寄出唔只係一件包裹，亦係一個心願！
雖然事隔4年多，妳同我所講嘅嘢，只要我望住妳，就係聽到，亦都記住，冇反應唔代表聽唔到，只係我哋一齊嗰段時間正正係我人生最累嘅時段，趕上嚟去醫院喺妳病床都可以趴低瞓著妳就知，當時我聽到妳講：「你攰成咁！」我冇反應但聽到，其他說話都係，冇反應係我個腦真係好似空白咁，俾唔到反應！
傻女，一齊咁耐，妳只係同我講過一次想買一樣嘢，「我知道妳只係想我陪妳買」當時唔啱心水，買唔到。
有次上網睇到呢個款，覺得幾好，我就去實店買咗，作為妳生日禮物！唔知道妳而家仲啱唔啱用，但希望妳鐘意！
順丰要收件人身分證上傳，但仲有成半個月先係妳生日，想俾驚喜妳同埋唔想解釋一輪，所以托朋友收件再轉寄俾妳，而家疫情速遞亂晒籠，希望妳生日當天收到！
我唔知妳有冇轉電話、地址，我只能填我所知嘅電話、地址，唔理咁多照寄，我做我認為要做嘅事個心就舒服！亦希望妳要活得開心！

【退休女校長變全職義工 率婦女們走到社區抗疫】

「人生下半場，要做啲有意義嘅事」，在教育界深耕30多年，曾任幼稚園校長的植秀儀（Candy）在人生進入下半場之時，成為了一名全職義工。她與多年共事的義工夥伴，在居住的沙田第一城區創辦社企植皂坊及植皂坊義工隊，以手工、種植為媒介，協助基層婦女投入社會，並將愛由幼童推廣至基層及弱勢人士。

多年來在社區深耕建立的網絡，在疫情危難時起了作用。有一機構收到一位居住於沙田的80歲獨居確診長者求助，希望有人為她送去一些食物，Candy接到轉介後，迅速與婆婆取得了聯繫，「婆婆嘅要求好簡單，希望買啲雞蛋、公仔麵、麵包畀佢。我就買咗大概200蚊嘅食物送咗畀佢，感受到婆婆收到物資好開心。」

「同我哋有聯繫嘅好多基層婦女，其實家庭本身都唔係好富裕。見到我哋派呢啲物資，佢哋真係同我哋講，屋企呢啲嘢啱啱好用晒了，你哋送來真係太好了。我都感覺好感動。」談起街坊的真誠感謝，Candy回想起仍然充滿感觸。不僅送物資，Candy亦聯同婦女們積極參與其他抗疫義工工作，包裝防疫包，外展疫苗接種服務都有她們的身影，是第一城小區的抗疫行動小隊之一。

Candy以植物作媒介聯繫社區內的婦女力量，她形容收穫為媽媽、婆婆、嫲嫲們創造新機會，五年來的友情脈絡延伸，疫情下的關愛互助，感恩過去的堅持。

回想起第五波疫情的經歷，Candy歸納自身的經歷，認為地區義工在抗疫中發揮了巨大的作用。「我哋社區義工係人力，其他團體提供實際資源，透過系統化統籌下大家一起做到嘢。」她又對新一任政府提出的服務和關愛隊伍，成立系統性義工網絡，支援政府的地區工作的方向表示贊同。「大家眾志成城，集思廣益，可以為社區做多好多嘢。」

#全港抗疫義工同盟#
#全港社區抗疫連線#
加入十八區抗疫愛心隊：
https://t.cn/A6a7Lh6j

成日聽人講話要做啲乜嘢去減壓，小弟又真係無乜呢啲經驗，可能因為人生無乜沖擊、無乜追求，所以都唔十分清楚壓力這回事。追求，都係留番畀有能力嘅人。
夠兩餐，加多兩杯，身邊人個個精精神神開開心心，其他都唔輪到我去求。有時候發吓呆，幻想坐火箭，睇吓星星月亮太陽，神吓神吓又係一日。都市人可能覺得無無謂謂，我卻感覺心如止水，海闊天空。
Have a good week ahead Knuckleheads ~
#PhotographyIsFun #CanonEOS6D #願我會揸火箭 #無需要太多 #心如止水 #海闊天空