过日脚:有啥喫啥是拎得清
一生一世过日脚,有啥讲啥。一日三餐顶平常,有啥喫啥。
曾经想过,疫情日脚里,拿一日三顿喫啥拍下来,写出来,发圈里。做了一天,还是放弃了。实在是,勒迭种勿二勿三的日脚里,有辰光寒酸,不管三七廿一拿出来晒,人前想想坍台,人后想想作孽,人前人后再想想,夹里覅了面子总要一张;有辰光又团又抢的,买重了,又碰着完全没有预告的送了救济物资过来,拿迭种比正常日脚更加奢侈的样子晒出来,有凡尔赛之嫌;十三点兮兮样子摆勒平常波澜勿惊的日脚,也就算了;摆勒现在迭种群情激愤一点就着的日脚,多少女人为了几棵青菜,勒各个群里低声下气、细陪小心;多少男人为了一支香烟一听啤酒,壮壮胆子摸黑出门,转弯角子勿接触交接;回过头看看,苦笑笑,日脚过得像演戏。
勒迭种辰光,晒“浓油赤酱岁月静好”,算勿上不耻于人类,也算得上不耻于自家的亲朋好友。omicron总要走的,下趟,还要做人伐?!
做人做事体要识相。
前一天,团了蔬菜,送的前头,团长通知,米苋改成生菜了,勿想要的可以退;团群里有人冒头问:本来里厢勿是已经有生菜了?团长勿响。其他所有人侪勿响。搿种辰光,大家选择“拎得清”。夜里9点半接到通知,老地方领菜,6斤蔬菜扽一扽只多勿少,29元,觉着上海人民币又回归正常比率。只不过,一小半是杭白菜和上海青,一大半是生菜,一“愁”莫展。
先简单整理,寻只大果盆,装半盆水,生菜竖好仔浸下去;上海青汏清爽,切成丁,腌一腌装广口瓶里;杭白菜勿汏,厨房纸潮一潮,包好菜根,用保鲜膜,候分刻数塞进冷藏室。
定心,一夜好睏。
早上起来,汏一棵生菜,切碎成丁,撒点盐,轻轻交掿一掿;平底锅烧热淋油,生菜捏成鸟窠样子摆下去,鸟窠贴当中敲只蛋下去,撒点胡椒粉,盖镬盖。揩面、刷牙齿之后,看看蛋结起来了,翻一面,再煎一些,盛出来就好喫了;
中午,一棵生菜烫一烫,用蚝油烧只酱汁,淋一淋;夜里厢,还是生菜,和爆汁牛肉丸子一道汆只汤。
一日三顿,三棵生菜用脱,又一天捱过去了;夜空里小雨开始淅淅沥沥,拿剩余的生菜种到四只咖啡杯里,四棵生菜一排生,闷声勿响。
更多内容请关注公众号《新画白相》。谢谢。
一生一世过日脚,有啥讲啥。一日三餐顶平常,有啥喫啥。
曾经想过,疫情日脚里,拿一日三顿喫啥拍下来,写出来,发圈里。做了一天,还是放弃了。实在是,勒迭种勿二勿三的日脚里,有辰光寒酸,不管三七廿一拿出来晒,人前想想坍台,人后想想作孽,人前人后再想想,夹里覅了面子总要一张;有辰光又团又抢的,买重了,又碰着完全没有预告的送了救济物资过来,拿迭种比正常日脚更加奢侈的样子晒出来,有凡尔赛之嫌;十三点兮兮样子摆勒平常波澜勿惊的日脚,也就算了;摆勒现在迭种群情激愤一点就着的日脚,多少女人为了几棵青菜,勒各个群里低声下气、细陪小心;多少男人为了一支香烟一听啤酒,壮壮胆子摸黑出门,转弯角子勿接触交接;回过头看看,苦笑笑,日脚过得像演戏。
勒迭种辰光,晒“浓油赤酱岁月静好”,算勿上不耻于人类,也算得上不耻于自家的亲朋好友。omicron总要走的,下趟,还要做人伐?!
做人做事体要识相。
前一天,团了蔬菜,送的前头,团长通知,米苋改成生菜了,勿想要的可以退;团群里有人冒头问:本来里厢勿是已经有生菜了?团长勿响。其他所有人侪勿响。搿种辰光,大家选择“拎得清”。夜里9点半接到通知,老地方领菜,6斤蔬菜扽一扽只多勿少,29元,觉着上海人民币又回归正常比率。只不过,一小半是杭白菜和上海青,一大半是生菜,一“愁”莫展。
先简单整理,寻只大果盆,装半盆水,生菜竖好仔浸下去;上海青汏清爽,切成丁,腌一腌装广口瓶里;杭白菜勿汏,厨房纸潮一潮,包好菜根,用保鲜膜,候分刻数塞进冷藏室。
定心,一夜好睏。
早上起来,汏一棵生菜,切碎成丁,撒点盐,轻轻交掿一掿;平底锅烧热淋油,生菜捏成鸟窠样子摆下去,鸟窠贴当中敲只蛋下去,撒点胡椒粉,盖镬盖。揩面、刷牙齿之后,看看蛋结起来了,翻一面,再煎一些,盛出来就好喫了;
中午,一棵生菜烫一烫,用蚝油烧只酱汁,淋一淋;夜里厢,还是生菜,和爆汁牛肉丸子一道汆只汤。
一日三顿,三棵生菜用脱,又一天捱过去了;夜空里小雨开始淅淅沥沥,拿剩余的生菜种到四只咖啡杯里,四棵生菜一排生,闷声勿响。
更多内容请关注公众号《新画白相》。谢谢。
浦美现有国内最大规模徐冰个展“徐冰的语言”展览作品共有18大板块、70组作品,囊括了版画、素描、装置、文献记录、手稿、影像、纪录片等多种形式,集中展现了徐冰在艺术生涯的各个时期,以东方思维转化出的独特艺术语言,并在国际上大放异彩的大量经典代表作。最喜欢的还是英文方块字书法教室,让我可以端坐在座位上拿起毛笔认真的描摹起中国书法演变成的英文,真的一秒穿越到小辰光拿毛笔写大楷簿的日脚了。#带你看展览##遇见艺术##徐冰展# https://t.cn/A6tVaJuG
【上海话里这么多“头”和“脚”,你知道是啥意思吗?】#长知识#上海话形象、生动、有意思,体现在很多词中——侬晓得上海话里的“头”和“脚”也能表现“辰光”吗?仔细想想,阿拉常说的“后头来”“钟头”“日脚”“尴尬头”等词,是不是就跟时间的表述密不可分?今朝,小编为你盘点这些特别的“头头脚脚”,赶快来看↓(上海发布)
✋热门推荐