དུང་དཀར་ཚང་གི༼རིག་པའི་སྒྲོན་མེ༽ཀློག་སྐབས་རྒྱ་གར་གྱི་རིག་བྱེད་གཏམ་རྒྱུད་བཞི་ཞེས་གྲངས་འདྲེན་བྱས་ཡོད་མོད། གསུམ་མ་གཏོགས་མཐོང་མ་བྱུང་། ཉིན་འགའི་སྔོན་ལ་པྲ་སྟི་རིན་ཆེན་དོན་གྲུབ་ཀྱི༼སུམ་ཅུ་བའི་རྣམ་བཤད་ཀུན་བཟང་དགོངས་རྒྱན༽རོང་བོ་དགེ་བཤེས་བློ་བཟང་སྙན་གྲགས་ཀྱིས་དཔེ་ཁྲིད་གནང་བའི་སྒྲ་ཐག་ལ་ཉན་ཞོར་ཀློག་སྐབས་སྔོན་མ་རིག་པའི་སྒྲོན་མེའི་ནང་དུ་རིག་བྱེད་གཏམ་རྒྱུད་གཅིག་མ་ཚང་བ་དེ་མཐོང་སོང་། དེ་ནི་སྙན་ཚིག་གི་རིག་བྱེད་ཅེས་པ་དེ་རེད། དེ་ནས་རིག་བྱེད་གཏམ་རྒྱུད་བཞི་སྟེ་གྲངས་དང་བཅས་ཡིད་ལ་འཛིན་བདེ་ཞིག་བྱུང་སོང་། “༡ སྲིད་སྲུང་གི་རིག་བྱེད། ༢ངེས་བརྗོད་ཀྱི་རིག་བྱེད། ༣མཆོད་སྦྱིན་གྱི་རིག་བྱེད། ༤སྙན་ཚིག་གི་རིག་བྱེད”ཅེས་ཡིད་ལ་བཟུང་། རོང་བོ་བློ་བཟང་སྙན་གྲགས་ཀྱི་དཔེ་ཁྲིད་ལ་ཉན་སྐབས་དེ་ལས་གཞན་ད་དུང་རྒྱ་གར་ཞེས་མི་རིགས་དེར་མིང་དེ་འདྲ་ཞིག་ཐོགས་ཚུལ་ནི། གཅིག་གྱོན་གོས་ཀྱི་ཆ་ནས་ཐོགས་པ་དང་། གཉིས་ས་དེའི་མི་རྣམས་གླུ་ལེན་གར་རྩེ་ལ་མཁས་པས་ཐོགས་པ་སོགས་དང་། ད་དུང་པྲ་སྟི་དང་པྲ་ཏི་ཞེས་སྟི་དང་ཏི་གཉིས་ཇི་ལྟར་བྱུང་ཚུལ་དང་། སུམ་ཅུ་བའི་མགོར་རྒྱ་གར་སྐད་དུ“བྱཱ་ཀ་ར་ཎ་མཱུ་ལ་ཏྲིཾ་ཤད་ནཱ་མ། དང་བྱཱ་ཀ་ར་ཎ་ཏྲིཾ་ཤད་ནཱ་མ”ཞེས་མཱུ་ལ་དེ་བོད་སྐད་དུ་རྩ་བ་ཞེས་པ་དེ་ནི་འཇོག་མི་འཇོག་གཉིས་བྱུང་ཚུལ་མཁས་པ་རེ་རེའི་དགོངས་དོན་གཅིག་གཅིག་གཉིས་གཉིས་བྱས་ནས་གསུངས་སོང་བས་བློ་སྐྱེད་མང་བོ་རེག་སོང་། ངོ་མ་ཁོང་ལ་བཀའ་དྲིན་ལན་མང་ཞུ་བཞིན་ཡོད། ཉིན་འདི་ཚོར་དཔེ་ཀློག་བྱེད་ཁོམ་མེད་པས། གོང་གི་ཤེས་བྱ་དེ་དག་མི་བརྗེད་པས་ཆེད་དུ་ལས་ཀའི་བར་གསེང་ནས་ཨོང་དོ་ཐང་ལ་བཞག་ནས་ངལ་གསོ་བྱེད་པའི་ཚེ་ཤར་མར་འདིར་སྤེལ་བའོ།། བར་སྐབས་ངལ་གསོའི་ཚིགས་བཅད། “རྔུལ་ཆུའི་ཐོད་པ་རླུང་ལ་གཏད།། ལག་ཟུང་ཁ་པར་ཀུ་ཤུར་འཐམས།། ལག་ལ་རེག་པའི་ཤེས་བྱའི་གཡུ།། དབྱངས་གསལ་སྐུད་ལ་བརྒྱུས་ནས་མདུད།།”
༼ཐོལ་བྱུང་གིས་འཆར་སྣང༽
ཆོ་འཕྲུལ་སྒྱུ་མས་སྤྲུལ་པའི་མི་བརྟན་པ་།།
ཡུད་ཙམ་སྡོད་པར་མེད་པའི་རྒུད་ཕྱོགས་རྒྱུག་།།
སྐྱེ་ནས་རྒ་བའི་བརྟེན་འབྲེལ་འཁོར་ལོ་འདི་། །
