/
牛年望《男排》班底再合作 鄧麗欣想辦香港明星運動會

鼠年大部份港人過得不順境，但鄧麗欣（Stephy）算是幸運的少數，雖然工作量不多，但推出電影《金都》和劇集《男排女將》成績不俗，最難得達成推廣排球運動，兼跟男友王子（邱勝翊）煲劇心願。提到牛年願望，Stephy想《男排》班底再合作外，亦希望推出新歌，最想有機會籌辦香港明星運動會。

Stephy承認鼠年算不幸中大幸，「年初《金都》有好成績，《男排》大家又好鍾意，得到一啲民間獎項，咁逆境時候有鼓勵同獎項，係好大意義，所以好感恩，自己算好好彩。」她最開心《男排》達成推廣心願，「好開心有套屬於排球嘅戲，我收到好多message，有啲打開排球好想打番，有啲係冇打過好想學排球，呢個係我好想做到嘅嘢。」

Stephy想跟王子煲劇的心願，原來亦悄悄實現了，「唔話畀你哋知！哈哈！（悄悄地）都係嘅。（佢嚟咗香港呀？）秘密地，呢啲唔好洩漏太多啦！走咗成年先話畀你哋知！」承認叉吓電好，「咁都真係要見一見嘅，唔係都唔記得咗佢啦！」問下次到她飛？她笑言：「除非去做嘢，搵啲嘢去台灣做先，哈哈！」

雖然《男排》成功，但Stephy不贊成拍續集，原班人馬再合作則非常支持，「寫嘅時候冇諗過，夾硬再寫多條線唔係嗰樣嘢，但可以玩啲番外篇。」提到Edan（呂爵安）同《頭條》爆搵過她做MV女主角，而她話「畀得起錢就得」，「哈哈！講笑啫！價錢面議。」她直言跟「力圖」球員已拍出感情，「我真係當咗佢哋係學生或者細佬，好屋企人感覺，就算佢哋個人出歌都會好關注，想佢哋好同進步，當咗師徒關係。」新一年仲想仿傚台灣搞個明星運動會，「有好多藝人都鍾意運動，我哋可以玩，同埋推廣吓健康運動好適合。」

撰文：杜淑霞
攝影：張詠森
形象：Queenie Yu
髮型：Vince pang@IL COLPO group
服飾：Issey Miyake、Chaumet
.
.
#stephytang #headlinedaily

哥哥，此時此刻我淨係想知道，這些年來你過得仲好嗎？相信你嗰度宜家應該系春暖花開了，自從當年迷戀上你嘅嗰一刻開始，我個心裏便就從嚟都冇停止過想你懷念你掛住你，眨下眼已經過去咗18年，雖然已經過去咗18年，但係我對你嘅思念就從嚟都冇因為時間嘅流逝而消失，反而隨着時間嘅流逝，我對你嘅愛慕同想念卻越嚟越深，不特止系我，好多鍾意你嘅歌迷fans朋友，仲有最想你嘅“唐生”更加系如此，如果你機會能夠聽到呢一切，相信你一定會為此動容，一定會為此感到好欣慰好感動好高興，我哋大家不忘當年情，今生今世只為你鍾情，全賴有你，令我明白做人除咗要懂得去愛其他人之外，最緊要嘅系懂得得點去愛自己，呢句説話可以話對我有好大影響，等我學識去愛自己，有時喺寂寞夜晚無心睡眠，我就起返身坐喺窗前一路望緊夜空上嘅明星，一路响度諗緊有誰共鳴，有時喺慵懶嘅下晝飲返一杯午後紅茶嘆下世界，有時喺我嬲到爆好激氣嘅時候，我就話畀自己知沉默是金，笑罵由人，灑脱地做人！係我嘅成長過程入面，你動聽嘅歌聲同埋精彩經典嘅電影陪我共同渡過咗好多難捱艱辛痛苦絕望嘅時光，感謝你嘅歌曲同電影帶嚟好多感動高興歡樂畀我，令我對生活充滿向往同熱愛，令我充滿鬥志同希望奔向未來的日子，所以，籍住今日呢個日子，我想衷心咁同你講一聲:“多謝嗮你，哥哥，多謝你嘅電影同歌曲帶嚟畀我咁多歡樂同感動，多謝你教識我咁多生活同埋做人嘅道理，令我重燃起對生活嘅希望同熱愛，能夠認識你同埋了解你系我呢一世最幸運嘅事總之，千言萬語只得一句，多謝你，哥哥！”因為一個人，愛上一座城，因為哥哥，令我好鍾意香港，我都幾咁希望，將來有一日，我能夠親自去香港為哥哥獻上一紮花，踏上哥哥曾經生活過嘅土地，搵返下哥哥嘅足跡，唞返啖哥哥曾經唞過嘅空氣，用心去感受哥哥靠近哥哥拉近同哥哥嘅距離，雖然你離開咗我哋已經18年，但係你卻永遠喺我哋大家嘅心裡，你似乎從未離開我哋，往後嘅每一日我哋大家都會陪你共同渡過，如今，春夏秋冬十八載，風繼續吹，你仍未歸，希望你可以知道我哋大家都好想你，你在何地？你若在場，我相信春夏秋冬都會很好，哥哥，我永遠懷念你，今生今世繼續寵愛張國榮哥哥！[心][心][心][鲜花][鲜花][鲜花]

「少婦聯盟」陳凱琳（Grace）、龔嘉欣及譚凱琪為邵氏節目《師父有請》任嘉賓，席間大談生意經，Grace透露父親一直是生意人，但未有給予女承父業的壓力，故近年投資6位數字推出自家落妝棉品牌，只是為了興趣：「生咗小朋友想多啲時間留喺屋企，又想Keep住工作個人先會醒目啲，但我真係唔叻，所以搵拍檔幫忙。（點揀拍檔？）會揀個有做開生意，仲係成功嘅，而對方話我知唔會畀呢件事衰，佢有呢個想法，令我更加有信心。」

而嘉欣近年於馬來西亞開火鍋店，表示店內所有細節也由自己包辦：「火鍋利潤好高，當地仍然有明星效應，我哋去到都幾受歡迎！但近排因為疫情實施封城，生意有影響，都好頭痕，我仲要係畀員工包食包住，難得遇到一班肯為你做嘅同事，所以守住先。」她形容感覺像流緊血，更曾因壓力大而一度停經。

至於譚凱琪曾於幾年前經營過餐廳，後來因種種因素令其無法繼續維持，最終選擇結束：「做生意真係好難，特別係管理，樓面同事話請假就請假，真係好難搞。不過如果好幫得手嘅廚師，我哋就會畀佢入股，咁樣佢會做得投入啲。」不過主持麥玲玲卻分享到自己的奇怪生意之道：「由於命格問題，我係唔可以真金白銀拎出嚟投資，好似同拍檔合股吉祥物生意，都係佢幫我代出資，我話保證一個月就會翻本，果然一個月就翻到本。」