ན་མོ་གུ་རུ།
བླ་མ་མཁས་དང་མ་བྲལ་ཅིག །
བླ་མ་མཁས་དང་བྲལ་བ་ན། །
དམུས་ལོང་མིག་བུས་བོར་བ་འདྲ། །
ཕྱིས་ལམ་རྙེད་པའི་དུས་མ་མཆིས། །

དད་པ་ཆེ་དང་མ་བྲལ་ཅིག །
དད་པ་ཆེ་དང་བྲལ་བ་ན། །
ཐག་རིང་འགྲོན་པོའི་རྟ་ཤི་འདྲ། །
གྲོགས་རྗེས་སླེབ་ཀྱི་དུས་མ་མཆིས། །

གདམས་ངག་ཟབ་དང་མ་བྲལ་ཅིག །
གདམས་ངག་ཟབ་དང་བྲལ་བ་ན། །
ས་བོན་མེ་ཡིས་ཚིག་པ་འདྲ། །
མྱུ་གུ་ཐོན་གྱི་དུས་མ་མཆིས། །

དགོན་པ་དབེན་དང་མ་བྲལ་ཅིག །
དགོན་པ་དབེན་དང་བྲལ་བ་ན། །
རྒྱལ་པོས་རྒྱལ་ས་ཤོར་བ་འདྲ། །
འབངས་རྣམས་འཐུལ་བའི་དུས་མ་མཆིས། །

ཐོས་པ་ཆེ་དང་མ་བྲལ་ཅིག །
ཐོས་པ་ཆེ་དང་བྲལ་བ་ན། །
བོང་རྒན་སྟོད་ལ་མནན་པ་འདྲ། །
རྩི་ཐོག་ཆོད་པའི་དུས་མ་མཆིས། །

ལྟ་བ་བཟང་དང་མ་བྲལ་ཅིག །
ལྟ་བ་བཟང་དང་བྲལ་བ་ན། །
རྒོད་པོ་གཤོག་པ་ཆག་པ་འདྲ། །
བར་སྣང་ཆོད་པའི་དུས་མ་མཆིས། །

སྙིང་རུས་ཆེ་དང་མ་བྲལ་ཅིག །
སྙིང་རུས་ཆེ་དང་བྲལ་བ་ན། །
རྭ་རྩིགས་སྦྲང་མས་ཁྱེར་བ་བཞིན། །
ཁྱུང་སྣ་ཆོད་པའི་དུས་མ་མཆིས། །

ཉམས་མྱོང་བཟང་དང་མ་བྲལ་ཅིག །
ཉམས་མྱོང་བཟང་དང་བྲལ་བ་ན། །
སྟག་ཤར་གཡུལ་ངོར་གོ་མེད་འདྲ། །
མདའ་རྩེ་ཐུབ་པའི་དུས་མ་མཆིས། །

སྤྱོད་པ་ཞིབ་དང་མ་བྲལ་ཅིག །
སྤྱོད་པ་ཞིབ་དང་དང་བྲལ་བ་ན། །
གྲུ་མཁན་སྐྱ་བ་ཤོར་དང་འདྲ། །
ཕ་ཁར་ཐོན་གྱི་དུས་མ་མཆིས། །

བསམ་གཏན་རྒྱུན་དང་མ་བྲལ་ཅིག །
བསམ་གཏན་རྒྱུན་དང་བྲལ་བ་ན། །
ལག་རྡུམ་བྲག་ལ་འཛེག་པ་འདྲ། །
བྲག་ཁར་ཐོན་གྱི་དུས་མ་ཾཅིས། །

དམ་ཚིག་གཉན་དང་མ་བྲལ་ཅིག །
དམ་ཚིག་མཉན་དང་བྲལ་བ་ན། །
དམ་ཉམས་སྲུང་མ་བྱེད་མཁན་འདྲ། །
བྱིན་རླབས་འབྱུང་གི་དུས་མ་མཆིས། །

རྟོགས་པའི་དོན་དང་མ་བྲལ་ཅིག །
རྟོགས་པའི་དོན་དང་བྲལ་བ་ན། །
རི་དྭགས་རྒྱ་ལ་ཟིན་པ་འདྲ། །
སྤང་ལ་སླེབས་ཀྱི་དུས་མ་མཆིས། །