བསམ་ཞིང་བསམ་ན་ཅི་འདྲ་མགྱོགས་པ་ལ།།
ཕྱིར་ལྡོག་མེད་པའི་ལོ་ཟླ་བཞུར་རེམ་ནས་། །
དུས་བཞི་ཁྲོད་གྱི་ས་གཞི་འགྱུར་ལྡོག་བལྟས་།།
རྣམ་གཡེང་ཁྲོད་ཀྱི་རང་ཉིད་གཟུགས་བརྙན་མཐོང་།།
སྨྲེང་བ་ཞིག་གིས་སེམས་པའི་སྒོ་གླེགས་བརྡུང།།
རང་སེམས་འཆར་སྒོ་ནང་གིས་བྱིས་པ་དེ།།
ལྷོད་དེ་དཔྱད་དུས་ན་ཚོད་རྒུད་འགོ་བརྩམ། །
ན་ཚོད་འགྱུར་བ་ཆ་ཡིས་རྒྱུད་རིམ་ནས་། །
གཞོན་པའི་ན་ཚོད་ཟེར་བ་བོར་འདུག་གོ་། །
ཉི་མ་ཟླ་བས་རང་བསྐུར་མང་དུ་བརྒྱབ། །
མི་ལྡོག་ཆོས་ཉིད་གཡོ་འགུལ་ཆེ་རུ་སོང།།
ཆོས་ཉིད་ལྡོག་པ་མེད་ཀྱང་ཡོད་ན་སྙམ། །
ལོ་ཟླ་ཕྱིར་ལྡོག་མེད་ཀྱང་ཨི་ཡོད་བསམ། །
བྱིས་དུས་རྨི་ལམ་སེམས་གྱི་གཞེས་ཀ་རུ།།
བྱེ་མས་བྲིས་པའི་སེམས་ཀྱི་གཞལ་ཡས་ཁང།།
སྐྱིད་སྡུག་སྤྲིན་པ་མཁའ་ནས་གཡོ་བའི་དུས།།
སྤྲིན་པ་ངུས་པའི་ཆར་གྱི་ཡོད་ཚད་བསྙིལ།
\___གསེར་ལྡན་
ཆོ་འཕྲུལ་སྒྱུ་མས་སྤྲུལ་པའི་མི་བརྟན་པ་།།
ཡུད་ཙམ་སྡོད་པར་མེད་པའི་རྒུད་ཕྱོགས་རྒྱུག་།།
སྐྱེ་ནས་རྒ་བའི་བརྟེན་འབྲེལ་འཁོར་ལོ་འདི་། །
བསམ་ཞིང་བསམ་ན་ཅི་འདྲ་མགྱོགས་པ་ལ།།
ཕྱིར་ལྡོག་མེད་པའི་ལོ་ཟླ་བཞུར་རེམ་ནས་། །
དུས་བཞི་ཁྲོད་གྱི་ས་གཞི་འགྱུར་ལྡོག་བལྟས་།།
རྣམ་གཡེང་ཁྲོད་ཀྱི་རང་ཉིད་གཟུགས་བརྙན་མཐོང་།།
སྨྲེང་བ་ཞིག་གིས་སེམས་པའི་སྒོ་གླེགས་བརྡུང།།
རང་སེམས་འཆར་སྒོ་ནང་གིས་བྱིས་པ་དེ།།
ལྷོད་དེ་དཔྱད་དུས་ན་ཚོད་རྒུད་འགོ་བརྩམ། །
ན་ཚོད་འགྱུར་བ་ཆ་ཡིས་རྒྱུད་རིམ་ནས་། །
གཞོན་པའི་ན་ཚོད་ཟེར་བ་བོར་འདུག་གོ་། །
ཉི་མ་ཟླ་བས་རང་བསྐུར་མང་དུ་བརྒྱབ། །
མི་ལྡོག་ཆོས་ཉིད་གཡོ་འགུལ་ཆེ་རུ་སོང།།
ཆོས་ཉིད་ལྡོག་པ་མེད་ཀྱང་ཡོད་ན་སྙམ། །
ལོ་ཟླ་ཕྱིར་ལྡོག་མེད་ཀྱང་ཨི་ཡོད་བསམ། །
བྱིས་དུས་རྨི་ལམ་སེམས་གྱི་གཞེས་ཀ་རུ།།
བྱེ་མས་བྲིས་པའི་སེམས་ཀྱི་གཞལ་ཡས་ཁང།།
སྐྱིད་སྡུག་སྤྲིན་པ་མཁའ་ནས་གཡོ་བའི་དུས།།
སྤྲིན་པ་ངུས་པའི་ཆར་གྱི་ཡོད་ཚད་བསྙིལ།
\___གསེར་ལྡན་
བདེ་ཐང་ནི་རྨང་གཞི་ཡིན་པའི་སྟེང་། དམིགས་འབེན་ནམ་ཁ་ཕྱོགས། འཚོལ་སྙེག་ངེས་ཅན་རེ་ཡོད་རྒྱུ་ནི་༼སྤྲོ་སྣང་རང་ལུགས༽་ཀྱི་མེད་ཐབས་བྲལ་བའི་སྔོན་འགྲོ་ལྟ་བུར་ཆགས་ལེ་ཡོད་བསམ། [并不简单] #མི་ཚེ#
✋热门推荐