今日中午由筲箕灣避風塘嘅海皮行路去到北角差館後面嘅海皮釣魚, 喺另一邊嘅海皮冇人釣魚嘅地方我睇見有一條青斑浮出水面同埋睇見一隻水母喺水面飄來飄去,嗰條青斑居然冇人睇見, 我又冇架撐喺手,唔係山里人今晚就有一條免費嘅青班享用,嗰條青斑行運,畀我放生咗佢,山里人唔理佢,走去飲茶,山里人行去西灣河經過生煎包專門店以為有位,推門入去,嘩見有兩條隊等緊位,唯有轉頭去第二間,過馬路對面三條魚爺爺 酒樓睇下有冇位,行入去見有五個人等位,我都諗住等下,等咗15分鐘都係冇耐性仲係去番東大街皇苑,上到去22號枱有張大枱,坐低叫咗茶洗好快子杯碗,突然事頭婆走埋嚟講聲唔好意思啱啱有五個人入嚟,叫我轉去近街嗰個窗口嘅大枱, 都未坐低又叫我轉去九號枱,唉..今日真係黑仔[晕] https://t.cn/RyhS6xD

【On.cc】太太生日！古巨基冧爆：你快樂就是我快樂

歌手古巨基（基仔）同太太Lorraine相戀多年，一直都十分恩愛，舊年基仔仲特登帶古太去咗台灣過生日添！基仔喺社交網站上載咗張近照，雖然淨係見到基仔個樣，不過見佢個樣咁冧，相信隔籬嗰個就係古太。基仔冧爆留言：「妳快樂，就是我快樂。生日快樂～」一班網民睇完都忍唔住大叫好閃呀！仲有人話睇見佢哋嘅笑容就知佢兩個好幸福。

【爆相爆片】老婆著長衫長褲曬太陽 半裸蔡加讚陪女郵輪嬉水

玩具大王蔡志明孻仔#蔡加讚# 喺13年娶咗「宇宙最強」甄子丹嗰姨仔#汪圓圓# ，二人三年抱三，生咗大女#Celine蔡婧妍# 同一對孖仔Christian同Kameron，真係有仔密密生。

本報讀者謝小姐日前就透過爆相爆片，見到蔡加讚同圓圓帶埋「前世情人」3歲大女Celine去咗星夢郵輪玩，同場仲有加讚家姐加怡兩公婆，但就未見佢哋對孖仔。

謝小姐就見到赤膊嘅蔡加讚抱住囡囡，同圓圓行咗去甲板嘅水池玩水，相片中，見蔡加讚就同Celine落水浸，而圓圓就好似好怕曬，又着長袖防曬衣，又戴帽同黑超，坐喺池邊睇住佢哋兩父女玩：「嗰時係晏晝4點半，見蔡加讚就全程抱住個女，嗰女個樣細細眼好得意，嗰樣似媽咪多啲，由於好熱好曬，甲板好『辣』腳，蔡加讚唔畀佢落地行，見個女全程都好似跟佢多啲，汪圓圓就尾隨，見佢想嗰女戴頂粉紅帽仔，但係嗰女唔肯戴，佢唯有自己戴住，佢哋喺池邊玩咗半個鐘，期間見佢哋點咗椰青飲。」

謝小姐就話呢個郵輪之旅係要玩3日2夜：「估唔到佢哋有錢人都會同普通市民一樣嚟玩遊輪，去泳池玩水，因為消費唔算貴，一個人最平係幾百蚊，最貴都係二千蚊到，住兩晚食足7餐。」