མི་འབྲལ་བཅུ་གཉིས་བྱ་བ་འདི། །
སུམ་པའི་སྟོན་པ་ཁྱོད་ལ་བྱིན། །
ཡང་ཡང་སོམས་ལ་ཉམས་ལེན་མཛོད། །

སློབ་གཉེར་བ་ཞིག་གིས་བརྟག་ཅིང་དཔྱད་ན་མ་འདུས་པ་མེད་པའི་རས་ཆུང་བའི་“མི་འབྲལ་བ་བཅུ་གཉིས”ཀྱི་མགུར་འདི་དྲ་གྲོགས་ཡོངས་ལ་ཞོགས་ཇ་ཞིག་གི་ཚབ་ཏུ་ཕུལ་ཡིན། [干杯]

མི་ཡུལ་ལན་གཅིག་ཐོབ་པའི་སྐལ་བཟང་འདི།།
བྱམས་ལྡན་དྲིན་ཆེན་ཨ་མས་གནང་ལགས་ན།།
བདག་གིས་དེ་རིང་ཁྱེད་ཀྱིས་དུས་ཆེན་ལ།།
སྐུ་ཚེ་ཁྲི་ལོ་བརྟན་པའི་སྨོན་ཚིག་བཀོད།།

ཞེསའཛམ་གླིང་མ་ཡུམ་གྱི་དུས་ཆེན་ཉིན་ཤེས་རབ་མེ་ལྕེའམ་དགེ་ལེགས་རྒྱལ་མཚན་ནས།

ཡུ་ཁུ་རེན་ལ་རྒྱལ་ཁ་འཐོབ་ངེས་རེད། རང་དབང་འཐོབ་ངེས་རེད་ཟེར། (དབྱིན་ཇིའི་སྲིད་བློན།)
དེ་རིང་ང་ཚོ་ལ་ཆབ་སྲིད་ཚོགས་པ་གཅིག་མ་གཏོགས་མེད། ཚོགས་པ་དེའི་མིང་ལ་ཡུ་ཁུ་རེན་ཟེར། (སྲིད་འཛིན་ཛུ་ལེན་སུ་ཀེ)
ཕྱི་ཟླ་༥ པའི་ཚེས ༣ ཉིན། དབྱིན་ཇིའི་སྲིད་བློན་Boris Johnson གྱིས་བརྙན་ལམ་བརྒྱུད་ཡུ་ཁུ་རེན་གྱི་གྲོས་ཚོགས་འཐུས་མི་ཚོ་ལ་གཏམ་བཤད་གནང་འདུག་ལ། འདི་ནི་རཱ་ཤི་ཡས་བཙན་འཛུལ་རྗེས་ནུབ་ཕྱོགས་ཀྱི་དབུ་ཁྲིད་ཞིག་གིས་ཡུ་ཁུ་རེན་གྲོས་ཚོགས་RaDaནང་གཏམ་བཤད་གནང་བ་ཐོག་མ་དེ་ཆགས་ཡོད། དབྱིན་ཇིའི་སྲིད་བློན་གྱིས་ཡུ་ཁུ་རེན་མི་མང་གིས་བཙན་འཛུལ་བ་ཁེའུ་ཧྥུ་སྒོ་འགྲམ་ནས་ཕར་བསྐྲོད་བཏང་བ་དེ་ཡིས་དུས་རབས་ཉེར་གཅིག་གི་དམག་འཁྲུག་ལོ་རྒྱུས་ཁྲོད་རྒྱལ་ཁའི་བྱས་རྗེས་བླ་མེད་བཞག་ཡོད་ལ། མི་རབས་རྗེས་མ་ཚོས་གདུག་རྩུབ་ཆེ་བའི་བཙན་འཛུལ་དང་། མེ་མདའ་དང་ཐང་ཀེའི་འོག་ནས་ཡུ་ཁུ་རེན་གྱི་རང་དབང་འཕྲོག་མ་ཐུབ་པའི་གཏམ་རྒྱུད་གླེང་ངེས་ལ་