࿐ཤར་ཕྱོགས་རི་བོའི་རྩེ་ནས།།
མུན་འཇོམས་ཟླ་བ་ཤར་བྱུང་།།
རྒྱང་རིང་བླ་མའི་ཞལ་རས།།
ཡིད་ལ་ཡང་ཡང་འཁོར་བྱུང་།།
འཛུམ་ཞལ་པད་མ་རང་གྲོལ།།
བརྩེ་ཆེན་ནམ་མཁའི་ནོར་བུ།།
སྨོན་འདུན་བྱེ་བ་ཕྲག་བརྒྱ།།
སེམས་ཀྱི་གཏིང་ནས་ཤོར་སོང།།
ཡིད་ཀྱི་དད་པའི་ཞིང་དུ།།
ཏིང་འཛིན་པིར་གྱིས་བྲིས་པའི།།
འཛུམ་ཞལ་རྟ་བདུན་དབང་བོ།།
ནམ་ཡང་མི་འགྱུར་རྟག་བརྟན།།
ལྷག་དཀར་བསུ།

࿐དགེ་འདུན་ཆོས་འཕེལ་གྱིས། དར་མའི་ན་ཚོད་དབྱར་གྱི་མེ་ཏོག་ཙམ།།མཛེས་པའི་བཀྲག་མདངས་དགུན་གྱི་འཇལ་ཚོན་ཙམ།།མི་ཡི་ཚེ་ལ་ཡུན་ལོང་མི་འདུག་པས།།ད་ནི་སྙིང་པོའི་ལྷ་ཆོས་བྱེད་པར་བྱ།། 更登曲培：妙龄韶华宛如夏日英，昳丽娇容瞬若冬时虹，此生寿数短促不久长，今当勤修精藏胜妙法。

࿐སྣ་ཚོགས་སྣོད་ཀྱི་དབྱེ་བ་མཐའ་ཡས་པའི། །
དང་བའི་ཆུ་ལ་སྤྲིན་བྲལ་ཟླ་གཟུགས་བཞིན། །
སྐལ་ལྡན་གྲངས་མེད་འགྲོ་ལ་ཅིག་ཅར་དུ། །
རྣམ་པ་དུ་མར་སྟོན་པ་ཁྱོད་ཀྱི་སྐུ། །
མཐའ་ཡས་གདུལ་བྱའི་སོམ་ཉིའི་དྲ་བ་རྣམས། །
སྐད་ཅིག་ཉིད་ལ་སོ་སོར་གཅོད་མཛད་ཅིང༌། །
ཡང་དག་དོན་ལ་བློ་གྲོས་མིག་འབྱེད་པའི། །
རྒྱུན་མི་འཆད་པར་སྒྲོག་པ་ཁྱོད་ཀྱི་གསུང༌། །
ཤེས་བྱ་ཀུན་ལ་རབ་འབྱམས་མཁྱེན་པ་འཕྲོ། །
རྒྱུད་ལྔའི་འགྲོ་ལ་ཐུགས་རྗེའི་གཞན་དབང་གྱུར། །
མཁྱེན་བརྩེའི་ནུས་པས་སྲིད་ཞིའི་འཇིགས་ལས་སྐྱོབ། །
འབད་རྩོལ་མཚན་མས་མི་གཡོ་ཁྱོད་ཀྱི་ཐུགས། །