#吴卓羲# 講#菊梓乔# 要搵兄弟解圍　黃德斌愈解愈亂
吳卓羲（Ron）、張建聲和黃德斌齊為電影《逃獄兄弟3》宣傳，張建聲稱全男班拍戲特別開心：「唔使囉唆就埋位，唔好阻住啲返屋企做自己嘢嘛，（係邊個？）張繼聰要湊仔湊女。」問Ron拍戲可有阻住拍拖？他強調：「冇喎，我開緊第二組戲，自己分配到時間，（感情明朗化？）我冇講，分配到親情同阿媽食飯，（女友呢？）唔講呢啲啦。」似「剝花生」中的張建聲及黃德斌，突然雙雙彈開，令忙「耍太極」的Ron大叫：「做乜啫，你哋？」笑到彎到腰的張建聲就「踩多腳」：「畀個單頭你呀師兄，我哋好識走位。」
問到Ron可有介紹緋聞女友Hana給好友認識？張建聲就話絕不過問兄弟私人事，平時只會談車經：「如果車係老婆就交換老婆，講個小秘密畀大家聽，吳生每日唔可以overtime，因為要返去抹車。」笑問座駕是否只識唱Hana的歌？他投降謂：「算啦，我盡量解圍。」再問到Hana可有探班？又輪到黃德斌「出事」，他先說不知誰是Ron的緋聞女友，得知是Hana時，又睇住Ron說：「等你Confirm囉。」
不停強調沒有人來探電影班的Ron，再被到和Hana的同居傳聞，他沒好氣話：「冇同居，亦冇諗過，（接受同居？）到同居先接受。」張建聲忍不住寸Ron嘴：「師兄你都玩得人多啦，要唔會幫你解圍呀？」Ron婉拒：「冇幫過我，你唔講嘢就幫我啦。」張建聲繼續笑說：「頭先阿斌先係完美示範呀。」
憑《別怪她》一曲風行的Ron，不拒絕再執咪高峰，自言或和音樂人相識多年的好友鄧智偉傾合作，問是否介紹鄧智偉給Hana任新歌監製？他又否認：「係佢公司安排嘅，佢哋同公司咁耐梗識啦，（但佢哋冇拍拖嘛？）傳媒講之嘛。」而黃德斌笑言在無綫多年沒有新戀情，全因：「我都冇人鍾意」，再令Ron語塞。

前港姐冠軍陳曉華（Hera）出席公開活動，透露新劇《回歸》即將煞科，之後將投入葉念琛新劇，問到有甚麼準備工夫？她笑說：「就係增肥，不過呢個都係藉口，因為個角色唔可以太瘦，但本身肥同埋腫都好容易（要增幾多磅？）冇實際嘅數字，只要塊面有番啲肉地好似可愛啲。」首次與葉導合作的她，坦言望稍後有機會一嘗拍電影滋味。

談到新一屆港姐招募，問到會唔會介紹身邊朋友參加？Hera表示：「身邊朋友唔係嗰個年代啦！其實咁多年來都冇人搵我做提名人，身邊啲朋友反而試過，所以都想有一次呢啲感覺，等我物色吓先！」

Hotcha組合前成員張惠雅（Regen）日前接受電台訪問時，重提與黎美言（Winkie）拗撬最多，直指她為人難相處，未必每個人都頂得順她的性格。今日黎美言（Winkie）出席遊戲節目宣傳活動時，將多年來受盡的冤屈氣發洩出來，激動爆喊作出大控訴：「其實我忍咗十幾年，由入行嘅時候，佢哋兩個（張惠雅及張紋嘉）已經對我單單打打。佢哋會話我扮大牌，其實睇住我成長嘅記者都知我只係一個妹，我只不過個樣生得惡，但我完全係冇攻擊性，而且我並唔係扮大牌嘅人嚟，而我呢個喊嘅舉動我都會有壓力。」

Winkie聲淚俱下續說：「但我發覺一提起佢哋兩個對我嘅傷害，我會好傷心。可能佢哋都會覺得我有傷害過佢哋，但至少咁多年來，我都保持佢哋個形像，冇用媒體嘅量力去話過佢哋一句半句，呢個係我同佢哋最大嘅分別。我個樣係冇佢哋兩個咁甜美，咁生得咁入屋，我認自己個樣惡，但我都有我嘅價值，唔需要喺網上面評論我嘅價值，咁多年嚟好辛苦，發覺原來唔係做緊自己，亦都冇諗過入娛樂圈係咁。其實我最傷心嘅係佢哋兩個，分別係喺我離開咗娛樂圈6年之後仲要攻擊我。其實我做生意都係想避開，想自力更生養活自己。其實我當初選擇離開組合係頂唔順佢哋啲小動作，咩小動作我就唔想再提。」

提及張惠雅事後對自己的言論向你道歉。Winkie表示：「我知道，我絕對接受。其實最傷害我心嘅人並唔係佢，係張紋嘉。但佢對我做過啲乜傷害，我呢一世都唔會講，就算死入棺材我都唔會講，係因為我唔想去數佢。而我點解同佢哋關係咁差，我相信主要係利害嘅關係而引起。而佢哋成日都會同人哋強調話好難頂得我順，話我好臭寸，大家相處嘅時候，總會對我單單打打。其實當時公司係知道有調停過，但都冇用。」