【On.cc】失落視后唔緊要！鍾嘉欣贏盡民心獲10萬訂閱獎牌

藝人鍾嘉欣去年憑《星空下的仁醫》成為視后大熱，雖然最終未能喺台慶頒獎奪得「最佳女主角」獎項，但亦獲得「馬來西亞最喜愛TVB女主角」獎，並成為網民心目中嘅民選視后！贏盡民心嘅佢就連網上影片頻道都得到網民大力支持，積極經營咗近1年時間，訂閱人數突破10萬大關，總觀看次數更高達770萬，成績理想。呢日佢就獲該影片平台頒發10萬訂閱獎牌，佢即開心得攬住合照，又表示：「我不敢相信我能做到這一點！打從心底多謝你們每一位！」

鍾嘉欣影片頻道獲10萬訂閱獎牌。

積極經營1年就有如此佳績！

佢多謝粉絲嘅支持。

#钟嘉欣[超话]#

【On.cc】曾承諾現身頒獎禮　鍾嘉欣忽然返「Home」？

藝人鍾嘉欣憑劇集《星空下的仁醫》角逐「最佳女主角」，獲網民大力推成民選視后，早前帶同囝囝返港，接連相約圈中老友出來聚會，包括林文龍夫婦、秦沛、李亞男等。雖然佢之前講明會出席聽日（2號）《萬千星輝頒獎典禮2021》，但尋日（12月31號）竟然喺社交網上載加拿大雪地照，並留言「Home」，另亦上載身在加國街頭相片，祝賀大家新年快樂，疑似快閃返回加拿大，究竟佢依家身在何處呢？
此外，佢亦分享自己到美容院扮靚，素顏近鏡大特寫冇有怕，一樣咁省鏡！

鍾嘉欣究竟身在何處？

忽然透露已返「Home」。

終於有時間扮靚靚。

疊埋心水返去做少奶奶？

#钟嘉欣[超话]#

【On.cc】鍾嘉欣返港爭視后　竟然喜歡酒店隔離

藝人鍾嘉欣去年回港拍攝無綫重頭劇《星空下的仁醫》，成功演活了章以芯一角，演技備受讚賞，被視為今年視后的熱門人選。早前她已帶同仔仔Jared回港，為爭視后一獎做足準備。仍在酒店隔離中的她，今日（10日）在社交平台上載新相片，見她坐在窗旁下，窗外維港景色盡入眼簾，斜陽下景色優美，再加上她天生麗質，即使淡妝下仍難掩美態，可謂得天獨厚。雖然很多人覺得隔離的日子相當難過，但她卻一反傳統，表示：「很奇怪嗎？我喜歡隔離。」但竟然獲一班好友藝人周家怡、李施嬅均表示認同喜歡隔離。

原來嘉欣已返香港隔離緊！

佢喺《星空下的仁醫》有上佳表現，成為視后大熱。

#钟嘉欣[超话]#