དྲན་གསོ་བྱ་ངེས་ཡིན། དེ་དང་ལྷན་ཕུའུ་ཌེན་གྱིས་འཇིགས་སྐུལ་འོག་རྒྱལ་ཁབ་དབང་བསྒྱུར་དང་འོས་འདེམས་གཡོ་བསྒྱུར། གསར་འགོད་རང་དབང་ལ་རྡོག་རོལ། ཆབ་སྲིད་ཀྱི་ལྟ་བ་མི་མཐུན་མཁན་ཚར་གཅོད། སྲིད་འཛིན་ལས་ཡུན་ཚད་བཀག་མེད་པ་བཅས་ལོ་རྒྱུས་རང་བཞིན་གྱི་ནོར་འཁྲུལ་ཚབས་ཆེན་བཟོས་བའི་ལྐུགས་རྟགས་དང་སྨྱོ་རྟགས་ཀྱི་གདོང་རིས་དེ་ལྷང་ལ་བུད་སོང་བ་རེད། ང་ཚོས་ཡུ་ཁུ་རེན་ལ་གོ་མཚོན་གྱི་རོགས་སྐྱོར་གནང་སྟེ་ཡུ་ཁུ་རེན་ལ་བསྐྱར་ཏུ་སུས་ཀྱང་བཙན་འཛུལ་དང་ཐུབ་ཚོད་གཏོང་མི་ཐུབ་མཁན་ཞིག་བཟོ་ཡི་ཡིན། ཡུ་ཁུ་རེན་ལ་རྒྱལ་ཁ་འཐོབ་ངེས་རེད་རང་དབང་འཐོབ་ངེས་རེད་ཅེས་སོགས་བརྗོད་འདུག ཐེངས་འདིར་སྲིད་འཛིན་ཛུ་ལན་སུ་ཀེ་ཡང་གྲོས་ཚོགས་སུ་དབྱིན་ཇིའི་སྲིད་བློན་གྱི་གཏམ་བཤད་ལ་ཉན་དུ་ཕེབས་སྐབས་གྲོས་ཚོགས་འཐུས་མི་ཚོས་དགའ་བསུའི་ཐལ་མོ་ཤུགས་ཆེ་བརྡབས་ཡོད་པ་དང་། སྲིད་འཛིན་ཛུ་ལན་སུ་ཀེ་ཡིས་དབྱིན་ཇིའི་སྲིད་བློན་དང་མི་མང་གིས་རོགས་སྐྱོར་བླ་མེད་གནང་བར་ཐུགས་རྗེ་ཆེ་ཞུས་བ་དང་། ང་ཚོས་མཉམ་དུ་རྒྱལ་ཁ་ལེན་ངེས་རེད་ཅེས་བརྗོད་འདུག་ལ། ཡང་ཁོང་གིས་མུ་མཐུད་གྲོས་ཚོགས་འཐུས་མི་ཚོ་ལ་ཁྱེད་ཚོ་ཡང་རླབས་ཆེ་བའི་ཡུ་ཁུ་རེན་དམག་མི་ཡི་ཆ་ཤས་ཡིན། ཁྱེད་ཚོའི་གཡུལ་ས་ནི་ཁྲིམས་བཟོ་ཁང་ཡིན་ལ། ཡུ་ཁུ་རེན་མི་མང་གི་ཆེད་དུ་ཁྱེད་ཚོས་ཉིན་མཚན་མེད་པར་ཕྱག་ལས་གནང་བཞིན་ཡོད་ལ། ཁྱེད་ཚོར་ངལ་གསོ་བའི་ཉིན་མོ་མེད་ལ་ཚོར་བ་ལྷག་མ་མེད། ཁ་གཡང་ཡང་མེད། དེ་རིང་ང་ཚོ་ལ་ཆབ་སྲིད་ཚོགས་པ་གཅིག་མ་གཏོགས་མེད་ལ། ཕྱོགས་ཁག་མེད། ཚོགས་པ་དེའི་མིང་ལ་ཡུ་ཁུ་རེན་ཟེར་ཅེས་བརྗོད་འདུག