#小葵的一天# 小葵確診個晚，我帶了佢去見姑媽，我地無同姑媽講咩事，純粹話帶小葵出去，經過睇睇佢。姑媽幾年無見過小葵了，因為我地住七樓，姑媽爬樓梯吃力，個晚姑媽見到小葵，眼泛淚光，似乎有感應一般。琴日中午叫大葵煲個豬雜粥，小葵鍾意吃，而且我又想送油炸鬼吃。特登買多2條油炸鬼，因為叫左姑媽晚上過來吃飯，佢以前會整油炸鬼蒸水蛋比我吃，然後買半隻手撕雞我一個人吃。佢唔捨得吃的。所以我安排大葵夜晚整油炸鬼蒸水蛋，手撕鹽焗雞，煲個湯，薑蔥炒鮑片。下午同小葵一起去接姑媽，小葵伸個頭出去吹風，姑媽一直笑住話小葵好風騷，你睇下，隻衰仔好風騷。姑媽一直話，小葵肥左好多啊，肯定主人好伙食比你啦，以前姑媽係度個時，餵得你唔夠好。
我無講出個事實，小葵瘦左好多，只係肚裡面全部都係水，所以肚腩大。
姑媽一直讚小葵好靚仔。
我話係呢，尤其側顏！好似人咁！
姑媽話，係咯係咯！
我專門搵左d80年代的粵語經典歌播比姑媽聽，播到『千千厥歌』的時候，姑媽話：呢d歌呢家聽唔到了，真系好聽，好值得回憶。
我對陳慧嫻有頗為深刻的記憶，係我小學低年級的時候，我會自己係屋企開卡拉ok唱k.陳慧嫻隻碟的全部歌，係我大概2年級的時候，我就識唱了，以前姑媽會來照顧我，有次佢臨走前，我就開始唱陳慧嫻了又⋯⋯我突然唸，好似我呢種神童放係現今，我娘應該日日錄我上朋友村，獲得無數人的誇獎[笑cry][笑cry][笑cry][笑cry]番到屋企之後，我繼續開音樂比姑媽聽，佢話呢家聽唔到呢d歌了，我先驟然唸到，佢地無途徑可以自己搵呢d音樂來聽，翡翠台都唔播了，確實。
仲有陳百強的『一生何求』等等⋯⋯
小葵一直陪住姑媽姑丈，四處撒嬌要人摸摸佢，熱情招呼左姑媽地大半日，按最近的日常系，小葵會自己一個趴係陽台了無生趣。但呢日佢熱情好客，亦特別胃口好，係我地飯台痴車咁轉，一直渴望的小眼神要你比嘢佢吃，吃到大家都話好啦，咪頂住個肚辛苦。我話佢平時無咁好胃口。
我用拍立得幫姑媽同小葵影左張合照，剛好小葵又望鏡頭，2個都係咧嘴笑的，好鍾意呢張，姑媽將相收好，佢話做紀念。
吃飯的時候，我同姑媽講，以前你整過油炸鬼蒸水蛋我吃，所以今晚吩咐大葵整多次。姑媽話：係咩？我唔記得啦。
但係我，印象好深，雖然小學一二年級的事情了。
水蛋蒸得好滑，放油炸鬼幾香口，姑媽話真系好吃，佢仲叫姑丈吃多d，自己整唔到咁靚。
小葵全程陪住大家，姑媽問佢，係咪你又過六一兒童節啊？
我仲專門幫小葵換了件馬德鐘戰衣比姑媽睇，姑媽大讚靚仔[哈哈]
我話佢秉承我地家族基因，眼大[哈哈][哈哈][哈哈][哈哈]
飯後我去洗碗，大葵老淚縱橫，然後廳裡面傳來一片掌聲。
你睇，我幾時都話，識得多做得多，平時日日洗，就無人讚你了，十年洗一次，你就成為萬丈光芒的好孩子了！
飯後車姑媽姑丈家姐佢地番屋，我播許冠傑比佢地聽。家姐話，以前唔覺得佢唱得好聽，呢家別有一番感覺。
就係個句，初聽不識曲中意，再聽已是曲中人。

哩位仁兄就有见解了 唔明白点解会咁多人睇噶个堆人自己反思下啦 无再拖累哩个世界 你地牙住个世界咁耐 唔见有咩进展？证明唔掂啰 白马王子灰姑娘？睇下宜家d男人？有几多个系真男人？再睇下d女人自己乜新鲜萝卜皮？救你？你凭乜嘚架？趋势就系仁兄讲噶咁 如果再唔变 人类灭亡就有份 无望美好将来了 不是说看的人就正确 乜都系哩个☯️ 当中的道就是用来约束调整 大家要找到大致认同的道才能走下去 祂已经定了 剩下的就是执行 跟不上的只能淘汰 连生命存在的资格都会丧失 各位加油吧

diu辛辛苦苦捧了个镜出黎，結果係賣飛炒車
一陣又話加入fan club有抽籤飛，一陣又話都係要係城市網賣飛，結果fans由朝早10點load到夜晚8點都未買到，怨氣沖天
結果好似都無睇到咩有效公關，反而po出個mirror去日本出show嘅新聞 等fans越黎越惱，其實佢地究竟想點呢，嫌自己日子過得太好唔想今年賺10億？？？
希望唔好見到公關失敗鏡子落敗嘅新聞啦，望佢地好啫