正准备干活，又被砸门发东西……

在一阵“宝山个趟撸特了好几额宁”“乃么哈色嘞么胆子囥了”“发额倒是好东西”的议论里，我只想问，到底要把我们关到什么时候？

东西确实都蛮好的，生菜大到热昏，但其实我更希望这些新鲜食材出现在市场上，自由交易，物有所值。

只能分装了几袋送给左右人口多的邻居，尽量让它们“物有所值”一些。

过日脚｜候自家心向顶好

今朝天气勿好，老清老早，阴沉沉，分勿清是日里还是夜里的那种阴沉沉。
想想，从前也会有迭种天气，黄梅天，或者是五、六月份里碰着雷阵雨，一记头黑云压城，吓人倒怪；不过，从前辰光，看见天气就是天气，晓得一阵雨一阵风过去，也就好了；所以，有雨过天青迭个词，真是个美得心惊肉跳的词。
而现在迭个辰光，看见天气会无边无际想出去，落好雨打好雷还会哪能；然后，会有点胸闷，有点烦，还会有点坐立勿安。所以，天气给人的感受，勿全是物理的；伊常常跟人有关，跟事体有关，更加跟心情有关，所以，天气是化学的。
比方像现在迭段长长的超过一个月的封控里厢，因为一个无症状阳性的筛查与捕捉，全上海人喫辛喫苦，也是没啥结果。比方讲，昨天半夜里，居委会通知讲，明朝全市做核酸，早上六点钟开始；老清老早打开微信又看到，全市核酸取消了，改为两趟抗原；还以为就迭能了，没想到，下半天又通知，下午1点半去做核酸——不可捉摸，不知所以，迭种煎熬，碰着迭种天气，让人无所适从。
凭良心讲，煎熬迭桩事体，跟喫有关，但勿算顶顶要紧的，比方讲现在，三天两头可以在APP上买着点蔬菜、面包，甚至于还可以买点兰花豆、鱼皮花生、碧根果喫喫，捱捱辰光，喫勿是问题了。侬看看现在小区里，大团数人团的已经不是小菜了，是奶油蛋糕、可乐、咖啡和啤酒。比方讲今朝，买一瓶猪油、一袋北海道黄油面包和一袋肉丁烧卖，就勒想，是烧猪油菜饭，还是用一笃猪油炒一碟杭白菜？唉，喫迭桩事体，多少能让人解脱一些些忧。倒是勿晓得一桩事体勿晓得结果，让人总也解不了忧。听天由命迭声叹息里，又囥了多少不想听天由命的情绪？
噼噼拍拍打字辰光，迭场雨终于是落下来了。落下来是变化，好过一直阴沉沉让人心勿定。勿紧勿慢嘀嘀嗒嗒的雨声反而让人心定，天也稍许亮点出来了；假使好走出去，顶多也就撑一把伞而已。
比方讲，此地还有一个小变化。从今朝开始，喏喏喏，开始有一只《新画白相》。从前是画画写写，朋友帮忙做个推送；辰光长了，老麻烦人家勿好。所以，现在还是画画写写，自家有空自家一手一脚做个推送，欢喜就看一眼，勿欢喜就翻过去。人活一世，能候自家心向顶好了。
PS：
今朝中饭：翻翻冰箱，有前两天小区里团的九华山老母鸡，还有杭白菜和肉丁糯米烧卖。
鸡汤加姜、料酒，笃一个钟头；两棵杭白菜汏清爽、切碎；泡几粒干贝；搭鸡汤一道，烧一镬子菜泡饭；蒸两只肉丁烧卖，一碟皮蛋，一碟自家腌的白萝卜片。简简单单。

早晚，今日从简，酸奶烤面包布丁，回锅肉，蒜苔炒蛋，菜饭～
酸奶烤面包布丁吼吼吃，技艺非常稳定的一款甜食主食，有牛奶酸奶鸡蛋面包就可以搞定。蔓越莓和椰丝纯属装饰，喜欢甜食的少年还额外淋上一层枫糖糖浆，好吃加倍[哈哈]
回锅肉的好吃不用赘述，光盘就是对它最大的完美[心]
蒜苔舍不得吃一直囥囥囥，囥到今朝么，老了呀！
菜饭没有咸肉就是缺少灵魂，空有皮囊而已。
巧妇难为无米之炊啊！