བྲོ་དང་གླུ་གར་ཆོས་ཡིན་ཟེར་བ་ནི། དོན་ཆོས་ལོག་སྤེལ་བ་ཡིན།
བླ་མ་མིང་ཆེན་ཡིན་ཀྱང་ཆོག མི་ཆེན་དཔོན་ཆེན་ཡིན་ཡང་རུང་།
གྲྭ་པ་རྣམས་གླུ་དང་བྲོ་གར་གར་ལ་རོལ་ཏུ་བཅུག་པ་ནི་སྟོན་པ་སངས་རྒྱས་ལ་ངོ་རྒོལ་བྱས་པ་རེད

#微博[超话]# ༄༅། །དྲ་གྲོགས་རྣམ་པར་སྲིད་པ་ཆགས་པའི་ལྷ་དགུའི་དཔར་རིས་དང་སོ་སོའི་ཞིབ་ཕྲའི་གནས་ཡུལ་ཡོད་ན་མཁོ་འདོན་གནང་རོགས། ཀུན་ལ་ཕན་པའི་ཆེད་དུ་བསྡུ་སྒྲིག་ཇི་ལྟར་བྱས་ཀྱང་རེ་གཅིག་རེ་གཉིས་ཤིན་ཏུ་རྙེད་དཀའ་བ་ཞིག་འདུག་ལགས།
世间九尊，藏区九山神。

སྙན་ངག

སྒོ་རབ་རྒྱ་མཚོ།

ཉ་མོ་རྐྱལ་རྩལ་རྒྱས་ཀྱང་རྒྱུག་ས་མེད། །

ངང་བ་ཡུལ་རྩིས་ཆེ་རུང་འཁོར་ས་མེད། །

མཚོ་ཆུང་ཕོར་བ་ཙམ་ཞིག་མེད་ས་ན། །

དགོས་འདོད་སྟེར་བའི་ཀླུ་ཞིག་ཨེ་ཡོད་དམ། །

སྐར་མའི་བཀྲག་མདངས་མཛེས་ཀྱང་ངོམ་ས་མེད། །

ཟླ་བའི་འོད་མདངས་གསལ་ཡང་འཕྲོ་ས་མེད། །

ནམ་མཁའ་མེ་ལོང་ཙམ་ཞིག་མེད་ས་ན། །

གནམ་འཕང་སྟོད་པའི་རྒོད་ཅིག་ཨེ་ཡོད་དམ། །

སེམས་ལ་གཤོག་པ་ཐོགས་རུང་འཕུར་ས་མེད། །

ལུས་པོ་ཉི་མས་དྲོས་ཀྱང་མྱིང་ས་མེད། །

གནས་ཡུལ་ལག་མཐིལ་ཙམ་ཞིག་མེད་ས་ན། །

གསེར་གྱིས་བརྩིགས་པའི་ཁྱིམ་ཞིག་ཨེ་ཡོད་དམ། །