葉德嫻、蘇玉華、潘燦良和凌文龍昨天到商台宣傳12月公演的舞台劇《親親麗南》，因為反應理想，宣布加開2020年1月21日至23日3場，合演出30場。提到近期有不少演唱會和公開活動，因社會氣氛、交通問題及經濟環境等因素而改期或取消，潘燦良坦言《親親麗南》能在逆市中加場非常難得，由於現時距離演出還有一段時間，不太擔心受事故影響演出，他們未有改期或換場地的打算，到時會因應情況隨機應變。

近日劇組已開始排戲，葉德嫻直言每天看到日日新鮮的新聞影響到心情，但每當入戲時就十分投入，劇中和蘇玉華演兩母女，有不少激烈嘈交衝突場面，葉德嫻表示好好玩，做個自私衰媽媽，不斷輪迴做壞事，她笑說：「衰人角色應該死，我唔怕做壞人，因為我唔係呢種人。」

【01娛樂】【降魔的】續集將於1月中開拍　胡鴻鈞黑化與馬國明一決高下？

由馬國明、黃智雯、胡鴻鈞和劉佩玥主演的無綫（TVB）劇集《降魔的》口碑極佳，不少觀眾都非常期待續集的出現，而TVB早前舉行的節目巡禮裏面便宣布了來年將會有《降魔的2.0》，編審羅佩清之前接受《香港01》訪問時更透露新一輯比會比以前更刺激。

日前，胡鴻鈞接受節目《今日VIP》主持黎芷珊訪問時便透露《降魔的》第二輯將於來年1月中正式開工，而他原來飾演的精靈石敢當亦已經「冇咗」，這輯他是飾演與小馬（馬國明飾）的兒時玩伴豪仔：「今輯交代返豪仔發生咩事。」

胡鴻鈞在《今日VIP》中指自己在新一輯《降魔的》中飾演馬國明的兒時玩伴豪仔，而非第一輯的角色石敢當。（電視畫面）

咦，唔係好夠喉喎！胡鴻鈞接受《香港01》就講多了幾句，當中更包含了一些關鍵情節的提示：「我諗諗有咩講得先！（你係奸角？）我唔係奸角，我係一個悲劇人物，做嘅嘢都係身不由己，即係骨子裏唔係衰人嚟，但經歷過啲唔開心嘅嘢。」即是會跟小馬有連場大戰？不敢講得太多的他說：「嗱，同小馬有少少作對嘅，又有一種暗中幫緊佢嘅感覺。（你而家同啤啤劉佩玥都係鬼，你兩個有感情線？）冇喎，仲要係敵對！」

胡鴻鈞接受《香港01》訪問時指豪仔是悲劇人物，與馬國明亦敵亦友。（電視畫面）

講到今次並非飾演石敢當，令一班石敢當的粉絲或者或少都有點失望，胡鴻鈞說：「石敢當個使命就完成咗喇，咁我都自己希望以全新嘅角色見大家。」那麼劇集是叫《降魔的2.0》還是《降魔的之十字路口》？他答謂：「未知呀，而家我知道嘅嘢都係好初步。」

胡鴻鈞指石敢當已經消失，直言他的使命已經完成。（Instagram）

#kennethma马国明[超话]##胡鸿钧[超话]#

轉自【劇評人_方以文專頁】[詭探 第14集]
[讚]
我鍾意opening前，南華老祖同埋Madam方嗰段喎，個故仔結局係「和尚落地獄，屠夫上天堂」。到底我哋做件事嘅出發點係乜？結果又係點？
我個人睇法係：你參透到你就係大師啦，不過我唔係。南叔最初自稱替天行道殺啲「衰人」去為自己同埋富翁續命，全哥因為想個囝醒返所以超渡鬼魂積功德。

邊個自私啲？邊個係正邊個係反，我有啲亂。

全哥一直都傻傻哋咁，但係南叔一講到佢個囝嗰吓，立即勁認真勁man。 邵仲衡 舖咗咁耐全哥忽忽哋，係咪為咗呢吓？

[彈]
等睇茅山降頭大戰，拆咗cam，嚟料喇啩!!! 點知，__，私了咗。開咗門之後南叔己經出咗煙死鬼咗……（呢度唔可以講粗口，我只好嘟咗佢）

仲有Madam方同Joe拉咗南叔之後審犯，個鏡頭喺張枱中間旋轉，我覺得好多餘。
明明係迫緊南叔認罪，應該剪得緊啲，偏偏旋轉鏡頭就拖慢節奏。

如果係想用呢啲鏡頭嘅話，對白要設計吓。
例如係啲問題同答案都令到觀眾有啲思考空間，要啲時間諗一諗，咁個空閒位就有意義，依家只係窒礙咗個節奏。

不過可惜嘅係個劇啲對白真係好弱。
忠sir睇完條拍低晒南叔殺人嘅片之後，對同事講「呢條片夠料鋤佢，去拉人」
大佬呀，係咪當啲觀眾係低能呀…

[演員表]
劉錫賢 飾 南叔 / 蔣祖曼 飾 Madam方 / 邵仲衡 飾 司馬至全 / 張雷 飾 南華老祖 / 尹揚明 飾 忠sir / 駱振偉 飾 梳打 / 陳子豐 飾 Joe / 楊偲泳 飾 神婆