང་བྲག་རིའི་རྩེ་ལ་འབྱོར་བ་ན། །
བག་ཡངས་རྒྱུ་བའི་རི་སྐྱེས་བུ་མོ་དང་། །
རྨ་བྱའི་མཛེས་པ་འཕྲོག་པའི་འདབ་ལྡན་དག །
ཕྱོགས་ཀྱི་མགྲོན་པོའི་ཡིད་སེམས་རྐུ་བར་འཇུག །
༢༦༠ ལག་འཁོར་ཕྲེང་ལ་བསྟར་བའི་སྐོར་ལམ་དེ། །
རྡོག་ཁྲེས་རྒྱབ་ལ་འཁུར་བཞིན་བཅད་པ་ན། །
ཆོས་སྡེའི་འདབས་སུ་བསྐོར་བའི་ནགས་ཚལ་ནས། །
འདབ་ཆགས་གྲེ་བ་འགུལ་བཞིན་བདེ་མོ་འཇོག །
༢༦༡ དེ་ནས་རེ་བའི་འདུན་མ་ནུབ་ཀྱི་ཕྱོགས། །
ཕྱོགས་བཞིན་རྒྱུ་བའི་ལམ་དག་བཅད་པ་ན། །
མཁོ་མཐིང་གསེར་གྱི་ལྷ་ཁང་འགྲམ་དུ་ལྷགས། །
སོར་བཅུ་ཟིམ་པའི་བརྟུལ་ཞུགས་བདག་གིར་བྱས། །
༢༦༢ མེས་པོ་མིག་མི་འཛུམ་པའི་སྤྲུལ་བའི་གར། །
ཆོས་རྒྱལ་སྲོང་བཙན་སྒམ་པོ་ཉིད་ཀྱིས་ནི། །
མཐའ་འདུལ་དཔལ་དུ་སྲིན་མོའི་གྲུ་མོ་གཡོན། །
བཞེངས་བའི་གྲགས་པ་སྨྲ་བའི་འདབ་མར་ཐོགས། །
༢༦༣ ལྷ་གཅིག་ཀོང་ཇོས་ལེགས་བྱས་འོ་མའི་མཚོ། །
བསྲུབས་སླད་གཙུག་ལག་ནང་གི་ས་ཡི་གཞིར། །
གཡུ་ཡི་ཞུན་མ་གཅལ་དུ་བཀྲམ་པ་ཡི། །
དུམ་བུ་འགའ་ཡང་མིག་གི་ལམ་དུ་ལྷུང་། །
༢༦༤ བྱིན་རྟེན་ཕྲེང་ལ་བསྟར་ཞིང་གཏེར་ཁང་དང་། །
སྔོན་བྱོན་བཟོ་བོའི་པུར་ལས་འཁྲུངས་པའི་རིས། །
མ་ལུས་ཟུར་གནས་ཡིད་ཀྱི་བརྟན་པ་གང་། །
འགོག་པའི་ཆོ་གར་བྲེལ་བ་ཨེ་མ་མཚར། །
༢༦༥ དེ་ནས་རེ་བའི་འདུན་མ་སྲས་མཁར་ལ། །
ཐོགས་ཀྱིན་གྱ་གྱུར་འཁྱུག་པའི་ལམ་བུ་དག །
རྐང་པའི་འདེགས་འཇོག་ཉིད་ལ་མ་བསྟེན་པར། །
མྱུར་བར་འཁོར་བའི་འཁོར་ལོ་ཉིད་ཀྱིས་བཅད། །
༢༦༦ ཆུ་གསུམ་འདུས་པའི་ལྷོ་ཡི་ལུང་བ་བརྟོལ། །
བལྟ་བས་མི་ངོམས་སྲས་མཁར་དགུ་ཐོག་ཅེས། །
ཐོས་འཛིན་ཁུང་བུ་སྔོན་ནས་བསྒུལ་བ་གང་། །
མངོན་སུམ་མིག་གི་བདུད་རྩིར་ཉེ་བར་བླངས། །
༢༦༧ ཐོག་མའི་མཇལ་ཁ་གཙུག་ལག་ཁང་ལ་ཞུས། །
སྔོན་གྱི་དུས་སུ་བྱས་པའི་གྱང་རིས་དང་། །
སངས་རྒྱས་རབ་བདུན་ལ་སོགས་སྐུ་ཡི་རྟེན། །
དུ་མའི་རྟེན་དག་དང་བའི་སོར་རྩེར་བཏེགས། །
༢༦༨ གོམས་པའི་སྟབས་ཁ་དེ་ནས་སྲས་མཁར་ཞེས། །
རིམ་པ་དགུ་ཡི་ཆོས་ཀྱིས་འཁྱུད་པ་ལ། །
ཕྱོགས་ཏེ་རྟེན་གྱི་གཙོ་བོ་མི་ལ་རྗེའི། །
