9月9日踏入40歲的視后#胡定欣#，正忙於拍攝邵氏網劇《#廉政狙擊#》，6日晚一眾同劇演員#林夏薇#、#黃宗澤#、#方力申#、#陳展鵬#及#黃智雯#等送上驚喜，提早為她慶祝，高層樂易玲及何麗全也有到賀。期間，相識多年的小方肉緊地又攬又錫，貪玩的黃宗澤更把小方的面推向定欣，示意他獻吻，場面搞笑！往年生日，定欣都會舉行Fans聚會，無奈近年因種種原因而未能如願。日前有Fans為她舉辦相片展，令她非常感動：「好開心Fans好有心，有幾張好似係生日會、頒獎禮等同Fans嘅合照，係未有疫情時嘅回憶。個展覽仲有啲素未謀面嘅人去睇，雖然呢2、3年冇作品，但佢哋都願意花時間了解我係一個咩藝人，好開心！」
另外，有指她遷入南區風水屋，問是否事業、感情同樣順利？她笑說：「都希望有好轉，每個人有自己命數，So Far叫順利。（感情呢？）都係繼續向前路行，又唔會絕望，相信每個人都整定嘅。（姊妹有晒着落？）我又唔急，急嘅時候已經過晒。（同小方有冇可能？）識得太多年，反而想佢搵到好女友。（介紹筍盤畀佢？）我照顧好自己先啦！」

如何辨别你在广东长大

“等我變身先”“我覺得呢個人相當有可疑”“轉身射個三分波，哎呀！”“雞蛋六只，糖呢兩茶匙，再加点橙皮”。電視節目有好多種，但唔系個個節目都啱小朋友收睇
慢慢走，勿亂跑，馬路如虎口，交通規則要遵守，安全第一，Bubu命長久
打波先嚟落雨，唔通連個天，都唔中意我啊
夏天，為大地帶來雨水，疏導雨水，需要暢通嘅渠道～
日日開工都咁做，搞到耳都sak曬，聽嘢聽唔清
咁多人嘅？佢哋係義工架嘛
“唔好意思，香港腳發作。”“哼，用愛膚堅啦！”愛膚堅皮膚噴射劑，對香港腳確有功效。
食卡樂B薯片，千祈唔好問幾點
海外雇傭中心，我細細個就聽過呢個名喇，經佢哋挑選過嘅女傭超過八萬（十萬）人，睇下啲獎項。想揾個好嘅女傭，嚟間有名氣啲嘅，海外雇傭中心，冇介紹錯嘎！
今時今日，噉嘅服務態度点得噶！

陳煒嫁唔切趕住註冊　朱晨麗叫「姐夫」幫手搵好男人[许愿虎]視頻版https://t.cn/A6ioeexK

藝人#陳煒#（煒哥）與#朱晨麗#（朱朱）約3年前合作拍劇，感到特別投緣。煒哥如今嫁杏有期，她直言「等唔切」疫情告終，不排除先註冊結婚的可能，而朱朱趁虎年到來，笑言要沾對方桃花運，更開出擇偶條件，希望「姐夫」識做幫手牽紅線。

煒哥與朱朱齊祝粉絲虎年甜甜蜜蜜，未婚的早日蜜運成功﹗談到自己的婚期，煒哥表示：「本來諗住四月，但依家疫情相信都準備唔切，不過無論如何，我都會請朱朱做我姐妹團成員。（諗住押後婚禮到幾時？）我唔係咁想等疫情完晒，可能會先註冊。（即係幾時？）都時話你知。」問到朱朱會否要求煒哥介紹好男仔給她，煒哥即表示「有筍盤」，朱朱卻半開玩笑答：「冇飯食（指晚上6時後沒有堂食）點約人呀？（擇偶有乜條件？）要好似姐夫（煒哥未婚夫）咁，高大威猛、人好同孝順咁囉。」

朱朱 @朱晨丽rebecca 踏入虎年即有「新開始」，約有年多未有參與劇集拍攝的她宣布「復出」：「今次好開心喺《輕．功》內同祥哥（黎耀祥）合作，乘機跟佢學嘢。今次個角色好有挑戰性，我扮演嘅化妝師有啲藝術家特質。」煒哥 @陳煒 與另一視帝郭晉安（安仔）合拍的重頭劇《回歸》則於初四開鏡：「我都未同佢合作過，好有新鮮感呀。」據悉這部新劇講述煒哥與安仔離婚後，前者帶着兒子吳偉豪北上發展，後者則留港與另一兒子周嘉洛留港闖天地，有人推測煒哥不難憑此劇明年登視后寶座。

由於開工關係，這個農曆新年朱朱未能返家鄉與家人團聚：「呢個新年相信會好難忘。其實我嚟咗香港發展咁耐，都未試過唔返鄉下過年，依家惟有靠視像同家人『雲拜年』，希望煒哥唔好掉低我，同姐夫分少少時間，等我感受吓家庭溫暖。」煒哥則不經意放閃說：「疫情之前嘅農曆年，我去咗加拿大登台，咁啱男朋友得閒，嗰時啱啱拍拖，佢就陪我過去，工作之餘我哋仲一齊去睇瀑布，感覺好震撼。」問朱朱當初知道好友拍拖後，有否「多加意見」，她笑答：「煒哥唔問我都會講，我第一眼見到就覺得佢哋好襯，仲索性叫姐夫添。煒哥好清楚自己要啲乜嘅，我就喺旁邊煽風點火，睇吓佢哋幾時火燭啫，哈哈！」（場地提供﹕東港城）