我釣魚的路（260）個人一晚過擔雖然我每年都出發沙巴幾次但係好耐冇寫過！我地去沙巴

首页发布

我釣魚的路（260）個人一晚過擔
雖然我每年都出發沙巴幾次但係好耐冇寫過！我地去沙巴吾釣深場因為大部份深場魚都吾會食，吾食就吾好去搞佢啦！我主要係釣50米～70米水深嘅淺場可供食用嘅魚較多！每次去最少都有400斤好穩陣！
30/4～5/5/2018三條一主隊又出發沙巴，到釣㸃都差不多晚飯時候！船拋好錨我用7號絲鉛上雙鈎釣組每鈎掛半條池仔落，一到地就有魚大口索落去，一抽頂住頂住吾係幾起到頭，頂咗一陣開始起，佢下下壓住不過吾使就都頂住上，扯咗分幾鐘終於到艇，三四斤藍瓜子斑！非常好嘅開始呀！老利呀！可能預兆今水要爆啦！鈎過餌又再落！冇咩魚仔食餌！上到嘅都係斤頭嘅紅身火㸃！釣多冇幾耐船家叫食飯，好！食飽先再搞你！
飯後個個都急急腳埋位釣魚，艇頭釣友用竿釣條十幾斤大海狼，沙巴三五斤海狼常有但係十幾斤尼種比較少，之後各人都陸續有魚上，釣下釣下見海面好多火箭魷，有幾位釣友就走去釣佢！我等佢地釣到就鈎嚟做餌！要知道魷仔係餌王咩魚都鍾意食！我換上10號絲天秤5米子線加大半呎鋼腳揀D細魷仔鈎落去（有D魷成呎長）！到底拎返起四米冇幾耐就一下重頭！我柔手領絲做好抽魚準備！一帶起大半米帶直咗子線佢就大大力鋤返落去！出力抽保證魚鈎有效穿過魚嘴，一抽中佢死命標！我扣實吾放！佢走到斜繩我亦感覺到魚絲切水嘅震動！白身魚！咩呢？咩都好扯得郁就大手扯！扯到半水佢又搏命陀返落去！我扣實吾俾！哎呀！吾俾吾得！我扣到死死被迫成個人扒咗半個身出去，佢仲隊到行！冇計！要俾D佢！俾咗四五米線又俾我強行剎停，一停就到我開力連隊佢五六手！上到快到艇佢又再惡！我又扒多次出去！你好嘢！好好力！我都好耐冇遇上惡魚啦！過手癮！佢惡埋尼次就冇貨賣啦！船家搭鈎一落又一條十幾斤大海狼！足足扯咗3分幾鐘啊！yeah！爽！釣上尼條魚之後就開始我大殺戮嘅一晚啦！又鈎魷魚再放！今次吾理大細照鈎！好快又有魚食！一抽中又係佢！又過足手癮幾分鐘！之後連上多三條，條條一樣大！我個 gopro拍視頻都拍爆咗張記憶卡！又要洗咗之前D片先再拍得，爽完5條海狼之後覺得好奇怪！㸃解咁多魚食餌都冇大青斑？成晚淨係第一口餌釣條藍瓜子？白身魚就釣吾少喎！好多斤裝紅身火㸃呀，幾斤嘅火車頭呀都有！就係冇斑！釣魚佬都係咁樣！得一想二！哈哈哈！算啦！有魚釣以經好好啦！再奮力作戰！不停都有吾少魚食餌！毒！食得咁氣勢？領直子線！佢叩頭！我大力抽預備佢又標走！冇！冇標走！責實個底吾起！哈哈哈！終於等到你啦！應該係斑！我頂頂頂你起頭！起到！吾大！10號絲好輕鬆！直立式就隊咗佢上嚟！六七斤青斑！終於俾我恨到啦！恨到都冇用！我地都吾會食到青斑！衰格！臨天光又俾我起多條七八斤大細鱗！真係第一次用魷仔釣到細鱗！一晚計數個人釣過擔！好玩好玩！

長片
https://t.cn/A6aUUfpB

本来是想着我们前几天态度缓和了一点想给你送几瓶褪黑素过去的，这个挺好吃的，吃了试用装效果也还不错。可是19号那天晚上你好生气，我坐在枢纽站楼下的花坛里待了好久，我就想你估计又会觉得我再给你添麻烦，让你没法跟你妈解释了，就只能带回来含泪吃三大瓶被迫规律作息了。
这次我忍住了没去c区，我也忍住了拦下滴滴强行要带你去上班的想法，尽管我都想好了所有情况的处理方案，你愿意上车不愿意上车的，但是我还是怕你不高兴。