གསེར་ཀྱི་སྐུ་མཆོག་གཙུག་གི་ཏོག་ཏུ་བླངས། །
༢༦༩ རིམ་པ་རེ་རེའི་ཐེམ་པར་འཛེགས་པ་ན། །
སྒྲ་སྒྱུར་རྒྱལ་པོ་མར་བ་ལོ་ཙཱ་དང་། །
བདག་མེད་མ་ཡི་སྒྲུབ་ཁང་ལ་སོགས་པར། །
བཅོས་མིན་གུས་པ་འཆའ་བཞིན་ཡང་སྟེང་ལྷགས། །
༢༧༠ རྩེ་མོར་བསྐོར་བའི་འཇིགས་བཅས་ཁྱེ་འུ་ལ། །
བདག་གིར་འཛིན་པའི་ལས་སུ་མ་ཞུགས་པར། །
དད་འདུན་མྱུ་གུ་འཁྲུངས་པའི་སྐྱེ་བོའི་གྲལ། །
སྲས་མཁར་རྩེ་ནས་བསྐོར་བ་ལན་གསུམ་ཞུས། །
༢༧༡ དེ་ནས་བཀའ་བརྒྱད་བསྟན་པའི་ཆུ་འགོ་ཞེས། །
དོན་མཐུན་སྙན་པའི་བ་དན་དགུང་ལ་རེག །
མར་པའི་ཐུགས་བསྐྱེད་ཆུ་གཏེར་བསྲུབས་པ་ལས། །
ལེགས་འཁྲུངས་གྲོ་བོ་ལུང་ལ་མཇལ་དུ་ཕྱིན། །
༢༧༢ འཁྱུག་འགྲོས་རི་མོ་འབྲི་བའི་བར་གླགས་ནས། །
ཐོབ་ཐང་བདག་གིར་བཞེས་པའི་ཚོགས་ལ་དུད། །
བཤད་སྒྲུབ་ཉི་ཟླའི་སྤྲིན་ཕུང་གཏིབས་པའི་ཕྱོགས། །
ངལ་བ་བརྟུལ་བའི་རླངས་འཁོར་ནང་ནས་བགྲོད། །
༢༧༣ ཐོག་མའི་སྒེ་ཐེམ་ཉེ་བར་བརྟོལ་བ་ན། །
ཉི་ཟླའི་རྣ་ཆ་དཔྱངས་པའི་ཀེ་ལ་ཤ །
སྟག་སེང་ཁྱུང་དང་རྒོད་པོ་མ་བུ་ཅན། །
མཐོན་པོའི་ཀ་བར་འགྱིང་བ་གསལ་ལམ་མེ། །
༢༧༤ ལྷ་ངོ་གསལ་བའི་གཉེར་བ་མ་མཆིས་ཀྱང་། །
བརྗིད་ལྡན་སྐུ་ཡི་རྟེན་དག་མཛེས་པར་བསྟར། །
དབང་མེད་དང་བ་འདྲེན་པའི་གཉེན་དག་ལ། །
མཇལ་ཁ་རྫོགས་རྗེས་ལུང་བའི་ཕུ་ལ་ཕྱོགས། །
༢༧༥ སྒྲུབ་པའི་རྒྱལ་མཚར་སྡུག་གུར་སྒྲེང་བ་ཡི། །
བྱེད་པོ་དག་གིས་གུས་པའི་བསྟི་སྟངས་ལ། །
ཡིད་ཀྱི་འདབ་མ་ཟུམ་པའི་ཆོ་ག་དག །
བསྐུལ་བ་མེད་ཀྱང་བདག་གིར་ལེན་བཞིན་སོང་། །
༢༧༦ དུ་མའི་ལོ་རྒྱུས་གཏམས་གྱིས་མཛེས་པ་དཔྱངས། །
བཀའ་བརྒྱུད་བསྟན་པའི་སྲུང་མ་དུད་སོལ་མ། །
ལུང་བའི་ཕུ་ལ་བརྟོལ་བའི་སྐྱེ་བོ་དག །
ཐོག་མའི་ལྟ་བྱེད་འཛུམ་པའི་ཡུལ་དུ་གྱུར། །
༢༧༧ རྣམ་དཀར་སྡེ་འདིའི་རྟེན་གྱི་ཕུལ་ཏུ་གྱུར། །
མར་པའི་ཟངས་ཕུག་མཇལ་བའི་སྔ་རོལ་དུ། །
ནཱ་རོ་ཇྙ་ན་སིདྡྷི་གནས་དེར་གཤེགས། །
བསྟིམ་པའི་བྲག་རིར་སྐུ་རིས་ད་དུང་གསལ། །
༢༧༨ མར་པ་ཆོས་ཀྱིས་བློ་གྲོས་དཔལ་ཉིད་ཀྱིས། །
ཚེ་དཔག་མེད་པའི་སྒྲུབ་པ་བྱས་པའི་ཕུག །
