嫲嫲：又影我怪相
五一假期好快結束了，po下我眼中嘅世界。順便講下，3號同大家去BBQ，食咗好多嘢，亦都玩咗啲互動遊戲，例如狼人殺，哇真係點講好呢，發現的確唔係好啱我，一直畀人吊住打，誠實啲就肯定唔好玩，我講大話又出破綻，玩到自我懷疑係咪智商有問題，唉算啦以後都係唔好參與好過啦.......

視帝陳展鵬與湯洛雯（靚湯）為新劇《隱門》開工，靚湯因胃炎要戒口，指男友馬國明只懂叮粥給她吃。而該劇因疫情停工了一段日子再開，展鵬笑指感覺似開拍第二輯。因疫情停工多月的《隱》劇終於復工，場口以文戲為主，近來飽受胃炎困擾的靚湯，隨身帶備麵包醫肚：「出面唔敢亂食嘢，喺屋企通常食粥。（男友馬國明靚粥？）佢都唔識煮嘢，不過會幫我翻熱啲粥嘅。」將於明天（6日）生日的她，笑稱沒期望過男友給她驚喜，她甜絲絲說：「我哋好少正日畀驚喜，不過平時會做啲窩心嘢嘅。（例如呢？）呢啲秘密唔講啦，我諗佢應該會買蛋糕啩，哈哈。」她表示希望早日完成拍攝，可放假休息，或會陪男友出埠工作，順道旅遊：「睇佢去邊啦，目的地吸引會跟埋去。」

陳展鵬幽默表示復工感覺似開拍第二輯：「通常拍劇係冇得瞓，今次休息反而多咗。」他透露稍後會飛往北京拍劇，表示：「要拍幾個月。（唔擔心疫情？）有關注嗰邊情況呀，因為想帶埋太太同小朋友一齊去，大家都守咗2年幾，太太咁辛苦，小朋友又未飛過，當去個旅行啦。（會唔會3個去4個返？）可能5個呢？哈哈！順其自然啦，冇專登Plan，不過最好一個一個嚟啦，突然多兩個要好多嘢考慮㗎！」談到太太單文柔傳與無綫合約即將完結，早前又透露有新開始，他表示留待太太親自解答，作為丈夫只需要全力支持她便可，他說：「就算佢選擇唔做嘢抖吓都冇問題，做自己鍾意做嘅嘢就得喇！」

郭子豪最近兩線劇《食腦喪B》和《今宵大廈 2》都有份演出，各有難忘經驗，不過講到最大收獲肯定是因《食腦》而跟何廣沛和方紹聰組成「食腦三子」，再成立製作公司齊追夢。由模特兒轉戰電視圈7年的子豪，自爆由離地囂爆到經歷公司兩度雪藏後，更加清楚自己不足，感恩現在擁有的一切。

採訪：杜淑霞 攝影：沈健程

髮型：Hugo Poon

子豪跟何廣沛和方紹聰雖然性格和背景都不同，反而令他們能互補不足，跟劇中一樣組成這個鐵三角，他又笑指私底下三人關係，「我哋喺studio成日講廣沛係阿媽角色，我係阿爸，奶仔係個細路，我好多時諗到嘅嘢會比較心急，冇咗佢哋角色，我係搞唔掂，佢哋將我衝返嚟嘅嘢變成個落地嘅主意，翻繹返人話講畀啲同事聽，有時我要求好高對啲同事好燥，廣沛就好似潤滑劑咁。」他又透露除合作主持綜藝《真係唔好笑》外，還跟高層曾志偉提出創作新綜藝節目，「曾生都開咗綠燈，但內容未公佈得住，我哋三個都好期待。」

入行7年，子豪近期發展愈來愈好，但他卻自爆初入公司時有過勁乞人憎的日子，「做Model時真係好多粉絲，個人就囂，個鼻哥生咗喺額頭度，一路覺得自己讀書同外貌都唔差，就自我感覺良好，睇唔起人，嗰種心態好醜惡，入到TVB冇咁多人照顧，慢慢先學返點樣做人同處事，7年嚟都得罪咗好多人。」

子豪更自爆早在醉駕事件前，因推劇已被公司雪藏過，「做埋宣傳後，我無端端話唔拍，因我知同時間有另一個角色，但公司安排咗呢個，我覺得應該做嗰個，公司同我講嘅原因我聽唔入耳，但當人大咗，嗰兩套劇都出咗街，我就明點解當時要我做呢個角色。」

不過，雪藏確實令子豪成長，「嗰時醒咗六、七成，醉駕再醒埋嗰兩、三成，我家仲有一成不足。」自知不足的子豪，不斷讀戲劇和製作課程增值，考健身和各類車牌裝備自己，更加學懂珍惜所擁有，「公司畀好多機會，做演員係我鍾意做嘅嘢，又有搵到錢嘅嘢，一個咁差性格嘅人，身邊有啲friend同女朋友不離不棄，已經好幸福。」