久未露面的恬妞近日接受香港電台節目《守下留情》訪問，與主持人劉偉恒和梁禮勤談到由台灣來港拍戲的經歷。63歲的恬妞由童星入行，藝名恬妞由媽媽改，代表斯文、文靜的可愛小妹妹。她表示：「喺台灣我5歲就開始拍劇，10歲開始拍戲，幼稚園開始就自給自足賺學費，所以冇乜童年。不過正式踏入娛樂圈第一部電影係邵氏，當時家姐恬妮喺香港拍戲，我嚟探班，有人邀請我去演《射鵰英雄傳》。」

恬妞直言從小熱愛表演，父母每次一要求，她都樂意在親戚朋友面前唱歌跳舞，她十幾歲入行，20歲已經憑《蒂蒂日記》獲得多個電影大獎。恬妞多年來在中、港、台三地發展，但她對香港有種情意結，「香港對我有種講唔出嘅感激，香港觀眾好鍾意我，雖然我好少返香港，我講起都想喊……」恬妞突然在咪前哽咽，一度語塞說不出話，情緒冷靜過後才續說：「我唔明點解離開大家咁多年，我坐的士、巴士或者去買嘢，個個都戴住口罩，我出聲：『唔該司機……』，大家就認出我係恬妞，仲叫我快啲返香港拍戲，真係好感動。」她表示對香港有種形容不了的情懷，所以只要有合適的劇本，她都樂意來港拍攝，「香港人對我真係好好，唔知點解大家對我咁好，但我廣東話依然講得唔好。」

恬妞笑言自己真正開始學廣東話是因為《他來自江湖》，當年因離婚（與印尼華僑造紙廠商人葉聰豪婚後才得悉對方已有家室，後離婚）後不知何去何從，在好友介紹下認識曾志偉求工作機會。當時開拍《我愛太空人》，產後的她火速用兩星期減磅，並剪去長髮，她的決心獲曾志偉欣賞，最終決定在戲中用她。問到為何沒有選擇回台灣發展？恬妞說：「當時我離咗婚，唔知點樣面對，太多媒體去報道，係我呢一世人最冇面嘅一段時間。因為我個人好傳統，覺得女人結婚應該一世，當時唔識得面對，所以離開台灣。」她因《我》認識到萬梓良，後來對方引薦她加入無綫拍攝《他來自江湖》，成就經典劇集。「其實我入行咁多年，最鍾意兩個作品，就係《他來自江湖》同《少年英雄方世玉》，至今已經拍唔番。《他》劇入面好多好演員，全部人都係顛峰狀態，我演余姣，真真正正要學廣東話，真係好痛苦！」

恬妞坦言後來一度遇上事業的樽頸位，一心打算放棄幕前的工作，專心陪伴女兒成長，在加拿大生活兩年後，竟獲邀參演《少年英雄方世玉》。她表示起初是拒絕的，因為自己年紀只是大張衞健（Dicky）幾年，接受不到當他的媽媽，「後來最終答應去拍，第一日開機我已經喊到停唔到，想退錢走，因為Dicky啲廣東話好似機關槍咁快，點接？我話唔拍賠錢，因為太大挫敗感，話晒（自己）都係一個老演員，但不斷NG，好大打擊。後來Dicky主動鼓勵我，話一齊好好完成呢套戲，我好多謝佢，係佢令我鹹魚翻生。」她認為Dicky對工作要求嚴謹，《少》的成功，他的功勞佔一半，因他每場都會臨時加戲，為每位演員重新度橋，絕對是無私的奉獻；如今兩人雖然不常見面，但每逢節日來電問候時對方總是稱呼恬妞為「阿媽」。

如果有個男仔不搞曖昧
對你屋企人好
細心 專一 愛吃醋
又捨得為你花錢
咁 那個男的一定會輸[笑cry]

從來我都知道留得住你
並唔係對你有幾好
我又唔靚仔 又唔識講笑
成日管住你 好煩

前幾日去打針 搞掂啦
泰國開啦 不過重係好危險
啊⋯⋯
重記得我地係泰國好開心
見到好多天空酒吧都想試
孋孋最鐘意食蒸海鮮
睇咸濕野 同去Big C
機會好似唔再屬於我了[淚]

有一次 我哋係曼谷坐巴士
然後去咗個商場 （ ICON )
第一層係手信 你重不停試食
如果有機會再去
必須的上2樓
名牌bra 免稅野都好易搵
我覺得你可以行足成日
再去食野 然後按摩 酒吧直落[笑cry]

近排嚴查 頭痛藥都唔寄得
想同你補給下個藥箱
睇到個天咁落雨
又係時候買黃道益送去你屋企
香港7月11号後會比較寛鬆
周圍都會減價
而我目標係10月尾趕上泰國萬聖節

林作早前冒認為有「佛祖」和「東涌羅浩楷」之稱的落選港姐Kirsten（利愛安）的提名人，並揚言要眾籌100萬贊助她入決賽。Kirsten受訪時表明反對林作眾籌之舉。林作近日上載與Kirsten合照，表示兩人已和解。

他今日（27日）出席拍攝遊戲節目，續指與Kirsten已成為朋友，「講咗啲對佢嘅睇法，佢都好受落嘅，佢好感激有個人幫下手，都幾開心。」Kirsten反對林作以她名義眾籌，林作則表示Kirsten只是怕他呃錢，「佢而家知道呢啲係幽默。」又透露兩人有意之後合作拍攝約會廣告。

至於有網民鬧爆他借Kirsten上位無恥，他直認不諱，「我係無恥呀！係講事實啫！同佢講我係男人一樣呀！但我無敵呀嘛！最後都好多網民鍾意我。」又表示有興趣繼續抽港姐水，但不肯定無綫（TVB）會否繼續邀請他出席港姐決賽，「之前去睇港姐，搞咗啲風雨，佢好似唔係好鍾意我。」他又爆Kirsten哥哥有意追求裕美，「好好笑，佢問美美係咪單身，件事幾好笑，我有慫恿佢兩個出去約吓會。」