藝人周秀娜（Chrissie）與黃宗澤（Bosco）及朱鑑然，日前為梁家樹監製劇集《叠影狙擊》開工，Chrissie談到早前被拍得與大隻猛男親密行街一事：「嗰個係我造型師！識咗好耐，成日一齊行街。（依家感情空白？同Bosco咁熟，會唔會諗吓？）做戲嘅時候唔會諗呢啲嘢，咁遲啲唔知嘅，依家做朋友幾好吖！（符唔符合你要求？）我哋太熟啦，可以發展成情侶嘅嘢基本上喺戲入面都拍晒，佢會悶㗎！」她大讚Bosco為人幽默，與他合作令人放鬆又放心，唯一缺點就是太靚仔，不過她是「外貌協會會員」，所以絕不介意！靚仔自然多桃花，問Chrissie會否擔心？她笑說：「唔會喎！我超級膚淺，同埋花心唔係靚仔專利，咁梗係搵個靚仔啲啦！其實兩個人一齊係講信任嘛，如果因為靚仔而唔信佢，咁好唔公平，信任同溝通緊要啲。（有乜擇偶條件？）最重要外貌、開心同夾唔夾，同埋要過到我爸爸嗰關先，佢要求好高，要好似佢咁孝順、錫屋企人同有事業先得。」
靠老友做媒人
Bosco與Chrissie老友鬼鬼，問到會否考慮發展？他竟笑稱未有當對方是女性：「佢係好多男人心目中嘅女神，但喺我心目中係男神，哈哈！佢個人好豪爽冇乜所謂，唔係嗰啲小公主咁。（你身邊有呢類朋友？）小公主我唔會同佢做朋友啦，我頂唔順呢啲。（咁你嘅擇偶條件係咩？）最緊要過到我媽咪同朋友嗰關，因為我見朋友仲多過見阿媽，佢哋成日都話介紹女仔我識，不過疫情冇得見咋嘛！」

陳煒（煒哥）和童愛玲今日出席《聖誕寵物嘉年華》活動，身為「貓奴」的陳煒，表示愛貓Winnie在街執回來，而另一隻貓則在居住的屋苑樓下餵足三日後便帶回家飼養，雖然愛貓好怕陌生人，唯獨喜歡親近醫生未婚夫陳國強。她說：「嗰時屋企有四隻貓，啲貓好鍾意陪住佢，我好感激佢，佢對貓毛有敏感會身痕，但佢唔介意。」談到籌備婚禮，煒哥計劃四月舉辦婚禮，又爆未婚夫會操身形影婚紗相。她說：「佢自己要求要操練，不過唔係練到好肌肉。」

童愛玲透露早前到英國為兒子升讀大學作好準備，又指兒子已18歲，應懂得處理自己的事情，更認為作為媽媽的責任也完成。談到可會擔心兒子拍拖？她笑言鼓勵兒子識女仔，反而覺得識到好女生，從而更有動力做得更好，女友所說的說話比媽媽更有用。她說：「佢識任何國籍女仔，我都唔介意，最緊要佢鍾意。」

霍啟剛有份主辦的運動藝術展覽「敢動藝術」在西九文化區昨日舉行啟動禮，太太郭晶晶和兒子霍中曦、媽咪朱玲玲及弟弟霍啟山也有到場支持。啟剛指出，媽咪覺得今次活動很有意義，也對運動及藝術感興趣，希望媽咪能享受是次活動。

至於囝囝都有現身，啟剛表示，假日是家庭日，會盡量用來陪家人，有時會陪小朋友踏單車。問到兒子有否運動天份？他指出，中曦對運動有興趣，學了劍擊一段時間，強過玩球類運動。被問到有沒有遺傳到晶晶的水上運動天份？晶晶表示，大仔和二女都識游水，但泳池因疫情關了，已有一段時間沒去游水。對學校復課，問她是否鬆了一口氣？她笑說：「其實都會，但有他們在家都好開心好熱鬧。（啟剛之前話你有時教小朋友都好忟？）相信每個媽咪都會這樣，主要都是因為功課問題，大仔現在二年級要迫，我都想他自覺，但小朋友坐不定。」

啟剛則笑言，晶晶忟功課，他就忟大仔的吃飯問題，因為中曦食飯很慢，經常含着不吞，並自言都會對小朋友發惡，小朋友就會跑到晶晶身邊；晶晶則笑言，小朋友很醒目。

霍啟山近年積極推動足球運動，夢想有天能參與世界盃的籌辦工作。今年37歲的他不心急結婚，說現在沒拍拖，找對象也不會專攻運動型女仔，最緊要大家合拍。他笑言，一切順其自然，現在以事業為重。朱玲玲聞言即無奈地說：「點算呢？（你有沒有介紹女仔給她認識？）不行，要他自己揀才會服。」啟山表示，見到哥哥享受家庭樂都覺得開心，如果遇到合適對象會認真考慮，最重要是大家有共同喜好。