【On.cc】陳偉霆內地發展一帆風順　終有歸期回港拍戲

藝人陳偉霆近年在內地發展演藝事業，榮升一線人氣小生的他人氣高企。日前，他在內地出席品牌直播活動，席間接受司儀訪問時，透露將會返香港工作，表示：「接下來的一些日子我會去香港，就是港片，大慨有8、9年沒有拍過港片，然後這次回去完成一個這8年我很想去做的一些，或是很想合作的一些導演和前輩，感覺回去又有一個做的挑戰，所以這個對於我來說是一個挑戰。」問到將會何時啟程，他則表示「快了，快回去了，是近期的事情。」消息一出批內地粉絲表現不捨，希望他可以盡快完成工作返回內地。陳偉霆對上一次拍港片是2014年上映的《男人唔可以窮》。

日前出席公開活動！

陳偉霆與楊冪演出的《斛珠夫人》十分受歡迎！

大慨有8、9年沒有拍過港片！

#陈伟霆[超话]#

【On.cc】唔怕同Lincoln傳緋聞黐埋影相　陳嘉慧想做「老虎乸」

藝人陳嘉慧與許俊豪（Lincoln）今日（15日）現身電視城，出席新劇《你好，我的大夫》開鏡拜神，戲中二人乃上司和下屬關係。早前傳出緋聞的他們頓成焦點，難得肯大方合照，不過異口同聲繼續強調只是朋友關係。

雖然大讚嘉慧是好女仔，但Lincoln坦言：「都係工作先啦，以我嚟講好難得有機會拍劇。其實我哋見面都只係講工作幾多，都希望嚟緊可以喺音樂方面有合作。」嘉慧則表示：「之前我哋多次合作，好似《發言人》同《法政先鋒V》咁，不過好少對手戲，但多咗見面機會。我哋之前合作唱歌，啲網民都好受落。」當記者打趣指「少對手戲但有緣」，搞到嘉慧尷尬非常，突然語塞傻笑。

談到Lincoln是否自己心目中「那杯茶」，嘉慧起初扮聽唔明，及後答：「Super Tiger成員喎，應該好多人仰慕佢，我驚畀人鬧。（你做老虎乸加入吖？）都好喎，係唔係應該練吓舞先？」

陳嘉慧容光煥發！

唔怕同Lincoln傳緋聞，大方合照。

做咩咁開心？

#陈嘉慧[超话]##许俊豪[超话]#

【On.cc】黎諾懿牛一未決定食乜　陳貝兒多謝工作團隊記得生日

藝人黎諾懿今日（15號）42歲生日，連日來獲得身邊好友，以及劇集拍檔為他預先慶生。他感恩表示：「終於可以同班朋友聚一聚嘞。嗰晚我唔知佢哋嘅安排，點知有位長輩朋友，好貼心咁為我準備咗自己一向好鍾意食嘅大蛋榚出嚟，真係好驚喜。（有乜生日願望？）希望屋企兩位小朋友快高長大、身體健康，疫情快啲過去。」

黎諾懿與妻合照。

獲好友預先慶生。

由於正在趕拍劇集《婚後事》及主持綜藝節目，諾懿這個生日相當忙碌，不過有幸今天可以休息陪家人：「以往我生日係食炸雞嘅，但囝囝皮膚敏感，老婆叫我今年諗過第二樣，所以都有啲頭痛，直至依家都未有決定。我好珍惜今日休假，因為嚟緊我又要投入工作繼續搏殺嘞。」

陳貝兒獲黎芷珊推出蛋榚慶生。

多謝香港crew記得生日。

至於身在內地的陳貝兒則於14號生日，獲同行工作人員以及黎芷珊等推出蛋榚為她慶生。她將慶生照上載到社交網分享，且留言：「多謝香港crew同我慶祝﹗竟然記得我生日、好開心好surprise！多謝北京crew尋晚同我倒數！多謝大家！見到自己過去一年有努力咁活好自己，係值得慶祝嘅！」談到生日願望，她簡單表示：「希望大家身體健康、開開心心！」

#黎诺懿[超话]#