ཚེ་གེགས་ཞི་ཞིང་ཚེ་རྒྱུན་བསྲིངས་བ་ཡི། །
ཚེ་ཆུ་ཡན་ལག་བརྒྱད་ད་དུང་འབབ། །
༢༧༩ གང་གི་ཐུགས་ཀྱི་བུ་ཆེན་རྣམ་བཞི་ཡི། །
སྒྲུབ་ཕུག་བལྟ་བས་ཆོག་མི་ཤེས་པ་དག །
ཕྲེང་ལ་བསྟར་བའི་རི་མོ་ལྟ་ན་སྡུག །
མར་པའི་སྒྲུབ་ཕུག་གང་གི་གམ་དུ་ལྷམ། །
༢༨༠ ཡང་སྟེང་གཞལ་ཡས་ཁང་ན་འཛུམ་པ་གང་། །
མར་པའི་ཟངས་ཕུག་ཅེས་པའི་མཚན་གྱི་རིས། །
འཛུམ་ཞིང་ངོ་མཚར་བཀོད་པ་ངག་འདབ་ལ། །
ལེན་པའི་གནས་སུ་བདག་ནི་ཅིར་ཡང་ངལ། །
༢༨༡ གྲུབ་བརྙེས་མར་པ་ཆོས་ཀྱི་བློ་གྲོས་དཔལ། །
གང་གིས་རྡོ་ལ་བྲིས་པའི་ཞབས་རིས་དང་། །
རྡོ་ཡི་མཎྜལ་སྤྱན་གཟིགས་རང་བྱོན་དག །
ཟངས་ཕུག་གང་གི་གམ་ན་སྤྱི་བོར་ལེན། །
༢༨༢ འཁོར་ལ་ཆོས་འཁོར་བསྐོར་བའི་གནས་ཉིད་དང་། །
འཕགས་ཡུལ་བསིལ་བ་ཚལ་གྱི་དུར་ཁྲོད་ཟླར། །
ལྷགས་པའི་གྲོ་བོ་ལུང་གི་དུར་ཁྲོད་སོགས། །
འདྲེན་བྱེད་ལམ་དུ་དྲངས་བའི་ལས་ལ་འཐམ། །
༢༨༣ དེ་ནས་སྔར་ཀྱི་གཙུག་ལག་འོག་ཉིད་ལ། །
མཇལ་ཁ་ཞུ་བཞིན་ཐོས་དང་བསམ་པ་ཡི། །
ཀློག་པའི་ཆོས་ལ་བརྩོན་པར་ཡིད་རེ་འཁྲེངས། །
ལྷོ་བྲག་རྫོང་ལ་དལ་འབབ་རྒྱུན་དང་འགྲོགས། །
༧.༢༠ཉིན་ལྷོ་བྲག་མཁར་ཆུ་དགོན་དགའ་ལྡན་བདུད་འཇོམས་གླིང་ནས་སྲས་མཁར་དགུ་ཐོག་དང་གྲོལ་བོ་ལུང་སོགས་ལ་མཇལ་ཁ་ཞུས་ཏེ་ལྷོ་བྲག་རྫོང་ལ་བགྲོད་པའི་ཟིན་ཐུན།#✍️ དྲང་འཇུག།#
གནོད་ཚིག་དུག་དང་འདྲ་བ་ལ། །
སྨན་དུ་འཛིན་པའི་སྐྱེ་བོ་ནི། །
ས་ཡི་རྡུལ་ལས་མང་མཐོང་བས། །
འགྲོ་ལ་སྙིང་རྗེ་ངང་གིས་སྐྱེས། །
害人言语犹如毒
而其视为妙药者
多似大地尘之故
于众悲心任运生 https://t.cn/z8AtNUN
སྨན་དུ་འཛིན་པའི་སྐྱེ་བོ་ནི། །
ས་ཡི་རྡུལ་ལས་མང་མཐོང་བས། །
འགྲོ་ལ་སྙིང་རྗེ་ངང་གིས་སྐྱེས། །
害人言语犹如毒
而其视为妙药者
多似大地尘之故
于众悲心任运生 https://t.cn/z8AtNUN
ཆོས་ཀྱི་གཞུང་ལུགས་མཐར་ཕྱིན་ཞར།།
མི་ཆོས་གཙང་མའི་ཁྱད་ཆོས་རྫོགས།།
ད་དུང་ཚན་རིག་རྣམ་བཞག་གསལ།།
དོན་གྱི་བློ་ལྡན་ཁྱེད་ལས་སུ།།
___ཧཱུྃ་ཀར་རྡོ་རྗེས།
མི་ཆོས་གཙང་མའི་ཁྱད་ཆོས་རྫོགས།།
ད་དུང་ཚན་རིག་རྣམ་བཞག་གསལ།།
དོན་གྱི་བློ་ལྡན་ཁྱེད་ལས་སུ།།
___ཧཱུྃ་ཀར་རྡོ་རྗེས།
✋热门推荐